الي يبا يضعــف يدخل هنــــي الحيين

[المزوحي]

الله يعطيج الصحة اختي مزن

[دمعة شوق]

المزوحي ،، آلحمدالله نقـصت هآلـ 4 كيلو ، بس حآلياً عشآن أوصل للوزن آلمثآآلي يبآلي بس 5 كيـلو وبـقـوول بـس خلآص
بس حالياً أخفف من الأكل ومآ أخربـط وآآيد وأبتعد عن الغازيات والحلويآت بس تبا الصدق انقطعت عن المشي وآلريآآضة :(
يبآلنـآآ نرد نمشي على الأقل آلنفسية تتحسن شـوي
:)
يآلله شـد حيـلك وخبرنآ شو يصير عندك
~

مزن
ربي يعطيج الصحة والعآفيـة

[مــهــابه]

من زمآآآآآن ماوزنت ..

اللهم آعلم مّتنت ولآ ضعفت ><

[مزن هتان]

يعافيكم ربي اخواني

بما انه الدواء يسد نفسي فـ صرت ما اتغدى و ريوقي يكون جبن و الا زعتر و كورن فليكس
العشاء سندويجه جبن و الا بيضتين مسلوقات يوم اليمعه اتغدى =)
باسكن روبنز ماصبر عنه

شي ثاني فيني النقرص يعني بعيد عن اللحوم الحمراء، مادري اذا قلت لكم
يعني غصب عن خشمي اصير نباتيه

و نهاية هالشهر بتشوف الدكتوره
يقولون فيني أعراض قولون عصبي بعيد عنكم، من الحين حارميني من الاكل الحار !

[شوق القلوب]

مروا علي اربع ايام.. اكلي كان كله من المطاعم ... يعني غدا + سويت و كوفي.... زود وزني ٣ كيلو !!!!!!!!! مع انه حتى ويبه الغدا شي بسيط.. بس صدق انه حتى لو المطاعم كانت زينه بعد تعتبر جنك فود !!!

[المزوحي]

جسمي اصبح مب رياضي ، شو هذا !!!

[دمعة شوق]

^
ليش مآتمشـي نفس قـبل ؟
أو تـدخل آلصآآلـه ؟
~

الحمدالله رحت واشتركت في النآدي ، وأمس رحت واكتشفت آني لازم آضعف ضعف آللي كنت حآطتنه فـ بآآلي :(
كنت حآطه فـ بآلي 5 كيلـو لازم أنقص بس آكتشفت آنه آكثـر ، لانهم شافوا كم نسبة الدهون والماي
وهالاشياء ف الجسم فـ صحياً لازم انقص 10 كيلـو

لاااا تعبت !! من فترة تميت محافظة على وزني على أساس بس انقص على 5 بس الحين لازم آشد حيلي نفس قـبل وآنزل
~

عقب آسبوعين بآخذ قياسآت وأشوف كم نزلت ، عسى خير آن شآءالله =)
.
شدوا حيلكم حلـوة آلليآقه وآلرشآآقة

[المزوحي]

مشكلتي ما احب التزم بالصالات، وبديت أمشي من اسبوع، ووزني نزل نص كيلو بس انا بعد ابغي انزل 10 كيلو او 12 تقريبا

بس تمشين على نظام اكل معين ؟؟ وإلا بس رياضة !

[دمعة شوق]

الكـل يقولي بس خلآآص لاتضعفيـن s=
بس صحياً ونفسياً لازم أضعف واسوي اللي أباه
معنى محد يشجع الا قليل منهم,. ولا الكل يقولي بس خلاص !

[المزوحي]

دمعة شوق هم يقولون لج مب زين، بس انا اقول يعتمد كيف طريقة اكلج، يعني بما إنه ماتشربين مشروبات

غازية+ ما تاكلين حلويات ( اللي هي ممكن تأثر بشكل سريع في وزنا ) وتاكلين الاكل العادي بحيث

تخفين من الكمية، مثل ما قلتي مب عقب الساعه 8 ما تاكلين شي ، هذا شي طيب الصراحة ..

هنيه لا تهتمين بكلام حد، لأنه مب قطعتي الاكل بالمره او تاكلين وجبة وحدة ..


انا شو بديت اسوي ، امتنعت عن الخبز اللحم والدياي والسمج عادي، منتوجات الألبان بنسبة ضئيلة

وأمشي والماي لازم وإن شاء الله نستمر ونحافظ على اجسامنا

[دمعة شوق]

دآمك مستمر على المشي آنت والخير ربآعـه ،
ماامشي على نظام معين بس آحاسب وايد على أكلي وماأخربط وماشرب غازيات ولا اكل حلويات الا اذا ف الاسبوع مره وحده ، وطبعن من عقب ساعه 8 المسا ماآكل شـي ، بالاضافه إلى الشاهي الأخضر وأكثر من الماي ، والحمدالله وآآيد فآدني هالشي ونقصت وآيد آلحمدالله والحين لازم احافظ واستمر عشان اوصل للي أباه
~
تقريبا في شهرين إلى 3 شهور نقصت 10 كيـلو وسهله صدقني انا كنت بس امشي ساعه يومياً او حتى 45 دقيقه واسوي اروحي تمارين بسيطه
شد حيلك ياخوي بس يبالها إراده وآن شآءالله بتخف
=)

[دمعة شوق]

شي حلو بس تقدر تستبدل الخبز العادي بالخبز الاسمر
واذا حبيت تاكل الدياي خذ الصدر والاحسن يكون مشواي ، لان الصدر تكون كمية الدهون فيه قليلة
والحمدالله احاول مااسمع حدلين مااوصل للي اباه =)
،،

:( بس اليوم خربتها كلت من برا وكان الوقت متاخر ع ۱۰
بس بحاول اعوض ف الرياضة ، نفس ما قال الاخ ذنيني من قبل لازم تحط لك هدف عشان تمشي عليه

شد حيلك ياخوي ، عشان عقب ترتاح ويكون بس كيف تحافظ ع وزنك !

[المزوحي]

انا إذا استوى وخربطت، أحاول إني التزم، ما اقول لاااا انا خربت على عمري واهد بعمري

غير يوم نلبس التي شيرت والكرشه ناطه

يعني لازم نهتم الصراحه

[دمعة شوق]

^
لوول هذي آلمشـكلـه يوم تبا تعرف نفسك متنت لا تقآيس على آلكنـدورة
ألبس تي شيرت وشـوف
آن شآءالله بتـشد حيـلك ونسمع أخبار حلوة من صـوبـك
")

[المزوحي]

^
آن شآءالله بتـشد حيـلك ونسمع أخبار حلوة من صـوبـك
")

والله شجعتيني يوم قلتي هالكلام