الي يبا يضعــف يدخل هنــــي الحيين

[المزوحي]

زين بنسير بعيد عن الكيوي، مثلا لو بغيت اسوي حميه... تراني انا احب الاكلات الايطاليه واموت في المعكرونه

يعني ماقدر اودر هالاشياء، بس في الحلويات والكاكاو انا مب وااااايد ... يعني شي يغطي على شي ...!

أنا بغيت استبدل الحليب بحليب الصويا ... وآخذ خبز اسمر ... احسن للهضم .. بس وين كله لووون مافي شي عدل

انا كنت آخذ اللي في سبينس ... في خيار ثاني ؟؟؟

[أنامل قلب]

عفاريتوووو ، إي صح بخصوص الدهون !

يعني تشوفين بنتين ماشين عـ نفس الرجيم ونفس الرياضه ،
[ الاولى بعد فتره تنزل عشر ، أما الثانيه يدوب كيلوين ! >> هذا وانا بزيد من عندي =/

يعني مثل ما قلتي ، السالفة فيها احباط شوي ..
خاااااااااصه لمن نلاقي وزنا ثااااااااااااابت بشكل مو طبيعي !"

اممم ، بس بعد عادة يكون الفرق بين وزن الاولى ووزن الثانيه كبير ،
يعني مثلا وحده وزنها 100 ، والثانيه 70 ، بديهيا الاولى بتحتاج تنزل أكثر ، وهذا اللي يصير ..

,

همممم ، لازال وزني يلعب بين رقمين ، ولازلت محتاجه [ بنظري ] أنزل اممم يمكن 5 أو 6 كيلو !
مع ان مووول ما شي تشجيع ، بس اللي مسكتني ان كذا وحده قايلتلي اني ضعفانه ، ما شاء الله ..

+ أظن إني ما بستفيد من شي كثر الرياضه ، بس وين !

[المزوحي]

ليش سكون ، ما تقدرين تمشين وإلا ماشي وقت ؟

[ذنـيـنـي]

زين بنسير بعيد عن الكيوي، مثلا لو بغيت اسوي حميه... تراني انا احب الاكلات الايطاليه واموت في المعكرونه

يعني ماقدر اودر هالاشياء، بس في الحلويات والكاكاو انا مب وااااايد ... يعني شي يغطي على شي ...!

أنا بغيت استبدل الحليب بحليب الصويا ... وآخذ خبز اسمر ... احسن للهضم .. بس وين كله لووون مافي شي عدل

انا كنت آخذ اللي في سبينس ... في خيار ثاني ؟؟؟

كل يوم بتاكل معكرونه ؟
و غير جي عادي كل بس باعتدال + لا تهمل الرياضة
مب لازم ترص على عمرك بالرياضة
حاول انك تكون نشيط اطلع سير تمشى على ريولك سير البحر و ود وياك كورة و تم شوتها

انا من هالاسبوع بسير العب سكواش ويا ربيعي
باجر ان شاء الله بسير اخذ المضرب و بنبدأ من ورا باجر


انا حاليا اتريا اني انقص 10 كيلو لسبب واحد و الي هو اني ابغي ارجع مره ثانيه لركوب الخيل
على وزني هذا ركوب الخيل شي وايد صعب " على الخيل "

[مزن هتان]

عمي من 95 صار 67 و مستمر للحين، عقبالك ناصر =)
يجري ساعتين باليوم
3 وجبات باليوم مبتعد عن المقالي و البيبسي و ها الخربطان
اقوله اسمحلي بناديك حسن حاف بلاش من عمي
احفظ ماي ويهي

أنا من اسبوعين بلشت امشي
مو شرط عندي اضغف واااايد
المهم اكون نشيطه و نفسيتي تمام التمام

[المزوحي]

ذنيني انا سرت الممشى بس ما عيبني الوضع واليوم بسير امشي مكان ثاني ...

وبخصوص الاسكواش شي حلو الصراحه ، لأنه امس ربيعي يقولي شو رايك نلعب تنس ...

قلت له ونحن ما بنكون أوكي دام إنه ما نمارس هاللعبه، بس انا عندي ريش ومول ما ألعب ...

[أنامل قلب]

^ لا الوقت عندي فائض ، ويقطر بعد !
بس الإشكال بالكسل !!

,

اختي مزن ، احليله والله عمج وايد نزل ما شاء الله ، ارادته حلوه =]
بس مادري أحس الرياييل المفروض ما ينزلون هالكثر ! = كلامي للشباب اللي فوق بالأخص !!"

