الي يبا يضعــف يدخل هنــــي الحيين

[ذنـيـنـي]

انا وقفت رياضتي لأنه ظهري فيه خياطه حاليا و اخاف يلتهب المكان لو عرقت
بمجرد انه يشلون الخياطه ان شاء الله برجع للرياضة مره ثانيه

وزني ما نقص لكن كـ شكل مبين اني خفيت شوي
يبالي امشي على نظام غذائي "عن التزم بس لول"

[المزوحي]

انا اللي يمشي ويايه خرب عليّه، لأنه بيسافر، قلت له خلنا نتم نمشي لين موعد السفر، قال ما احب اقطع

من جيه كسلت امشي روحي .... بشوف يمكن ابتدي السبوع الياي

[ذنـيـنـي]

المشكلة الي كانت مخربه علي حليتها جذريا !!
تحيدون الموضوع الي كنت منزلنه عن الفضفضة
الي قلت فيه اني ابغي اغير نفسي فيه

الحمدلله قدرت اتغلب على الاشياء الي كانت واقفة في طريقي و احد أهم هالاشياء الي عالجتها هي مشكلة الادمان على النت
هالمشكلة كانت صدق مخربة علي و تخليني افضل اني ايلس على النت على اني اسير اسوي رياضة
و الحمدلله من يوم حليت مشكلة هالادمان و من يوم اتخذت قرار التغيير الجذري اموري تحسنت بشكل كبير و ان شاء الله

الخطوة الجايه هي اني اشترك في الـ GYM لأني ابغي صحتي تصبح افضل،، طبعا انا مخلي في بالي بانه هالشي افضل لصحتي لأنها تخلي الواحد مصحصح طول اليوم و طول اليوم بتكون فيه طاقة هائلة للشغل و لجميع النشاطات الي بيسويها و غير هذا الرياضة تساعد على اخراج السموم من الجسم،، يعني مب مخلي في بالي سالفة انقاص الوزن لأنه الوزن باي حال بينقص مع الايام لو تمرنت "هالمره عزمت و بشكل جدي مع الاقتناع التام بصحة الي اسويه"



نصيحتي لكم هي انكم تخلون النظام الغذائي الصحيح و الرياضة كـ اسلوب حياة
مش كـ وسيلة للتنحيف مثل ما انا كنت مخلي في بالي
لأني يوم كنت افكر بهالطريقة كنت دائما عقب فترة ادور الحلول الاسهل مثل "عيادة نيوترشن و حبوب الفات بيرنر و رجيم الماي و و و " و تحصلوني عقب فتره تركت الرياضة و اتجه للحلول الاسهل

بس يوم بتخلون في بالكم انه الرياضة = حياة صحية
بتستمرون فيها طول العمر ان شاء الله

[شمعة أمل]

انا وااااااايد انترستد في شي اسمه كونسبت 10 10 .. حد فيكم جربه؟

[قصايد غلا]

^ لا ، شو هذا شمعة ؟


أنا مستانسة لأنه بسبة رمضان نزلت 4 كيلو

[الـيـاه]

اقولكم انا من كثر ما اسوي جيمينج ضعفت 2 كيلو :S انا مابا اضعف شو هاااااا .... شو الحلللللل!

[شمعة أمل]

كونسبت 10 10 عباره عن ممم رياضيات مدروووسة عدل عدل..
تسيرين النادي مالهم.. ويعطونج ترينر خاص فيج.. لمدة عشرين دقيقه مره في الاسبوع
وتسوين عشر تمرينات مختلفة.. كل تمرين مدته دقيقتيـن.. وتستخدمين كل عضلات جسمج.. لدرجه في أول كم من سششن تهتزيين.. يعني عضلاتج تهتز لانج مب متعوده تستخدمينهم.. بس عقبه تستوين قويه ونشيطة .. الخ
لكنه بس مره في الاسبوع لـ عشرين دقيقه

[قصايد غلا]

اهاااا ، يعني شي مفيد =)

عاااااااد أنا هيازة الدنيا كلها تيمّعت فيّــه


اليــاه : امممممم لا توقفين بس قلّلي الوقت ==> يعني لو تسوين لمدة ساعة ، سوي لمدة 40 دقيقة مشكلة يوم قصايد تتفلسف

[أنامل قلب]

بثالث أيام العيد وزنت واكتشفت إني نزلت بعد كيلو ،،
بس توه رديت وزنت واكتشفت اني رجعته لول ^^"

مستويه مفجوعه وايد آكل ،، خاصه الحلويات ><

[شمعة أمل]

انا وزني لأول مره *الحمدالله* ثااااااااااابت! عادة لو ماسوي رياضه كل اسبوع امتن بس الحمدالله هالمره ثابت :)

[مــهــابه]

دامكـم رمسـتوا عـن الوزن !
انا أختفييييييييييت
ما اسوي رياضه ولا شيآته ، بس من 5 شهور ليومكم يمكن نزلت 5 كيلـو او اكثر

لأني نازله فالصيف 3 ويا رمضان وخلص ، وتحسون انكم تعودتوا ماتاكلون فـ رمضان فـ نزلت لي جريب 2 أو 3 كيلو

حتى مب متجرئه أشوف وزني هالأيام كم صار


لأن الكتاب ينقرأ من عنوانه ، مابا انصدم لوول
مابا امتن ، بس مابا اضعـف
كيــف ؟
هذي مشكلتي انا

[أنامل قلب]

^ الله يعينج ،،

انزين شوفي أنا بسلمج الحل !
بعطيج الوزن الزايد اللي ما أبيه ،، وانتي بتردين لوزنج الطبيعي الثابث ..
كلما بتخفين نطريني وانا بسدج لول ^^" >> وحده تعقدت ..

صدق من متى أبي أوصل لهالوزن المثالي بنظري ..
محد يشجع ،، كلهم يقولولي تمي جي // مابي ><

أحس صدق صدق صدق يبالي رياضه !
مشي على ركض لساعه كل يوم =#

[مــهــابه]

اقـولج مابـا امتن ، تقولين لي بعطيج لوول



لا انـا آبـا حل اني مـا امتن ، ولا أضعف

[أنامل قلب]

^ مو تقولين انج ضعفانه واختفيتي !

انزين هممم // بصراحه ،، سواء متنتي ولا ضعفتي ..
المفروض الديرين بالج عـ صحج قبل ..

يعني مش إن ما تاكلين شي ولا يكون خفيف مقارنة بحاجتج ،،
ولا إن تاكلين شغلات ممكن تمتن (في حال ضعفي بزياده) لكونها ضاره بج
شرات اللي ينصحون بالاكثار من الأكلات السريعه والخ ..

حاولي بس تفكرين بهالاثنين (( أكلج اليومي - وإن كنتي تمارسين الرياضه ولا )) ..
وإذا حسيتي إن نظامج محتاج تعديل // تصرفي ..

وفيما عدا ذلك ،، ماقدر أقول غير طاعو من يتكلم ^^"
روحي يبالي أجابل نظامي قبل // ووووان شاء الله !

,

[المزوحي]

صح كلامك ذنيني ... من جيه قلت حق ربيعي ، لاتخلي شي يخرب علينا المشي، لو قطعنا يوم نرد ...

وانا ماحب اسير الجم .. بس بشوف إذا حصلت مكان نظيف .. ومشكلتي العوده في إني اسير الجم .. الوقت يضيع في الدرب