الي يبا يضعــف يدخل هنــــي الحيين

[طير الحب]

مسا الخير...انا ابا انزل وزني حاليا 61 وابا اوصل خلال شهرين 54 على الاقل لانه وزني قبل لا اجمل كان 50 بس ما ابا استعيل عشان ما اييني احباط مشكلتي مب مع الاكل مع الرياضة مب وايد احبها عندنا جهاز مشي بس ما استخدمه واكل كل الي بخاطري بس بكميات قليلة واشرب شاي اخضر شو ممكن اسوي بعد

[ذنـيـنـي]

حيا الله ام عبادي

دام انه عندج جهاز مشي،، نصيحتي لج هي انج تمشين عليه على الاقل نص ساعه اوووول ما تنشين
و قبل ما تاكلين اي شي لأنه في هالوقت الجسم يكون هضم الاكل و ما يكون للجسم مصدر طاقة غير الدهون الموجوده فيه

واضبي على هالنظام مع محاولة الامتناع التام عن النشويات و المقالي و السكريات خلال هالفتره
بس حتى لو ما اتبعتي النظام الغذائي اتوقع انج بتوصلين للوزن الي تبغينه خلال شهرين

و مثل ما قلتلج السر في حرق الدهون عن طريق الرياضة هو بممارستها على الريج و قبل ما تاكلين اي شي
عشان تحرقين الدهون
و لو بغيتي تحرقين العضلات لازم تزيدين فتره المشي

[طير الحب]

ذنيني...طيب في سؤال عقب الرياضة بكم لازم آكل اختي تقولي عقب الرياضه بساعه بجاول اتحدى نفسي وامشي مشكله المشي على الجهاز ملل عادي انا عقب اي وجبه اشرب ماي فيه ملعقه خل


عندي مشكله اني مب دوم اقدر امتنع عن النشويات والسكريات عبود وابوه يخربون علي :)

[تحفه]

ام عبود : شربي عصير جريب فروت بعد الرياضه على طول 3> وايد زين يساعد الجسم يحرق بسرعه حتى بعد الشوبنغ موفيد

والاكل طبعا ممنوع .. انا ما اكل الابعد ساعتين!

انا اكتفي بالماي

[ذنـيـنـي]

ممكن تحطين الجهاز جدام التلفزيون و تشوفين قناة فتافيت شرات الوالده عندنا في حد يتمرن على برامج طبخ

المهم حطي الجهاز جدام التلفزيون و انسي انج يالسة تسوين رياضة،، طبعا التحدي الاكبر بيكون خلال اول اسبوع بس من عقب هالاسبوع الامور بتسهل عليج و بتتعودين على المشي


و بالنسبة للأكل
اتوقع عادي ترومين تاكلين بمجرد انج تخلصين من المشي و تاخذين لج شاور سريع، بس طبعا لازم تحاسبين على الاكل الي بتاكلينه

على سبيل المثال لازم تستبدلين الحليب و الاجبان الكامله الدسم باجبان و حليب قليل الدسم او بدون دسم،، في السلطات حاولي تمتنعين عن الصلصات الثجيلة الي اساسها مصنوع من المايونيز،، استبدلي الخبز الابيض بالخبز الاسمر،، في اوقات الجوع حاولي تاكلين تفاح او اي نوع من الفواكه او الخضار بدال الكاكاو و الجبس


و نصيحتي الاخيره هي انه لا تعتبرين الي تسوينه رجيم عشان ما تتعبين،، حاولي انج تخلينه اسلوب حياة يديد بالنسبة لج و صدقيني عقب فتره بتحسين بفررررق

انا جربت هالشي بس للأسف ما التزمت فيه بس على هذيج الايام كنت غييييييييير،، الحمدلله عملية الهضم عندي كانت طبيعيه 100%، كنت افقد من وزني ما يقارب كيلو في الاسبوع و مرات كيلو و نص و حتى بتحسين بعمرج خفيفة و الشعور بالخمول بيخف عندج بشكل كبيييييير

[شوق القلوب]

ام عبــادي...

اذا كان عندج برنامج اتحبين اتابعينه و تندمجين وياه... اول ما يحطونه امشي على الجهاز.. صدقيني بتنسين عمرج و انت يالسه اتشوفين التلفزيون...

