الي يبا يضعــف يدخل هنــــي الحيين

[ايه احبك]

بجربه عيل بسوي عمليه انتحاريه باجر اذا ما دخلت الواحات اسبوعين اقرو عليه الفاتحه هيهيهيه XD

[أنامل قلب]

^ اويه بسم الله عليج XP
لا هو مو لهذي الدرجة بس يباله انج تتعودين عليه ^^"

[ايه احبك]

الله يعين بجرب انا مب خسرانه شي بس كم يخسر في الاسبوع

[أنامل قلب]

^ لازم بيكون معاه شغلات ثانيه اذا كنتي حابه تنزلين ،
ممكن يخسرج وزن بس مش متأكده ، لكنه عالأقل إذا مانزلج بيحافظ على وزنج ،
أو إنه بيقلل من احتمال انج تزيدين اكثر ، مثل ما قلت يحرق الدهون ،
لكن بعد ما يشربونه وايد لأنه حمضي بزياده وحارق ..

نحن عدنا بالبيت ما يشربونه عشان الوزن ، بس لأن فوايده أساسا كثيره ،
ومنها انه يحرق الدهون الزايده مثل ما قتلج ..

وبعدين شي على شي بيخسرج وزن باذن الله ،
إنج ما تاخذين راحتج بالأكل ، ولا تخففين بزياده بس ابتعدي عن الأشيا اللي تضرج ،
+ حاولي تمشين عالأقل نص ساعه باليوم ، وهالأشيا على بعضها بتخسرج وزن ان شاء الله =]

[ايه احبك]

اممم ان شاللله ينزل الوزن عندي
شكرت انامليتو

[أنامل قلب]

^^ ..

[أنامل قلب]

يمي يمي ^^،

قاعده آكل هذا ، ثالث حبه !



بس لازم أوقف ، عن اخبصني بزياده ..!

[المزوحي]

أنامل ما يستوي تتدخلين هذا الموضوع

[أنامل قلب]

^ لول

[صريح]

ودرت الجم من شهرين و زاد وزني واايد
و الحين رديت الجم .. و اول شي بديت فيه
انه انزل وزني و احرق الدهون قبل ما ارد اتمرن حديد
و اهم شي العزيمه خخخخ



بديت تاريخ 8 - 8


ما اكل عيش ولا اشري مشروبات غازيه نهائيا ...
و جبتين فاليوم بس
و اشرب 3 - 4 لتر ماي يوميا ( و هالشي من قبل ، لاني وايد احب اشرب ماي بارد هههه .. 24 ساعه عرشت الماي فيدية )


اول ما انش الصبح قبل الدوام تمارين بطن 60 لين 100 مره
( اهم شي تمارين البطن اول ما تنشون لانه البطن يكون مريح و ممدود و ما فيه اكل ، فالتمرين تكون فعاليته 100% .. )


ريوق ع الساعه 10 - 12 .. ما غيرت فيه شي ..
كالمعتاد فطاير ولا معجنات و لا كرواسون

اسير الجم بعد الدوام الساعه 3 و نص .. بعد التدريب اكل Protien Bar Lite - 33% less fats




و العشاا ع الساعه 8 و نص .. سلاس اسمر و turkey و جبن قليل الدسم و عصير برتقال ولا تفاح

و بعد الـ 9 ما اكل شي و ارقد من وقت بالكثير 10 و نص



فالجم

يوميا مشي سريع و جري من 6 لين 8 كيلو .. بدوم ما اوقف ع المكينه
يوم ابا اريح اخف السرعه ع المكينه شوي و عقب ارد اكمل جري

بنسبه لي حاط هدف دايما اكمل الـ 8 كيلو في وقت تحت الساعه و 15 دقيقه ...
لو الوقت كان اطول يعني كنت امشي اكثر من ما اركض .. فحرق الـ Calories يكون اقل

و سيكل 15 دقيقه و مرات 5 دقايق بس حسب المزاج


من رديت الجم .. بس Cardio
ما اتمرن حدييد
بعد ما احرق اغلب الدهون الزايد برد ع الحديد



التاريـخ 8 - 8 .... الوزن : 74 كلغ
التاريخ 17 - 8 .... الوزن: 67 كلغ

الطول مب متأكد بس اخر مره من كمن سنه كنت 167 .. قصير خخخخ

[رمــش الغـــلا]

صريح

مـآشالله عليـك ..



أعطيك 10/10

خاصة تمارين البطن احسها الشي اللي مشى وياك صح مع نظام الاكل الصحي 100% ..



ماشالله عليك واهم شي وصلت للوزن اللي تبـآه

[أنامل قلب]

ما شاء الله ، حلو تنظيمك واجتهادك أخوي صريح ،
بس جنه وزنك صار قليل بالنسبه لكونك ريال ^^"

مادري اختكم ماتحب كـ شكل الريال الاضعيف ،
أحس الرياييل يفضل يكونون عراض ، مو بالضروره بسبب الدهون وجي عن ينضر ،
بس شكلك ماشي صح ، لأنك ناوي عقب تبدا بالحديد وهالسوالف ، فأظني وزنك بيرد يزيد شوي ^^"

+ أكرر ، حلو تنظيمك واحتهادك ما شاء الله ..

,

عقبال اخوانا الثانيين !

[المزوحي]

ماشاء الله عليك صريح، وبنشوف خطّاب شو مسوي عقب ..!


عقبالي



وين هاي اللي يسمونها أنامل قلب خلها تي تسمع

[الهيثــم]

ما شاء الله عليك صريح ...

----

خــّطاب مرحباا به .. لول اتريوا عليه لين تاريخ 26/8

[أنامل قلب]

صدقوني ما سمعت ...!