الي يبا يضعــف يدخل هنــــي الحيين

[أنامل قلب]

ربي يعافيهم ، ويعافينا جميعا ..

[الزرعوني]

تبون وصفة الاكل عندي و كيف نزلت وزني ؟

خذوا التالي


الريوق :-

اختار واحد من التالي :

1- بيض مسلوق .. تاكلونه بدون شي .. حتى بدون خبز + شاي حليب بس (و هذا اكثر شي كنت اكله )
2- جبن حلوم او جبن ابيض قليل الدسم .. وبدون خبز .. + شاي حليب




الغدا :

اختاروا واحد من التالي :

1- صحن تكة لحم من مطعم كل و اشرب ( و هذا اكثر شي كنت اكله ) و سعره معقول . 15 درهم .. بس خذوه بدون بطاط
2- لحم مشوي 200 غرام
3- صدر دياي مشوي .. و شلوا الجلد






المغرب :

و هاي الوجبة ابدآ لا تهملونها لانها وايد مهمة .. يعني بين الساعه 5 لين 6


1- حبة تفاحة ( و هذا اللي كنت اكله )
2- جريب فروت
3- شاي حليب
4- بسكوت بدون سكر + شاي احمر
5- شيبس low fat كنت ماخذنه من نيوترشن او عندكم شبس مسافي .. مافيه كالوري وايد





العشاء :-

1- تونة بالماي ( مب تاخذون اللي بالزيت ) شوية ملح عليه و بالعافية
2- سلطة
3- حبات زيتون مع جبن ابيض و نص خبز اسمر



و هذا اللي اتذكره

عاد شوفوا .. لاااااااااا تقربون من الاشياء اللي بذكرها




- الموز سواء عصير ولا فاكهة
- التمر خففوا
- الطمااااااااط لانه يحبس السوائل فالجسم
- الكولا و ربعه
- حليب او لبن كامل الدسم .. خذوا قليل الدسم
- باستا
- الكافي و اهواله ( بونتي و تويكس الخ )







و اللي عليكم صدقوني بس سيكل او مشي سريع لمدة ساعه او 45 دقيقة كل يوم ( 5-6 مرات بالاسبوع )


و حطوا في بالكم .. مب كم مشيت .. كم طولت بالمشي هو الصح .. بس في نفس الوقت لا تركضون و تلعبون بسرعه .. ولا على راحتكم جنكم تتمشون في مول ..


صدقوني خلال شهر واحد بـــــــــــــس .. اتبعوا النظام اللي خبرتكم عنه .. و اتحداكم اذا ما طلعتوا بنتايج انتوا ما كنتم تتوقعونها ..



اللي بيجرب يخبرني و عقب يقولي بالنتيجة

تجربتي


01.06.2009 وزني 88

15.07.2009 وزني 78


ولله الحمد ..

[قصايد غلا]

الزرعوني : شكرررررررررررااااً على الوصفة .. بجرّبها و بخبّرك

أحينه عندي إجازة و إن شاااء الله أقدر ألتزم


=====================




أنا وزني ينزل الحمدلله بس لأني وااااااايد أخربط "فرابتشينو على ككاو على آيس كريم على كم حبة زلابيا مال فيفـــــل اللي بيني وبينه حـــب مب طبيعي" هالأشيا تخلي وزني ما ينزل كل اسبوع كيلو =(

أنا مشكلتي في الإجازة أحينه كل مرة نتيمّع في مكان "بيت حد من أهلي" و عيييييب أتشرّط أقول مابا هذا ومابا هذااااك

و يوم أطلع لاااااازم أبدا بــ زيارة ستاربكس ما أقدر أتجاااااااااااهل شوفته

[الزرعوني]

حتى اكون صريح ..

كمن مرة كسرت الرجيم .. لكن في نفس الوقت .. ما كسرته و انا بايعنها .. يعني كلت نص الاكل اللي متعود عليه

و هذا دافع علشان تتحمسين اكثر للرجيم


و نسيت اضيف شي .. لاااااااااااازم تشربون ماي 1.5 لتر يوميييييييييآ

تبون تعرفون شو حسيت بعد تجربة الرجيم و بالذاااااات الماي ؟


1- انش الصبح خفيييييييف
2- انش الصبح مب مصدع ( كنت اعانيه من سنيييييين )
3- ماحس بجفاف ابدا خصوصا منطقة الشفايف و الخشم ( يعني ماشي زجام )
4- عزكم الله مدر البول صار اريح .! اكتشفت ان وايد ناس يتبهدلون و حرقان لان ما نشرب ماي ابدآ !
5- اختفى الامساك عزكم الله لان البطن صار لين ( و انا كنت اعاني منه من سنيييييييين )
6- قبل الاكل بنص ساعه اشربوا ماي لين تشبعون .. صدقوني ما بتاكلون نص كمية الاكل اللي كنتوا تاكلونها قبل




بعد ما شفتوا الفوايد . بتقلون ان لتر و نص وايد ؟

[قصايد غلا]

الماي عادي اشرب لترين منه .. الحمدلله

الأكل بمشي عليه لأنه كللللله أمره هيّن

بس الريااااااضــة ويييين اللي بيلتزم بها



أنا دكتورتي تعطيني نظام 1200 سعرة حرارية "أحسسسسس إن الأكــل واااااااااااايد" أكثررررريه أطنشه أحس إني بموت لو كلته كله


و عن الرياضة ، قمت أمشي و شدّيت حيلي و استاااانسسسست من الخاطر لمدة أسبوع تقريبا

و يوم وزنت تمت تتحرطم عليه هالدكتورة و كرّهتني بالرياضة وكل شي

جان أأدبها وما سرت لها .. أحين ناوية أتحدّاهاااااااا و ما أخليها تتحرطم يوم بترد من السفر


