الي يبا يضعــف يدخل هنــــي الحيين

[ذنـيـنـي]

السلام عليكم

اليوم يتني فكره هالموضوع و هو عبارة عن برنامج للأعضاء الي يبغون يخففون وزنهم و في هالبرنامج كل واحد يقول كم وزنه الحالي و كم وزنه المستهدف.
فكرة الموضوع هي انه نشجع بعض على الوصول للوزن المستهدف لأنه اغلب الي يفشلون في الرجيم يعانون من عدم التشجيع و يشعرون بأنه محد يساعدهم و انه محد قادر يفهمهم.

شروط المشاركة في البرنامج:

1- الجدية التامة
2- الصراحة
3- الاعتراف بالاخطاء الي حصلت على البرنامج خلال اليوم و عدم تكرارها
4- الألتزام


ابغي 4 اعضاء على الاقل لنجاح الموضوع


اول شي ابغي اعرف كم شخص بيشارك و عقب ان شاء الله بشرح طريقة التنفيذ بشكل موسع
تحياتي لكم يا دباديب يا حلوين

[قرموشة]

انا من دباديب الواحـات لول
سجـل اسمـي .. مستعـده أشــارك ويــاكم =)

[ذنـيـنـي]

المشاركه نمبر ون قرموووووووووشة
نشكرج على التفاعل السريع


في انتظار الباقين

[ا ل غ ل ا]

ذنيني

أنا أنا أنا بعد أبا أشارك

سجلني

[ذنـيـنـي]

المشاركة الثانيه

ا ل غ ل ا
نشكرج على المشاركة

و في انتظار البقية

[صريح]

نصـوور

فكره حلوه و الله يوفقكم


بس عن نفسي عمري ما عترفت اب شي اسمه رجيم و هالسوالف
اخر شهرين فالكليه كنا نشتغل ع روجكت التخرج و مول ماشي مجال
الواحد يطلع و يسيير و ايرد ... كله يلسه فالكليه و شغل يعني ماشي حركه مول
وزني وصل 77 و صدق اتسويت مغزز خخخ ... بس عقب ما خلصنا كليه
رجعة اسوي رياضه "جري" في 8 ايام بالضبط وزني استوى 61

3 ساعات جري كل يوم فليل ع الممزر .. تقريبا مال 10 كيلو

تبغي صدق تضعف اكرف عمرك بالرياضه
و شوف كيف جسمك بيكون

الجري - عسب تنقص وزنك + لياقه
السباحه - عسب جسمك يتقسم عدل

سو الاثنين كل يوم و شوف النتيجه
6 شهور و عندك six-pack مثلي لول

[ذنـيـنـي]

صريح انا وياك
بس بعد الاكل تراه يلعب دور

و من الشروط الي بحطها عقب ممارسة الرياضة بانتظام و يوميا
ما عليك تراني مخلي في بالي هالشي

[صريح]

زين انك بتحط الرياضه بشكل يومي فالجدول


تعرف انا من النوع اللي اكل وااايد واايد
يعني بشكل بتنصدم منه والله .. بس الحمد لله ما يطلع فين مول

و انا كنت ابا اخف من الاكل شويه
و هذا الشي كان التحدي الصدق بنسبه لي

غصبت عمري فتره اني اقلل من الاكل
و بس تميت اكل الغدا و العشا
و ودرت الاكل اللي بين هالفتره"يعني العصر و المغرب اذا حسيت بيوع"
و ودرت اكل اخر الليل يعني ما اكل شي عقب الساعه 10 و اذا كنت سهران و يعت اكل كيك ولا شي خفيف

و الحين خلاص جسمي تعود على هالنظام و ماشي عليه طبيعي

[قرموشة]

صـح كـلام صريـح ..
الركـض صدق يسوي في الجسم فعايـل ..
ولد خــالـي كـان مربرب صدق ماشا ءالله .. وكـان يركض يومـيا حول الـ 5 كيلـو جدا حديقـه المطـار
والحين مستوي أضعف عني XD
بس نحن بنـات صعب نحـصل مكـان نركض فيـه .. لا تقولون الآلات .. تراهـا تملل وايـد ومب مـثل الركـض بحريـه وطلاقه

[جواهر]

انا انا

انـــــــــــا بشـــارك

فكرة جداً جميلة

يسلم راعيها

[ايه احبك]

انا معاكم ورايه عرس ومجله الخلق
انا جسمي بس يباله تعديل يعني رياضو بس ابي اخف من 2 لين 5 XD
الرياضة الي كل يوم لازم امارسها هي المشي خلاص صارت في عروقي
شي ثاني اليوم عن حساب بديت اسوي الرجيم عاد ما يندرى بكمله ولا XP
قلت بيما انه دومي 9 بشرب قرين تي الصبح
وطول اليوم ماي
ولي الساعة 1 باكل سلطه وبعدين الدوام بيخلص الساعه 6 فبشرب شوربه انشالله
وبعدين على الساعة 10 انشالله بمشي

[طير الحب]

اذا السالفه فيها رجيم او حبوب صعبه

[ذنـيـنـي]

قرموشة

البروقرام بيكون فيه مشي لمدة ساعه يوميا،،
ممكن انج تمشين في الحوي،، ولا شوفيلج وحده من الكبار و امشي وياها في الاماكن المخصصه للمشي

حاولي تبتعدين عن مكينه المشي لأنها مملة
او ممكن انج تستخدمينها بس بشرط انه حد يكون عندج عسب تسولفين وياه و ما تملين

=================

جواهر

حياج الله من بينا اختيه،،
سجلت اسمج ويانا و ان شاء الله نوصل لنتيجة طيبه

============

ايه احبك

شدي حيلج اختيه و ان شاء الله توصلين للي تبغينه
سجلتج ويانا

=============

ام عبادي

هالموضوع عبارة عن تشجيع فقط و ما بلزمهم بجدول معين للأكل ولا بنصح بتناول الحبوب
القصد من الموضوع هو انه نرفع من معنويات بعض و كل واحد يحسس الثاني بأنه عمل انجاز من خلال تخفيفه لوزنه،، لأنه الي يصير في عالمنا انه الواحد مهما شد حيله من حد يشوف يقوله انته متى ناوي تضعف !! و هالشي وايد يخرب على الشخص من الناحية النفسية فـ كل القصد من الموضوع هو رفع المعنويات و محاولة عدم الوقوع في الاخطاء الي تخرب البرنامج الغذائي و تخريبه مثل حبة كاكاو عابرة- علبة بيبسي على الطاير- حبتين بطاط مقلي عن خاطرهم في هالموضوع بيكون جزء منه الاعتراف بالذنب و عدم تكرار الخطأ مرة اخرى

اتمنى انه تكون الفكره وصلت

الي يبغي الرجيم و الحبوب يسير عند الدكتور،، و الي يبغي تشجيع و مسانده معنوية يشارك ويانا

[شوق القلوب]

الســـلام عليــــكم...

والله انك يا نــاصر انسان عجيـــــب... يييييييييييت في وقتك..



و الحمد الله انه النفسيه منسده عن الاكل.. يعني بيكون التجاوب تمــــام

فــ.. بعد اذنك طبعاً... سجلني وياكم


..

[مجموعة إنسان]

ما شاء الله
الواحات كلها اوزان ثقيلة خخخ ..

ودي اكون معاكم .. بس هالأيام ما اقدر لان وراي سفر وطبعا الأكل بيخترب
بس ماعليكم
بعد ما برجع بطبق اللي تسوونه


تشكرات دكتور نصورترشن