وووو مثل ما قلتي ، محتاجين رياضه للنفسيه ..

"

[المزوحي]

انا مب محتاج انزل كثر ما إني محتاج لياقه والكرشه مخربه بعد ...

[شوق القلوب]

السلام عليكم..

يتني فتره ما تعبت عمري بالرياضه وايد.. بس شيئين لاحظتهم و نزلوا وزنـــي..

1- اشربوا كل يوم جاي أخضـــر..
2- ابتعدوا قد ما تقدرون عن الخبز...

جربوا هالشي لمده اسبوع.. وشوفوا الفرق !

[المزوحي]

شوق القلوب ، انا ربيعي يوم يسير الجم يمنع عمره عن كل شي، وإذا خلص من الجم يرد مثل قبل ...

عني أنا البارحه كنت افكر اودر الخبز الابيض بالاسمر ...

بس جاهي اخضر هممم ماعرف ... ! ما تعودت اشربه ...

[قصايد غلا]

هيه الجاي الخضر أشوفه إنه وااايد ينزل الوزن

و شرب الماي وااااااااااايد يأثر بعد في إنقاص الوزن =)

[شمعة أمل]

^
ليش انا ماينفع فييه؟ وحليلي مانقصت ولا كيلو من شربته ;s


المهممم
كنت وايد اعاني من رجيمي الحياتي.. بس الحمدالله الحينه تأقلمت
نزلت 3 كيلو ونص في 10 ايام .. بدون رياااااضه
مع انه المفروض اسوي رياضه على قل ثلاث مرات في الاسبوع :s
انا كنت اقول
لو سويت رياضه.. كم كنت بخسر؟!
شي عجيب غريب

[المزوحي]

لو مثلا امتنعتي عن شغلات تحبينها، خلنا نقول الغازات، الحلويات، الايس كريم ...

وتاكلين الاكل العادي، سواء عيش أو معكرونه وخبز ابيض ... وماتاكلين بين الوجبات وتمشين، بتنقصين ...

في ناس يوم يسوون ريجيم يمنعون عمارهم عن كل شي، ياكلون بالملي، وعقب مايخلص الريجيم يزيد وزنهم دبل ...

[شمعة أمل]

لا
انا الحين على رجيم السكري.. عشان مايني السكري
هو رجيم حياتي.. بس يخفوونه في المستقبل.. في حالتلي يمكن عقب خمس شهوور :s
ف سالفة الحلويات والخبز ممنوعه حياتياً
ويوم يردون يدخلونه لـ أكلي مايستوي مثلا آكل كيب كيك واحد مره واحد.. لازم اكله كله في يوم يعني عضه الصبح عضه الظهر عضه العصر لين مايخلص :s

هو كان عذاب اول اسبوعين بس الحينه عادي :)




ذكرتني
عندي كتاب يشرح حالتي.. صدمه
لازم اكتبلكم السالفه واللي عنده مثلي شو من الامراض بتصيبه في المستقبل .. زياغ
وبقوللكم باقي الاعراض عشان اي حد شاك في عمره يسير يفحص
عقب ماتقرون شو من الامراض ممكن تصيبكم سيده بتلتزمون =s

[أنامل قلب]

^ أذكر مره سامعه ابـ مثل هالفحوصات بالتلفزيون !

يعني مثلا يقولولنا شو هي الأمراض اللي من الناحية الصحية والوراثية
ممكن انها تصيبنا بالمستقبل + مادري اذا الشغله فيها نسب !
لو تقدرين تنزلين موضوع بهالخصوص عشان ننتفع منه كلنا ، بتسوين فينا خير =]

والحمدلله إنج اتأقلمتي ^^

+ بالنهايه حلو ان الواحد يلتزم بالامور الصحية خاصه بزمنا الحالي ،
وايد شغلات سواء كانت أكل أو عادات أو غيره المفروض ان نغيرها لضررها الكبير ،
وإن كان الأثر ما يبان إلا على المدى البعيد !

بالأخير ، صحيح إن كل شي مكتوب ومقدر ،
بس الواجب علينا إن نقدم الأسباب دوم ،
مانبي نكون مثل اللي يقط عمره بإراده بالبحر واهو ما يعرف يسبح لول ^^"

+ كله بأجره ، دام النيه بالنهايه الحفاظ على صحة البدن ..
ووووو هيك ، عقبالنا جميعا ^^

~