الي يبا يضعــف يدخل هنــــي الحيين

[ايه احبك]

انا هدفي شرات قرموشه
مره نفس الجسم نفس الطول اخاف اتكونين يا قرميش انتي انا وانا انتي XP
انزين ها برقروم يوم واحد باقي الأيام شو اكل لنه انا مشكلتي في التغذية مب الرياضة

[مجموعة إنسان]

انا طولي 175
وزني 80

ابي اوصل 70 ..

[الدلووووعة]

انا بعد بقولكم شو اكل فاليوم كامل

طبعا انا ماعندي شي معين كل يوم شي ^_^


طبعا الريوق ماتريق ابد ماحب اتريق

الغدا مرات اتغدى ومرات لا ( واغلب الاوقات لا )

بس اكل جبسات او حلاوه وشي من هيل

عالعشى بعد مرات اتعشى ومرات لا

بس يعني اغلب اكلي جبسات وحلاوه

طبعا قبل كنت وايد اشرب ماي بس الحينه لا

بالكثر قلاص واحد فاليوم ^^ وما اشرب وايد سوائل شؤات قبل ^^


وبس ها جدول اكلي ^_^ ( الله والجدول خخخخخ)

[دمعة شوق]

أنـا بـشـارك ويـاكم


؛

وبـدخـل بالمـره ؛

الطـول : 166
الوزن : 76
الهـدف : الوزن المثالي اللي هو 66 او 65
؛

أنـا من شهـر تقريبـا ً نزلت 6 كيـلو كنت اسوي رياضه ورجيـم
بس الله لا يرويكم ذاك الريجيـم ؛ يعني عادي في اليوم وجبه وحـده
طبـعـا ً ما أكـل عيـش اللهم عن خاطريه بس لقمه لقمتين بسسس
واحاول اخفف الخبز مااكل وايد أو اني اكل خبز اسمـر
؛

وخففت من الحلويات واكـل الدكـان والدهـون وجي بس مره في الأسـبوع اكـل وجبه سريعه عن خاطـريـه

؛

وبيـكم عقـب وبكتـبـلكم كلاام واايد واايد لول
؛

نـاصر
اشكرك على هالموضوع الترتوبي اللي يشجع
صدق الواحد اللي مايلقى التشجيع يتعااااااااايز

[أكسجين]

انا ابى اطول ما يستوي اشارك وياكم لول ~ اسولف ~
الحمد لله ما احتاج انقص شي من وزني
وزني اقل عن الوزن المثالي ب 8 كيلو يمكن !
.
.
كل اللي اباه خدود مثل العرب والناس !
ما اخلي شي ما ابلعه اكل واايد بس عافان الله ربي كما خلقتني ~ اللهم لا اعتراض بس
يالله ان شاء الله كلكم توصلون للوزن اللي تطمحون له
وتصير اجسامكم حلوه

[ا ل غ ل ا]

همممممممممممممممم ،،

أنا هدفي أنزل 15 كيلو ..

ومن يومين بادية نظام مشي سريع ،، وبما أنا فالسفر وبراد ،، أمشي أنا وأخوي حول ال3 إلى 3ساعات ونص.

نرد البيت ناكل خفيف ،، أو نمر السوبرماركت وناخذ بسكوت وعصير ..

هدف ثاني :-

أنا ما أشرب وايد ماي يعني لتر-لتر ونص يوميا

وهالشي مب صحي ،،

هدفي أني أشرب 3 لتر ماي كل يوم ..

[ا ل غ ل ا]

لحظة ماشالله العدد كبير ..

أخوي ذنيني ،، ماعليك أمر ،، حط لستة بالأسماء ،، عسب نعرف منوه اللي ويانا فالقروب =)

[قرموشة]

ايـه أحـــبـــك

لول يمكــن كـل شي جــايز ياختـيه XD
انزيــن فديتــح بخـصوص البرووقراام .. سلـمـج الله أنــا حـاطـه كـلمـه ( أو ) بين الوجــبــات
يعنـي خـذي مــثـال

العشاء:
تونا + خبز أسمر+ سلطة
أو شريحة توست صدر مسلوق مع خضار.

يعنـي ممكـن تاكـلين في اليـوم الاول ( تونـا + خبز + سلطـه ) واليـوم الثانـي ( صدر ديااي + خـضار مـسلوقـه )
وهنـه عليـج انتـي الشغـل .. يعنـي مـره تسـوون بطاط مفور أو ملفوف مـفور .. أوأكثر شي ينصحون بـه هو البروكلي .. !
يعني نوعي في الخضار من عشا لـ عــشاا .. !

