الي يبا يضعــف يدخل هنــــي الحيين

[ذنـيـنـي]

اذا انته في ديره
سر ابتاون مردف او الفيستفال سيتي
فتنس فيرست

جم على مستوى و من انظف من يمكن
و مافيه من هاللوث

[ذنـيـنـي]

http://www.fitnessfirst.ae/uae/home.asp

[شمعة أمل]

^
فتنس فيرست وايد وايد زين.. خواتي يسيروله

[المزوحي]

ذنيني بس مب هذا مختلط ؟؟؟ لأنه امس اسمع ولد اخويه يبغي يسير له بعد ...

[شمعة أمل]

^
معظمهم مختلط.. بس الى في الميديا ستي & مركز الهنا شي سكشن خاص للحريم

[ذنـيـنـي]

بالعكس ياخي الواحد يتشجع يوم يكون في مكان مختلط p=
هيهي اسولف وياك


هيه مختلط
لكن الحق يقال بان المكان من افضل الاماكن في الدولة ان لم يكن افضلها على الاطلاق
سواء من ناحية المدربين او من ناحية المعدات او من ناحية البرامج

[ملاك الروووح]

أنا اليوم ربيعتي عصبت علي ..

وقالت لي لازم تمتنين .. ولا بلعن خيرج

سو خلتني أتريق .. وآكل سندويجه وحده

وعقب خلتني أتغدى .. وآكل صحن جلو كباب روحي .. ماشاءالله

وعقب كلت سناك العصر ..

وعقب رقدت شوي ..

وقبل شوي تعشيت ..


وقالت لي أمشي على هالجدول كل يوم عسب يزيد وزني

بصراحه أول يوم يمكن آكل فيه ب ضمير .. و آكل الوجبات كلها


أبي أمتن والله .. خلاص يئست ..

[المزوحي]

هلا

من أواخر رمضان تركت المشي اين اليوم، وكنت بسير الجم اللي يطريه ذنيني، بس من باجر بإذن الله برد أمشي ..

بس أبغي أعرف حد منكم جرب بذرة الكتان في تخفيف الوزن ؟

[دمعة شوق]

^
المزوحي أنا جربتـنهـا ،،، واايد اوكيــه ،،
المفروض انك تطحنـهـا وعقب تفـورهـا وعقب تشربهـا بس وااايد مره ،،
انا كنت اطحنها واكلها ويـأ الروب والصراحه تنزل بس انا مااداومت عليـهـا عشان كـذي ^^

[مجموعة إنسان]

انا الحييين وزني ثااابت
طولي 176 وزني 78

المشكله الكرش ااااااااااخ لو تروووح

[هزاايم]

^^نفس الحااله
وزن ثاابت وطووول عفانا الله عفانا الله بعد ثاابت

ارييد اطول هل كيف اطول؟؟؟

وصح بديت امشي,,يقولون زين للظهر و يعطييه استقاامه يعني في امل للطول مدري هذا والله اعلم,, لكن المشي اللي امشيه مصخره لووول يعني ارووح انيس لأختي بالاصح اروح عسب اتلاقى مع ربيعتي و نقعد نهثرب =q


كيف يطولون الاوااادم؟؟؟؟؟؟
اخييج والله من 5 سنين و انا نفس الطووول =#

[أنامل قلب]

أخوي مجموعه ،، لا تضعف جي مب زين للريال // يعني 80 عالأقل ><
انتو يبالكم رياضه وصالة ،، يعني شي يرتب هندامكم بالشكل المطلوب !

وأدري يبالي أجابل روحي ،، بس فالحه اوجه غيري خخخ
هزايم // جربي تتعلقين ابـ شي كل يوم ولمدة ربع ساعه =#

,

انزيـــــــــن وهم سكون وزنها ثابت + الطول طبعا ،، ماتخيل بعد طولي يتغير ^^"
بس أبـــــــي أضعف ،، جي مال 7 كيلو ! // عشان يكون وزني أقل عن طولي ابـ 10 + الـ 100 =$
بس اكتشفت إني فعلا مابقدر اوصل للوزن المثالي "بنظري" إلا عن طريق الرياضه واهني المصيبه لول

موووول مب متحمسه للرياضه ،، حدي بتمشى نص ساعه في حال شديت الهمه ><
أبي أحد يحمسني ،، مب جي احبـــــــــــــــاااااط // حتى اخونا المزوحي وقف ...!

,

[عفاريتووو]

لووول هزاييم مب بروحج تعانين من هالشي

قبل كنت واييييد امشي يعني تميت شهووور كل يوم امشي بس ما شوف عمري طولت =#
يمكن من كثر ما البس كعب .. فأخرب كل شي ..
يالله جربي لو فاد عقب بجرب لول



ابا اضعف صدق صدق لازم اضعف
اول مرة امتن جي !! حتى صرت اخاف اشوف وزني ..

خلاص من اليوم ان شالله ببدا بالرياضة
حتى لو بالبييييت ..

[ذنـيـنـي]

انا اشتركت في الجيم اول الشهر
اول اسبوع سرت اربع مرات
ثاني اسبوع مرتين
و هالاسبوع ولا مره لول
صدق مشغول و ما عندي وقت
مرتبش ويا المقاول و ستين مليون شغله على راسي =(

[المزوحي]

سكون برد امشي خلال هاليومين .. بس ابتدي قبلي وتشجعي

مشكلتنا يوم ننشغل يوم واحد خلاص مانكمل المشي