الي يبا يضعــف يدخل هنــــي الحيين

[أنامل قلب]

موجودين ،، بس مفتشلين لول

[عفاريتووو]

من اول يوم رمضان و انا اقول بروح امشي كل يوم
و للحين ما مشيت ..


بس ردودكم تشجع الواحد
ان شالله خلاص ببدا بالرياضة

[أنامل قلب]

^ إن شاء الله =)

[المزوحي]

يالله عفاريتووو من باجر، لاتقولين ....... لا

[مــهــابه]

شو الطريقه اللي تخليني احب الماي ؟



انا مووول ما اشرب ماي ، يعني قبل فالأسبوع دبه ( مسافي ) الحجم الصغير


الحين اتطورت شويه

فالأسبوع ( خمس ) دبات من الصغـار ..



فالصيف ولا الشتـا


وصايره مـووول ما أكل ، وانا ادري انه فيَه انيميا


بس صايره ماطيج الأكل


تخيلوا طول الأسبوع أفطر تـمر وحده أو 2 ولبـن وسلطة شويه واحيان ما آكل سلطة


والسحور ما اتسحره


احس اني مب طبيعيه ، نفسي مسدوده عن الأكـل ..


اللهم فالويك اند بهبش شويه من الثريد وبس



وبعـدين بسألكم يقولون الماي عـ الريج يساعد ع الحفاظ ع الوزن صـح هالكلام ولا ؟

[المزوحي]

والله مش أكيد هالكلام، بس حد يقول إنه الماي الدافي على الريج يذزب الدهون، وللحين مانعرف صحة الكلام ...

إذا حابه تنصحين شويه، في شغلات تنصح، بس الموضوع اللي يبغي يضعف، بس مافي مشكلة بنساعدتج

ولو ؟؟؟؟؟؟؟

تبين تاكلين طبيعي ؟؟؟ في فيتامينات تنباع ... في مشهي شراب اسمه Calvitalis تاخينه قبل الاكل وبتحبين تاكلين

بس كلي شي مفيد،

[مــهــابه]

^
لالا مابي امتن ولا شياتـه ..
خلـني جيـه وايـد احسن

ابا احافظ عـلى وزني جيـه . .

واحس انه الحفاظ ع الوزن اصعب من انه نزيده أو انقصـه . .

[شمعة أمل]

اليوم

شو أقولكم عن اليوم


حر موت ريحة خايسه سماد رطوبة سنغافوره يع يع يع



لاااااااااااااااااعت جبديييييييي



أخ أخ أخ >_< ماقول اني ما مشيـت .. لا مشيـت بس أقل عن دوم وأبطىء.. سوري يعني مارمت أتنفس .. اخ >_<



لااااااااااااااااعت جبدي < هالكلمتيـن ظربوها في عشرة مليون مره وهذا كان احساسي>_<


استغفرالله


سماد البلديه ليـش جي!!!!!!!!!!! استغفرالله.. غير انه رطوووووبه مش طبيعيه اليوم!!!




انا خلااااااص قررت
مشي برع ماشي خلاص اع لوعة جبددددددددد.. يمكن عقب اسبوعين ثلاث شهر بس الحين مستحيـــل.. بسم الله على عمري.. أخاف شي يستوي فييه من هالريحه.. استغفرالله مول مارمت أتنفس!

بمشي في الجممممم!!! خلاص قررت!

[شمعة أمل]

تعالو
نسيـت أكتب

مثل ماتعرفون البارحه يابولنا منسف والصراحه من فطرت وكنت شبعانه بس قلت لا لازم أتسحر منسف حتى لو شبعانه<< p: سيفتلي شويه منه p; .. المهم كان في خاطري وعادي لو مره من فتره لـ فتره جي تسون


انزين

واليوم بعد نشيت حسيت عمري شبعانه.. بعديييييييين
تليفوني هذا
بفره في الزباله
انا أصلن كانو يايبيلي هالنوكيا الآرت اول مانزل بس كان كجره وعقب كم يوم فريته في الصاله.. وتم هناك كم من شهر.. بس لانه رمضان والجامعه بتبدى قريب قلت عيب.. شو اسير الجامعه بتليفون غريب فـ غيرته
محد قالي انه يوم تجلبون التليفون على ويهه يتحول لـ سايلنت ويحول المنبـه لـ سنوززز!!!!!!!!