والريـوق نفس الشي والفواكـه بعد هم نوعي فيهــن .. اذا كلتي اليوم مـووز باجـر كـلي تفاح وهـكــذا

والغـدا بعـد

شوربة خضار بدون سمن أو زيت
(شوربة الخضرة إذا تقدرين تحطين قطع ستيك لحم أحمر خالي الدسم يبيعونه فالجمعية) +
معكرونه أو سمكة مشوية أو صدر دجاجه + عيش أبيض + سلطة

يعنـي في المره الاولى حطي معكرونـه والثانيه سمجه مشوايـه والثالثه حطي صدر ديايـه
على هواج يعنـي .. !
البروقرام هـذا منوووع وايـد وفيه من يميع الاشياا .. ومـثـل ما قلت بتحسين انـه وايد بالنسبه للرجـيم
لكـن صدقيني اذا اتبعتيـه وما غشيتي لول بتحسين انـه الاكـل مول ما يسدج XD
واذا حسيتي باليوع بالليل عليــج بالعصاايـر ( وينـصح بعصير الاننااس أو الجريب فروت )

شي ثااانـي
الجـاي الاخـضر وايـد مـفيــــــــــــد وايـد واااايـد
على الاقـل مـره في اليــوم ! .. ويفضـل انـه يكون بدون شكـر ..
بس طعمـه مر طشونه فيعني لاباس تحطون ملعقه صغيره من الشكر فيه لول

[قرموشة]

وبحط لـج الجدول اليديد بعدين .. لانه مـن فتره لفتـره هـذا الجدول يتغير =)
عشاااان جسمـج ما يتعود على نوعيه معينـه مـن الاكـل ..
امشي ويااايــه انا البــارحـه بديت فيـــه لول .. وان شاء الله بيوصلني الجدول اليديد بعد فتره .. ومن يوصلني بنزله هنه

[ا ل غ ل ا]

تعقيب على كلام قرموشة ،،

الجاي الأخضر مفيد من ناحية ثانية بعد ,,

ساعات الرجيم يكون الأكل فيه يعتمد على الألياف وجيه

الجاي الأخضر ،، ومن تجربة خاصة ،، واااااااااااايد يريح المعدة ،، ويخلي الواحد فرش ههههه ..

أنا أشربه الضحى وقراب المغرب كل يوم ..

واللي ما يدانيه

جربوا لبتون الجاي الأخضر بالنعناع ،، لذييييييييذ

[ذنـيـنـي]

انا اليوم ببدأ باليوم الرابع

و الحمدلله نقصت كيلوين استوى وزني 92
باقي 18 كيلو و بوصل لهدفي D=

كل يوم امشي لمدة ساعة الى ساعة و نص
و الحين ادور مكان زين للسباحة و ما اعرف وين اسير
الفنادق غالية،، اظني كل مره بـ 75 درهم

يعني اذا بسير 10 مرات هذه 750 لول
يخسون والله ما دفعتلهم خخخخخخ

[قرموشة]

^ نــاصر .. جـرب النـوادي الرياضيــه ( نادي الــشارجـه ) مثلا عندهـم أمـاكـن للسبــاحـه
وعندك التقنـيه بعـد لو النادي الريـاضـي مالكـم مفتوح .. !

[ذنـيـنـي]

في التقنية عندنا مسبح اولومبي شرات الي في جامعتكم
اصلا المجمع الرياضي مالنا شرات مال جامعتكم

بس اعتقد انه مبند لأنه الستاف كله في اجازة،، محد مداوم غير السكيوريتي

نادي الشارررررررججججة

تعرفين شو المشكلة،،
انا ادور مكان مافيه زحمه، في نادي الشارجه لو عفدت في الحوض بكفخلي 10 يهال في هالنقزه لول

بشوف مارينا عيمان،، احيد على ايام المدرسة كان مدرس الرياضة يودينا هناك عسب نسبح
والله ايام D=

[قرموشة]

^ ههههههه عـشره مـره وحده
صح كلامـك هو زحمـه .. حتـى وقت البنـات بعـد زححمـه

لو منـك بتأكـد مـن مسبح التقنـيه اذا كـان مسكـر فعلا .. يمكـن مـسويين فعاليـات عـشان الصيف ..
واذا يستـوي ممكن تسير نادي جامعه الشارجـه ! أتوقـع انـه مفتـوح لان عـيال الدكاتـره اللي يسكنـون في السكـن يسيرون المـسبـح .. هـذا والله أعـلم ..
أهـم شي مكـان قريب منـك وتاخـذ راحتك فيـه

انزين مـارينـا عيمـان شي حـق البنـات!؟ وين مكـانه أصلا لول ؟!

[ذنـيـنـي]

مارينا عيمان هو المكان "المشهور" الي ورا المحكمة
اعتقد انكم سمعتوا عنه P=

طبعا ما في يوم للبنات كل الايام مكس لول
==========

جامعة الشاااااااارجه
همممممممم فكره ،،
يبالنا نجيك على السبورت كومبليكس مالهم