الي يبا يضعــف يدخل هنــــي الحيين

[فرفوش]

فيه أحصائية أتقول أن نسبة زيادة الوزن لشعب الإمارات سببها الرئيسي السكريات
أي أن الفواكه والتمور والحلويات والعصائر الطازجه أم الصناعية والحليب والأرز والمعكرونه والخبز والعدس وغيرها من النشويات والبقوليات تؤدي لزيادة الوزن
ورمضان أن شاء الله أتي فنغتنم الفرصة في تحسين الوزن
والبعد عن القيمات ^_* والحلويات

[دمعة شوق]

^
صـح كلآمــك

ورمـضـآن احس آلواحد صعبه ينزل وزن ،
كـله معجنـآآت وووخرآبـيط :s

بس الواحد لازم يحآسب على أكله
ويخصص على الاقل نص ساعه للمشى في رمضآن
^^

[قصايد غلا]

ليش تمتنون في رمضان ؟

أنا ما أحس إنه رمضان يمتن لووول

مع إنه في رمضان يكون لنا بارض نتفنّن بالأكل و نسوي سويتات ما نفكر فيها في الفطر


يعني نحن فطورنا كل يوم لازم فيه هالسوالف
سمبوسة "جبن و لحم و بطاطا و خضرة" + كبة + باكورة + و بف باستري أو فطاير أو سبرينغ رول

[مزن هتان]

يقولك فرفوش أكو ناس فطورهم عادي يقتصر عـ اللقيمات و التانج
شلون نبتعد عنه ؟!! ما يصير

تصور انه مزن ما تتفطر عند اهل امها لأنهم ما يسون لقيمات
شكلي بسوي لقيمات باجر

نازله كم كيلو في شهر و شوي
بس طبعا وقفت اللي كنت أسويه

كنت اروح الجم يوميا ساعه و 45 دقيقه باستثناء اليمعه
و ما كنت أكل عيش الا بالسبت ، كنت أكل أي شيء عادي بس بمقدار بسيط
أشرب ماي و المشروبات الغازيه أصلا مبتعده عنها تقريبا بس لازم سفن اب مره فالاسبوع
ما استغنى عنه، اللي اسويه مش رجيم كثر ما انه احافظ على أكلي مش مهم عندي أضعف
بس خلاص احس بنفجر، آخر شي بطير نفس هاك الارنب اظن اللي بالرسوم المتحركه

ماكو وقت برمضان حق الرياضه، و خاصه نحن الاناث
الصبح دوام، الظهر اذا الوحده فينا بتريح لين العصر و بعدين دخلت المطبخ
بعد الفطور يدوب نتجهز للصلاه، نرجع البيت الا لمة الحريم لين قريب الـ 11 و بعدها نرقد

[فرفوش]

مزن هتان
لا تنفجرين


أنزين عندج الدايت سفن أب لو تشربينه كل يوم ما يمتن
أبتعدي عن العيش نهائي وعن أي شيء مطبوخ بالطحين
وأبتعدي عن الخبز الأسمر والأبيض وبداله خذي خبز الصويا او خبز الهاي بروتشن
أبتعدي عن السكر الأبيض والأسمر وبداله خذي السويتنر بتحصلينه في الصيدلية
ابتعدي عن الفواكه والحلويات
بالمختصر المفيد أبتعدي عن اي شيء يتعلق بالسكريات والبقوليات
وشوفي النتائج كيف بتصير


عندج المسموح به وهو
البيض
اللحم
السمك
الدياي
النقانق
فقط حليب النوق أو حليب لكتوس المراعي بس مره في اليوم
خبز الصويا او خبز هاي بروتيشن بس مره في اليوم
سكر السويتنر للشاي والقهوة
العصائر والغازات الخالية من السكر يعني (الدايت)
مب مشكله اذا تانج او فيمتو بس شرط ما يكون فيه سكر
الخضره من جميع انواعها
وفاكهة الابوكادو
ومن المكسرات مسموح فقط الفستق الحلبي وجميع أنواع الحب فقط
ومن الشوربة مسموح جميع انواع الشوربة كالسي فود والدجاج والسمك او اللحم او الخضرة
اما شوربة العدس وشوربة الشوفان او الحريريه وشوربة بها عيش او معكرونه فغير مسموح

بينقص وزنج بدون رياضه
بس 1غرام سكر يسوي بلاوي في الجسم
يعني لاتقولين مره وحده او شوي ما يأثر
الاحصائيات اتقول سبب زيادة الوزن في الامارات
90% سكريات

ولكن بعد لازم نوازن يعني الجسم محتاج سكر
فثلاث حبات تمر او رطب في اليوم
او بديله نصف موزه كبيره
او يح حجم كبر كف اليد
او 12 حبه عنب
طبعا اختاري واحد من الفواكه وليس كلهم

[دمعة شوق]

حـلو كلآمــك يـآ فـرفوش

يشجـع آلوآحــد
~
قـصوده
وهآلآشيـآآء ماتـمتـن ؟
من غير الحلويآت وبآقي الأشيـآآء

~

مزون
نفس مآقـآل فرفوش خذي الأشياء الدايت وبتشوفين آلفـرق


~

آلوآحـد من يخفف آلأكل خلاص بيتعـود
بيتعود أنه يآكل شـوي وبالقدر اللي المعدة تعودت عليـه ،
بـس سآلفـة آلجسـم يتأقـلم ويتعــود ،

")

[قصايد غلا]

فرفووش : كلام جميييل
يا ليت نطبقه


========

دمعة : لا ... عن نفسي ما يأثر فيني في رمضان
تعرفين ؟ .. لاحظت اني يوم اسوي مثل ما قالت مزن (آكل كل شي بس بكميات بسيطة يعني بدون حرمان) أنزل بسررررعــــــة =)
لكن لو وقفت كل شي أحبه أو قمت أخبص ==> في الحالتين أزيد

