الي يبا يضعــف يدخل هنــــي الحيين

[شوق القلوب]

المزوحـــي من أكثـــر الناس اللي ناخذ شورهم و نحب نعرف آراءهم ..

.
.
.

الحيـــــــــــــــــــــ ـــن عرفت.. ليش زدت هالكيلويـــن..!! يت فتره قمت اسويلي عصير موز اللي هو عباره عن ( موز + حليب + شكر + آيس كريم ).. و السبب اونـــــــــــــــي ابا أكل اشيــاء صحيه ..

[المزوحي]

مشكورة حبوبه .. تدرين شواقه ... الموز ينــصّح لكن فوايده كثيرة ... تدرين إنه يساعد الجسم على الاسترخاء

مرات يوم تيني فتره اكون متنرفز على طووول ... ادق سلف وآكل موووووووز لأنه يهدي الاعصااب .. هاااا شو رايج مب

احسن عن الحبوب .. وزين حق فقر الدم، وفيه بوتاسيوم بعد .. وفيه ألياف يعني زين للمعده .. ووايد أمور ..

[ملاك الروووح]

مشكوره شمعتي ..

خلاص بطبع الورقه .. وبعلقها ف حجرتي ..

عشان أتحمس ..

:

بس في ناس قالوا لي انه أتم جيه أحسن ..

لأنه عقب العرس أكيد بتمن .. ف جسمي بيكون بيرفكت

لكن اذا متنت الحين .. بمتن أكثر عقب العرس ..

وبستوي دبوووووووه .. ماباااااااااا

:

ما أحب الحريم اللي يمتنون عقب العرس ..!

ومايحافظون على رشاقتهم !


والكرشه ماشا الله يعني .. حدث ولاحرج

اييييييييييييو

شو حياتهم !

[تحفه]

تعرفون شي كتاب وايد حلو ومفيد
يخليكم تجلبون تستوون هلثيات وبنفس الوقت يستوي جنه لايف ستايلكم 3>

الكتاب مخلص انا ادوره في كل مكان وكله اوت اف ستوك

بس اسمه مايساعد اني اكتبه علعام XP

[شمعة أمل]

متنت 3 كيلو في اسبوع >_<
امي تقول من الصدمه
مادري شو استوابي!
حتى استويت في هالاسبوع كله اكل جنك فود مع اني اصلن ماحب الجنك فود .. يعني يوم طحت كلت برقر كينغ يومين ورا بعض بعدين باسكن 3 ايام ورا بعض والحين عيد ف كله اكل بسكوت وامس ماكله جوني روكتس O_o شو استوى فييه؟!!!!!!

كل ما اجوف ايدي مادري شو يستوي فييه واسير اكل شي سواء جبس ولا برقرر ولا كوفي ولا اي شي سويت ولا جنك!

[الخنساء]

ويني انا عن هالموضوع من زمان


اللي ضعفني ... وجودي في رمضان برع البلاد ..لا عيش ولا صوالين ...لا هريس ولا فريد .. ولا حتى عيش وروب على السحور


كان وزني 68 ..ووصلت لين 60 يعني 8 كيلو في شهرين ...أول مارديت البلاد ... أي حد يشوفني .. يتم جيه شو سويتي في عمرج ... وعطوني حافز كبييييييييييييييييير اني استمر في هالحجم ...

طبعاً انا كنت من محبي العيوش وايد ... والسي فود وهالسوالف الدسمه ... وكنت احس اني لو مربربه بس شكلي مب من المتان وايد يمكن عسب الطول ... المهم


في قرارة نفسي ..قررت التزم بأكل بسيط جداً .. وبعيد عن العيش

وخصوصا اني ما احب الرياضه بس ممكن امشي بس مستحيل التزم ... وعندي اكثر من جهاز ... بس اشوفهم بغبارهم..

والأهم ..قمت اتريق وايد ... والجاهي الأخضر (بدون شكر) ... بعد كل وجبه .... تقريبا ... بس مب على طول ... وما اشرب أي سائل خلال الأكل .. وخصوصا المشروبات الغازيه ... بعد مرور ساعتين على الاكل اشرب ماي ...(وهالشي يخلي الكرشه تختفي والله العظيم)..



ما اتغدى ... بس سلطة فواكه ..وكل ما ايوع آكل فواكهه ...والعشا يكون شيء خفيف ... وطبعاً كل اكلي قليل الدسم ..ومع اني من محبي الألبان والحليب والأجبان ...


وأهم شيء ... استغنيت عنه .. الكاكاو والجبس ... وغثايث آخر الليل ... كان الكاكاو إدمااان مب طبيعي ..بس الحمدلله رمت اسوي كنترول ..

والحين وزني 59 ... وساعات يوصل لين 61 بس ما يزيد وإن شاء الله ما بيزيد



هاي قصتي كامله ...

[جنون امرأة]

واللي يبى يمتن شو يسووووووووووووووووووي ؟

[جنون امرأة]

وزني 40 مممم طولي اميه و شي و خمسين ما اعرف جم بالظبط!!! ههه

[طير الحب]

انا الصراحه احسن اني ضعفت قياسا على ملابسي الي ما كنت اروم البسها بس للحين ما قست وزني.

[طير الحب]

احم احم ما شاء الله تبارك الرحمن اكل كل شيء بس يقولون الحركة بركة وان ما اعرف ايلس كملت ست شهور من ولدت كان وزني 76 وصل 53 بالارادة اشتريت تنورة من مانغو وخليتها دافع قلت لازم اي يوم البس هالمقاس الي هو مقاسي قبل لا تزوج وفعلا عندي بنطلون من ثاني ثانوي جنيز مستحيل افرط فيه اهم شيء الارادة وما تحرمين نفسج من الاكل انا احب الباستا والمعجنات والبيتزا ومحذوف من قاموسي كلمة ريجيم وطبعا لأي ام اهم شيء الرضاعه الطبيعيه مفيدة من جميع النواحي...


والحين ما ابا اضعف زيادة.........شربت التلبينه النبوية اذا تبون رقم الحرمة الي تبيعها هاي حسيت فادتني بالاضافة للشاي الاخضر باليدتوكس والبابونج الي بدو مساعدة يسأل.

[شمعة أمل]

انا جد شربت الجاهي مال دي توكس بس حسيت انه طعمه استغفرالله =s
بس شو التلبينه النبويه؟

انا في خاطرييييي اخسـر 5 كيلوو قبل نهاية السمستر<< من متى وانا اقول هالشي بس انا ماعندي شي اسمه اراده xD
أسيـر امشي على حديقة الصفا مرات واسير الجم مرات.. وانا طبيعتي ما آكل وايد ف أحس عشان جي صعب علي لاني اصلن ما اكل وايد =s
ماتريق ولا اشرب كوفي
اتغدى شوي يمكن ربع صحن
على المغرب اشرب جاي حمر
على العشا يا اكل بس بعد شوي ولا لو أحب الشوربه اكل ملة شوربه بس عوده p=

[عهد الوداع]

عطوني طريقه ابغي امتن لووووووووووووول

[شمعة أمل]

كلي مكدونالدز كل يوم P;

[عهد الوداع]

ماشي فايـــــــده

[شمعة أمل]

عيل ماعرف =s