بنزل إن شا الله أكثر من اللي هي تباه

[مــهــابه]

اليـوم آكلم آربيعتي نزلـت 17 كيـلو خـلال شهرين طرشـت لي نظام الرجيم اللي كانت تتبعه + كانت تمشي ع الرمله دووووم

ماشاء الله عـليهـا ، عندهــا عزيمه واصـرار ، احس اهم شي ف " الرجيم " ان الانسان يكون مصمم ع الشي اللي يبيغيه

خصـوصـاً الاشخاص اللي يحالون ينزلون اكثر من 10 كيلـو

انا شخصيـاً يوم كنت اسوي الرجيم واريد انقص بين 3 أو 4 كيلـو ، صح اني اقـدر انزلهم ف شهر أو اقل لكن حسيييت المسأله نفسيه أكثر من انها " تخفيف أكل " => ليش انا آكل شرات الآوادم اصـلاً

وشي ثـآني الريـآضه



~ الله يوفقكم يـآرب وتوصلون للوزن المثــآلي


~ رمش :

والله يــبـآلج ضرب ، انتي لو نزلتي كيلو واحد زياده يعني خلاص اختفيتي =P

[قصايد غلا]

مهابتـــــي : ماشا الله على ربيعتج .. يلا عقبااااااااال ما أوصل للوزن اللي أبـــاه قبل العيد

صدقج أهم شي العزيمة

[مــهــابه]

قصودتي :

ان شاء الله بـــتوصلين :)

[قصايد غلا]

الله يسمع منج مهابتي

[الهيثــم]

أنا عن نفسي ما اقدر ع الرجيم القاسي ... رجيمك وايد قاسي يالزرعوني ، ذبحتني وانا اقرا ، كيف لو اطبقه

الحمدلله عندي القدرة إني أنزل وزني بالرياضة مع تقليل الأكل شوي ..
لأن الزيادة عندي كانت بسرعة ، فـ النزول بيكون بسرعه كذلك ..
والأمور طيبة ..

من الأشياء إلي ما استغنى عنها

حليب نوق + رطب + سلطة + الغدا وجبة كاملة بس مع تقليل شوي طبعا + شرب الماء بكثرة + شاي أخضر + عشا خفيف ، ومرات ما أتعشى ومرات نفتح شوي ، لزوم الطلعة أو شي من هالقبيل ..

والحمدلله من بديت الرياضة ، سويت أربعة أيام .. واليوم ما سويت كنت في المزرعة ..
وباجر إن شاء الله بسوي .. وربنا ييسر الامور ..

[المزوحي]

أنامل بالرغم إني هالفترة واااااااااايد قمت أحافظ من ناحية الأكل، بس مانزل وزني غير كيلو، بس بخبرج بشي

تراني آخذ دواء وهذا يزيد من الوزن، وحتى الدكتور قال نفس الكلام أمس، لا تتحريني اتهرب لا

بصمد بإذن الله - :)

[دهن العود]

~ِْ

اللـه يوفقكم جميعـآ يـآرب
وان شـآء اللـه تـوصلـون للـوزن
اللـي تطمحـون لـه ,, فـآقـرب وقـت.


جـوود لكـ

~ِْ

[أنامل قلب]

أخوي خطاب ، ماله داعي تاخذ ابـ نظام أخوي الزرعوني ، بس خفف من الـ ست سندويتشات لـ 3 لول ..
أخوي المزوحي / اها ، ما من شر ان شاء الله ! / وزين زين يوم انك نزلت كيلو ، مو انا بعدني معلقه ^^"

,

اليوم سويت شي شنيع من زووووود ما كنت يوعانه ، اصلا واااااااايد مستويه ايوووووع بطريقة مو طبيعية ،
لأني متعوده اخربط وايد بالأكل ، يعني من النوع اللي كل شوي تاكل !

بس اليوم صدق صدق صدق وصلت حدي ، اوني ما ابي اتعشى ومن الصوب الثاني خربتها بزياده ،
سويتلي ع طبق من فضه سندويتشة سليس بو طابقين "3 شرايح" بعد ما شققت اطرافهم ،
وحطيت فيهم كل أنواع الجبن والخضار مما لذ وطاب !

قطعتهم لـ اربع قطع "4 مكعبات" ، وجبيتلي نص قلاص شاتي ^^"

ووقتها كانت رفيجتي داقه علي ، فـ من زود ما اني يوعانه أقولها شلون اني ما ابي صحني يخلق بسرعه ،
قاعده آكل شوي شوي لول ، احاتي اوصل للقمة الأخيره / عافانا الله مجاعه ..

والغريب اني ماحسيت بعمري ثقيله بالعكس ، كان خاطري بلقمتين بعد زياده ،
والله حسيت عوضت شوي ، شو ها بسم الله مب يوع يسو فيني كل ها ..!

البلوه اني ما اقدر اسو العكس بحيث اني اخفف من الوجبات الاساسية وازيد شوي من الخرابيط ،
مو من زود أكلي الأساسي ، يعني مثلا ماروم اجسم الشاورما للنص ، احسه مادري دلع بايخ ..!

,

مو كأن نحن صدق مانحس بالنعمه ..!

[الهيثــم]

هههههههههههههههههه ^^ ضحكتيني بسالفتج ..

راحت أيام الست سندويشاات لول

..

[رمــش الغـــلا]

مهـآبة

لو تشوفيني بتقولين لي لازم تنزلين [ لول ] .. صدقيييني =)


=====


انا قلت بنزل ..! بس أشـوف عمري يالسة آكل بزيـآدة
خاصة السويت ><
مع اني فترة كنت مودرة سوالف الحلويـآت والغازات ><