[مزن هتان]

فرفوش
أحاول ما انفجر، لا تحاتي

كلام جميل و شاكرتلك اضافتك
بس بعقب عليه "هذربان" + وقت مستقطع عن الشغل

1.انا العيش مو مهم عندي، في رمضان ما أكل العيش أبد
2. ماصبر عن الكوكيز أسبوع بدون مبالغه موضوعه شرات السفن، ماحب اني اشرب دايت سفن اب
كأنه مياه غازيه طعمه ماصخ، اترك السفن آب و لا اشرب الدايت
3. المكسرات و الفواكه و الخضره "ما اكل هـ الاشياء"
الخضره أكلها سوتيه "أطري الميمده"، الفواكه بس جيه أحس انه شي مو مهم و المكسرات تسبب لي حساسيه
"عدنا طاوله بالصاله، مستحيل تكون فاضيه.
درابيل، رهش، خنفروش "من كويت" كوكيز + كاكاو "من لندن"، شبس "من البحرين"
بقلاوه و غريبّه "من سوريا" و من غير الكيك اذا بيسون الخدامات و الا معجنات
أنا ذكرت الاشياء الموجوده عـ الطاوله حاليا

دمعة شوق
ان شاء الله بحاول اخذ بديل الاشياء اللي أحبها دايت

[فرفوش]

آلوآحـد من يخفف آلأكل خلاص بيتعـود
بيتعود أنه يآكل شـوي وبالقدر اللي المعدة تعودت عليـه ،
بـس سآلفـة آلجسـم يتأقـلم ويتعــود ،

دمعة شوق

فرفووش : كلام جميييل
يا ليت نطبقه


========

دمعة : لا ... عن نفسي ما يأثر فيني في رمضان
تعرفين ؟ .. لاحظت اني يوم اسوي مثل ما قالت مزن (آكل كل شي بس بكميات بسيطة يعني بدون حرمان) أنزل بسررررعــــــة =)
لكن لو وقفت كل شي أحبه أو قمت أخبص ==> في الحالتين أزيد

أختي قصايد
ذكرتيني بشخص أعرفه وهو دايم ولازال يخبص بالأكل وياكل كل شيء وما يقدر يستغني عن الاكل
واتبع رياضة الركض نص ساعه كل يوم
جهاز الركض في بيته ومجابل التلفزيون وكل يوم نص ساعه يركض فيه
ونقص وزنه من 110 كيلو إلى 70 كيلو
الرياضه تحرق كل شيء في الجسم وما تعرف سكر ولا دهون

"عدنا طاوله بالصاله، مستحيل تكون فاضيه.
درابيل، رهش، خنفروش "من كويت" كوكيز + كاكاو "من لندن"، شبس "من البحرين"
بقلاوه و غريبّه "من سوريا" و من غير الكيك اذا بيسون الخدامات و الا معجنات
أنا ذكرت الاشياء الموجوده عـ الطاوله حاليا

أختي مزن هتان
الصراحه هذه الطاولة أرهابية
عدوتج
أحذري منها

،
نسيت أخبرج أن الكورن فلكس والذره بعد من السكريات

[المزوحي]

مادري ليش ما اقتنع بموضوع دايت ( ببسي او سفن . الخ ) او حتى سويتنر ، عندي اخلي المشروب الساخن بليا شي او احط شويه من الشكر العادي ولا استخدم هالشغلات

ومثل ما قال فرفوش إنه الرياضه تحرق الدهون والاكل .. في ناس تاكل دونت وإلا برجر وفي نفس الوقت تحرق هالاشياء

لالا عند جد يبالنا نمشي

[قصايد غلا]

فرفوووش : ماشاااء الله علييييه 40 كيلووو برياضة نص ساعة ، وااايد زييييين

لا عاد أنا مب ما أقدر أستغنى عن الأكل =p
أنا أطري إني بدال لا آكل فاكهة ، آكل قطعة ككاو مع إني مب من محبي الككاو بخبال
أو بدال لا أشرب لي عصير فرش باااارد أقوم أشرب لي كراميل فرابتشينو ينعشني =D
و الأكل مثلا بدال لا آكل شي صحي آكل فاست فود

على فكرة ترى الربع يأثرون واااايد ، أنا من أطلع ويا بنات خالي واااايد أخبص >.<
في بيتنا ما تدخل المشروبات الغازية ، بس يوم أطلع أشربها لأن بنات خالي يقولون لي اشربــي بس اليوم (و أنا نفسي ضعيفة لووول)

[مزن هتان]

سجلت بالجم البارحه =)
هالفتره بروح العصر و في رمضان بعد التراويح مباشره بإذن الله تعالى

[المزوحي]

زين ماشاء الله، نص الرياضه وتخفيف الوزن في الحركه

[حلم الطفوله]

لفتتني إضافة مزن هتان

نحن عدنا نفس الطاوله بصالتنا

كل ما تشتهيه العين 24 ساعه

مهما حاولت أحتج لوجودها .... يطنشوني

لدرجة إني عاندت هالفتره وما علمت الشغاله أي نوع من أنواع لسويتات

ناقصين سويتات نحن !!

[مزن هتان]

زدت كيلو =) هذا يوم الاحد
اليوم اظن بترجع تاخذ لي الوزن و من عقبها راح يكون كل اسبوعين
حاليا اروح الجم ساعتين و الى 3 ساعات و الابو معترض ليه يوميا تعب عليج

حلم الطفوله
شلينا كل اللي عـ الطاوله، استعدادا لـ رمضان