الي يبا يضعــف يدخل هنــــي الحيين

[المزوحي]

ذنيني يمكن cayyene pepper يكون موجود في سبينس بعد

[شمعة أمل]

المزوحي
بعدني يـالسه أرتبه يوم أخلصه بكتبه


ذنيني
سالفة كلينسينغ وديتوكس لازم تسويه يوم عندك اجازه مب يوم عندك دوام عن لادوخ عليهم هناك :s بس سـالفة الكايين ببر معروفه للديتوكس.. كله يوم أقرى عن الممثلات كيف ظعفوو دايما يخص ديتوكس بـ بالكايين ببر p:
وووسكون حطت الاكلات الى حق فصيلة دمك.. شوف الرد 380

[مــهــابه]

يعني مب انا الروحي عنديه هَوس اسمه " الرشاقه "


الموقع اللي حطته شمعه أمل يقول انه وزني مثـــالي :)



ومنكم نستفيد ، يمكن انرد لكم وقت الحايه . .

[المزوحي]

مهابه يقول مثالي ( يعني تحافظين عليه ) حتى يمكن تزيدين كيلوين ثلاث، وبيقول مثالي، بس لازم الواحد يحاسب

[مــهــابه]

هيه ادري مـاعـليك . .

انا كنت اتحرا بيقول انه اقل من المثالي ، بس يعني اوكي يوم انه طلع مثـآلي . .

لأني فالاجازه نازله 3 كيلو . .


عـسب جيه . .

[المزوحي]

اليوم زدت الجرعه ... لايروح فكركم بعيد

اقصد المشي، زيدت ربع ساعه زيادة ... وإن شاء الله أقدر استمر

شمعة شكلج بعدتج ترتبين الجدول ^_^

[شمعة أمل]

بعدني والله لانه البارحه انشغلتتتتت واليوم طلعوني وأخيراااااااااً

استوتلي سالفة بايخه.. رقدت متأخر.. او بالاحرى مارمت أرقد لين الساعه 6 >_< شعور جداً بايخ يوم من بداية صيامكم واعيين
وماااااصدق اني سويت هالشي.. بس نسيت أحط المنبه عشان انش من الرقاد ولا ع الساعه 2:15البشكاره ادق على بابي عشان انش .. واناااا جي استوى ويهي يوم شفت الساعه >>
استغفرالله.. صيامي مايعتـبر صيام مول اليوم!

المهممممم
بس عشان هالشي كان عندي طاقه اليوم.. فـ يلست أسوي تمارين بطن وجي في حجرتي ساعه قبل الفطور ونص ساعه قبل سرت يبتلي كوب عوووود وجهزتلي جاهي اخضر .. ويوم فطرت يلست أشرب غريين تييي.. وشو كلت مم كلت شوربة فيها سبانخ ونخي وعدس وليمون.. بس حطيت فيها دياي.. وكلت نص بيزا وخاشوقتين معكرونه.. لانه تذكرت انه المعكرونه مب زييين حقي بس حرام كان لذيذ وايد



وبعدين شربت كوب جاي حليب.. وكلت بسكوتيـن ودوناتيين *بس دونات بيتنا صغار وكرسبيي وجي .. طعمه مب دونات عادي ومايمتن كثر الدونات العادي* < بس هالسالفه على 3 ساعات يعني جي كل نص ساعه أكل شي


بعديـن طلعت ويا ابويه واميه وشربت جاي مغربي

ومارمت اسوي رياضه الفليل.. ماشي وقت بس باجر بسير مشي لمدة ساعه وهالشي اكيييييييييد



وانتوووووو شو سويتو اليوم

[المزوحي]

شمعة تبين الصدق انا ماخفيت اكلي، بس امشي يوميا، من جيه ماينزل الوزن، بس مايزيد، يعني ثابت ..

المهم

وانا ظاهر من الدوام اليوم، كنت بمر على دونت داق في بالي، وطافتني اللفه، تخيلوا حد يشوفني بيقولون فاطر

هالآدمي ..

[شمعة أمل]

لاتخفف من أكلك بس غير أكلك يعني كل سلطه وفواكهه وجي وان شاء الله بتشوف النتايج

[المزوحي]

إن شاء الله ^_^

[ذنـيـنـي]

ما انتبهت على رد سكون
تحريتها مسوية اقتباس لردج لول



شكرا شمعة امل، شكرا سكون على الجداول



انا من اسوي رجيم اكل دياي مشواي و خبز اسمر و طلعوا هالثنين يمتنوني لول
اذكر من زمااااان سويت رجيم عطاني اياه المدرب في الجيم
و كان كلله لحم و مافيه دياي موووول
نقصت 5 كيلو تقريبا من وراه و من غيرت الى الدياي قام وزني يزيد

خلاص شكلي بتم على العيش و اللحم بدال الخبز و الدياي

[المزوحي]

ذنيني يمكن الدياي فيه هرمون من جيه تمتن

[شمعة أمل]

^
لا ترا كل فصيـلة غير
يعني حقنا نحن الO اللحوم البيضا احسن شي لنـا.. والسمج أحسن من الدياي حقنـا..
لكن الى فصيلة قم ذنيني وأميه لازم ياكلون لحم.. انا اميه نادراً تاكل دياي كله تاكل لحم ومرات سمج.. عشان جي رشيقه.. وحتى البيض! بس يوم تاكل معكرونه ولا شي سيده تمتن بسرعه.. وحتى اختي الصغيره جيي وانا اقول ليش هاييل رشيقات وايد لول

[الهيثــم]

دخلت موقع ،،، وكنتبت فيه وزني وطولي ..

هزأني قالي إنت وزنك المثالي من 66-72 .. قتله يا عمي رووح .. أنا لو أذبح عمري يمكن أوصل 74
وأنا لو أنزل 4 كيلو موضوعي بيكون فـ السليم ..

وبعد قطعني شوي .. قالي كتلة جسمك على مادري كم .. والمثالي لازم يكون بين رقم ورقم .. المهم إنه في فرق

عمووما أنا تعقدت رسميا بسبة الأكلات الرمضانية الشهية إلي يسوونها عندنا في البيت ،،، ومن البارحة أقول للوالدة هدي اللعب شوي .. بس ما شي فايدة ، وانا إنسان ما قدر أقاوم الأكل ..

لكني ناوي أرد أركض مرة ثانية لأني قطعت من بداية رمضان ... وقلة الوقت في رمضان هو الي معرقل الموضوع شوي ..

وأنا من النوع إلي أمتن بسرعه وأضعف [ شبه ] بسرعه .. فـ من وجهة نظركم شو الحل .. !

[أنامل قلب]

^ تبقى عـ وزنك لول ..