[دمعة شوق]

زين حد منكم يرب د. نيوترشن ؟؟

المـزوحـي

أنـا كـنت اخذ بس الحبوب ومارحت له بنفسـي
وماداومـت عليهـن
؛
والله راحوله يقولون زين ومب زين بـنـفس الوقت لأنك بتتعود على الحبـوب يعني طول فترة الريجيم كله حبوب / وجسمك بيـتـرهـل / وعقب مابيخلصن الحبوب بترد نفس قـبـل / لأن اللي ايي بسهوله ايروح بسهولـة

[مــهــابه]

سـؤال بـريئ

هـل أقـدر أنـزل كيلـو واحد فـ سـاعه تـقريبـاً من خـلال اسـتخدامي لـ جهـاز المشي ؟. .

وكـانـت سرعـته 5

لأن هـالشي صـار لـي ، ومن شفـت اني نزلت كيلو ، ما قـمت أستخدمه دام جيه طريقـته ، ولا قلـت يمكن الميزان مخـَرف

خفـت أنـقرض

[شمعة أمل]

^
ميزانكم مخرف
لانه تمتنين عقب ماتسوين رياضه لانه العضلات مادري شو يستوي فيهم.. المهم الوزن يزيد شويه
واذا انتي وايد ظعيفه مابتظعفين لكن جسمج بيتعدل او من اليوع عقب الرياضه بتبدين تاكلين اكثر وتمتنين p=

[شمعة أمل]

تدرين
اذا تبين تمتنين كلي باستاااا ويا سوس ابيض
صح تعالي
شو فصيلة دمج؟ بخبرج شو الأكلات الى تمتن \ تظعف .. ترا كله على حسب فصيلة الدم
يعني اذا انتي O الدياي يمتن لكن السمج يظعف واللحم عادي

[مــهــابه]

شمعه :



للـعلم قبل لا أبدا كان 47 ، وزاد كيلو بس على أساس انه المفروض يزيد وهالشي طبيعي،

بس عقب رحت 4 أو 5 مرات
ووزنت بنفس اليوم نقص لـ 47
يعني قبل لا أبدا اتدرب فـ ذاك اليوم كان 48 ويوم خلصت شفته 47

وانا ماصار لي شهر تقريباً من بديت ، كنت أبا أكتسب ليـاقـه بس . . .
ويوم شفت جيه السالفه ماقمت أروح

وعن الفصيله A
بس ع فكره أنا ما آكل سمج ولا آكل ديـاي
وطـول الأسبوع أتعشى بـس ، واحيان أتغدى ، والريووق موليه ما تريق . .

يعني مش من النوع اللي احب الأكل ، عادي يمر أسبوعين وانا مب ماكله عيش


فـ شورايج انتي ؟

[شمعة أمل]

اويه انتي كيف جي ماتاكلين غير وجبه لو انا في مكانج بموت .. اكل بيتنا وايد يغريp= تعالي عيشي عندنا اسبوع بتمتنين 5 كيلو

انزين
انتي فصيلة دمج وايد من محبين الخضروات .. مول ما تهتمون لللحووم

اذا تبين تمتنين انتي لازم تاكلين لحم وفاصوليا وlima beans و قمح .. يعني وايد وايد لازم تاكلين خبز وباستا

لو كلتي شويه مابتتغيرين لكن لازم وايد

وعشا ماتظعفين
ابتعدي من الدهون النباتيه و الأناناس و الخضروات .. والسوالف الى فيها سويا


من ناحية السييفوود
القبقوب واللوبستر والكلاماري *نغر* والربيان والاختبوط يمتنونج


كثري من كل انوع الاجبان لانها تمتنج وعقب كل وجبه كلي ايس كريم

والمكسرات الى تمتنج *ترجمته في قوقل ف شويه يضحك*
البرازيل الجوز
الكاشيو
الجوز والفستق


اذا بتاكلين خضروات الخضروات الى تمتنج هم
الباذنجان
المشرووم
كل انواع الزيتون
القرنبيط
طماط
بطاط
فلفل

[مــهــابه]

شـورايج نـتبادل الـتخصص ؟! ( موول مايخصني اني استوي اخصائية تغذيه )

مشكوره ع النصـايح ، بس أنا مابا أمتن ، أبا أتم جيه

وع فـكره أنا مول ما آكل السي فـود

من قريت ردج زقرت خواتي ، قوم الـ39 والـ 40 عـسب يستفيدون

عـل وعسى يمـتنن شوي


تــشكرااات

[شمعة أمل]

لوول انا مب متخصصه في التغذيه
لكن ماخذتنه من كتاب وايدين اعرفهم يستخدمونه .. حتى مدربتي تمشيني على هالكتاب

[أنشودة المطر]

^
شمعة أمل بغيت أعرف الكتاب إذا مافي مانع