وانا اقووووووول ليش الصنطور من يومين مايرنننننننن .. طلع الموبايل الحبيب قرر يتحول لـ سنوز.. لكن الحمدالله أحس الله يحبني روحي أنش!! كيـف مادري؟؟ بس والله روحي أنش.. انششش 4:25 أشرب ماي أرقد أنش 5 أصلي أرقد تتحدون؟؟

المهم

نشيت وشبعانه الحمدالله

ويوم فطرت
سلطة.. ودياي هاللي يحطونه كامل في الفرن وياه بطاط وخضره.. مب فراايز لكن جي بطاط مقطع؟ وشربت ماي
وبس شربت كوب جاي حليب مب كوبين!

واليوم سرت فندق القصر وشربت كوفي.. من زمااااااااااان ماشربت كوفي! وكلت بسكوت بعد < لاتلوموني اليوم استوالي trauma في المشي xD

وماعرف شو سحورنا

[شمعة أمل]

مهابه
وليييييييييييش ماتاكليييييييييين
مايستوي
مب زين :s

خذي فيتامينات يهال.. يفتحون الشهييه!



عفاريتوو
حياااج تعالي ويانااا المشي كشخه تحسـين نفسج فرشش ومستانسه عقب .. الا اليوم


سكوون
اناملللل مشيتي ولالالالالالا؟ وشو الأكل وياج؟؟ مشيتي ولالالالالالالا انا يايني احساس انج مامشيتي.. قفطيني وقولي انج مشيتي


المزوحي
وجان أستانس
على حظك مشيت اليوم في هالجووو التعيـس ف اكيد خسرت دبل كالوريززز.. والله اليوم تقول تمشي وتسوي رياضه في سونا.. رطوبه مب طبيعيه!











توني اكتشفت اني نسيييييييييييييييييت أسوييي stretching ذكاء خارق

[المزوحي]

هلا شمعة، انا يوم اكون ياي من برع اروح ريحة السماد اللي تخنق، بس تدرين البارحه غيرت مكان المشي، سرت مكان يديد

موووووووول محد يعرفه، ومافيه حد مووووووول لا أوادم ولاسيارات ( كشخه )

ومشيت بس مب اقل عن ساعه (صلوا على النبي ) ...

وإن شاء الله اقدر اسير اليوم

[شمعة أمل]

المزوحي
بس مب زياااغ؟






اعتراف
انا البارحه ماتسحـرت.. بس شربت كوب حليب فرش
وانا البارحه ماشربت ماي نفس دوم.. عشان جي عطشانه اليوم
وانا البارحه ما رمت أرقد.. ف خذت حبة منوّم.. والحينه ميته أبا ارقد >_<


لذلك:
اليوم لازم أرقد من وقت
اليوم لازم أسوي رياضه نفس الأوادم < مع الـ stretching مب نفس البارحه نسيت
اليوم لازم أشرب على قل دبتين كبار من ماي مسافي.. لو 3 بعد أحسن

[المزوحي]

شمعة أمل تقريبا زياغ ماقول لا ... لأنه المكان الأولي السيارات ساير راد وحضرتهم يستعرضون ، مايخلونك تاخذ راحتك ..

[شمعة أمل]

معجزه!
خسـرت كيلو بالضبطxD

[عفاريتووو]

^
مبرووووك عقبالي D=


المزوحي كان بودي ان ابدا بالمشي اليوم
بس محد راضي يمشي وياااي !! يقوولون حر ..

صدقج شمعة الجو ما يشجع ..

فــ ما كان يدامي الا السكيل
بما ان اول يوم سامحت عمري و سويت بس 10 دقايق
بس من باجر ان شالله مب اقل عن 20 دقيقة ..


ع فكرة الماي وايييد زين
تميت فترة اشرب فيها ماي وايييد
صدق ضعفت .. و من دون اي رياضة !!

بس المشكلة اني انسى اشرب ماي =\