استفسار لكل من سافر

[ايه احبك]

السلام عليكم ورحمة الله وبركاته

شحالكم شخباركم

ابغي استفسر واعرف !!
شو انواع الطيران الي تعرفونهم والي مجربينهم؟
واذا كنتوو من المجربين..
خبروني شو الي عيبكم في هالطيران ؟

من ناحية
الكوالتي..
ولا الأسعار...
ولااا السيرفز..

وسلامتكم
ايه احبك

[مايهزك ريح]

طيران الإمارات .. اوكيه بس على حسب الرحله .. يعني للرحلات البعيده .. وايد اوكيه .. للقريبه ساعات يحطونج في طياره اتلوع الجبد ..
انا جربت طيران الإمارات على نيويورك و زيورخ كان ما شي احسن منهم .. في كل شي ..
بس خط سنغافورة .. كانت الطياره تعبانه وترفع الضغط .. ووااايد ضيجه المساحه للركاب خصوصا اني كنت مسافر على الدرجة السياحيه ..

طيران لوفتهانزا .. من زمان ساير عليه وكان يلوع الجبد .. ومارديت اسير وياهم مره ثانيه .. (خط فرانكفورت ألمانيا -- دنفر كلورادو - امريكا )

الطيران البريطاني .. كان وايد اوكيه واحسن من طيران الإمارات .. طبعا انا سافرت وياهم مرتين بس .. ومن زمان ما جربتهم .. ( خط هيثرو -لندن- بريطانيا ) -- > ( دنفر - كلورادو- امريكا )

الطيران الماليزي .. بعد كان اوكيه وجربتهم على خط نيويورك

طيران الخليج -- قطر .. كان ما شي حاله حق 50 دقيقة درب ..
الطيران السعودي .. الظهران -- جده -- المدينه .. بعد ما شي حاله ..

بس حبيت اقولج شي بالنسبة للأسعار على حسب الدوله اللي انتي سايرتلها ..
احيانا اذا تسافرين على طيران الدوله نفسها ايكون ارخص وأحسن .. يعني مثلا اذا بتسيرين سنغافورة اختاري الطيران السنغافوي .. يعطونج سعر احسن من طيران الإمارات .. وله اوفرز حق الفنادق .. ارخص عن الإمارات للعطلات

والسموحة .. يمكن ما فدتج وايد ..

[ايه احبك]

مشكور وايد يا ما يهزك ريح
بس انا بغيت اعرف شو الي خله برتش ايرويز في نظرك اوكيه
يعني شو الفسلتيز والسيرفيز الي قدموا لك اياه
ونفس السالفه في الطيران الماليزي
وخبرني بعد اذا ما عليك اماره اذا صح او لاء اسمه ماليجين ايرويز

[المزوحي]

يمدحون طيران الاتحاد اللي في مطار أبوظبي

الأهل ساروا تايلند يقولون أوكيه ويمكن عسب الرحلة أكثر من 4 ساعات .. الخدمة تكون أحسن ..

أنا ماجربت أي طيارة غير الامارات .. ومره وحده بس جربت كاثي باسفيك ماعيبتني ..

لأنها ضيجة ولو كنت على الدرجة السياحية ..

طيران الامارات اسير على البنزنس لكن مب كل مره خدمتهم على متن الطيارة تكون أوكي ..

[ايه احبك]

شكرا يالمزوحي ^_^

[ايه احبك]

على فكره في هالسنه مادري الي بعدهاا بتنزل طيران راس الخيمة
والمتواقع انها ما تكون بجوده عاليه

[مايهزك ريح]

الطيران البريطاني .. كان ايوفر .. وجبات خاصة للمسلمين .. مب مثل الباقين .. وتقدرين تختارين الكرسي اللي تيلسين فيه .. خدمتهم على الطيارة وايد زينه يعني من اتدقين الفص يوا بسرعه ما اتخيسين و انتي تتريين .. الكراسي ووسع المكان كان مريح ..
اذا عندج يهال طبعا يحطونهم جدام ويعطونهم ألعاب ..

طيران الإمارات .. اعتقد محد كثره عنده وجبات غريبه وعجيبه .. وعندج خدمة الأميال .. كلما زاد عدد الأميال كلما عطوج فرص أكثر انج اتسافرين وياهم بلاش .. أو يسوون لج ابجريد لدرجة .. مثلا اذا كنتي على السياحيه وعندج اميال وايد .. يرفعونج على البزنس .. وجيه يعني .. (نفس الشي الطيران البريطاني من ناحية الأميال ! )

الطيران الماليزي .. فيه مكان حق الصلاه .. عشان ما تفوتين الصلوات .. والأكل كله يناسب المسلمين ..
الطياره كراسيها مريحة .. وفيها تلفزيون خاص فيج فيه 8 أفلام تقريبا .. ( الإمارات 500 فلم على حسب الطياره ) .. خدمتهم ممتازه .. ثانيا اذا بتغيرين الرحله ما يدفعونج بيزات مثل طيران الإمارات عن كل تذكرة 300 درهم ..

وكانت بالنسبه لي اوكيه لأنها الوحيده اللي كانت اتودي نيويورك دايركت .. وكان سعر التذكره 3200 درهم مقارنة بطيران الإمارات 5700 !

على العموم هل انتي اتدورين على خدمة معينه تبين اتعرفين عنها .. بدال ما اصدعج ..
احس اني وايد اهذرب ..

[ايه احبك]

لا اخوي هذرب على راحتك ^^;

[عفاريتووو]

السلام عليكم


طيران الامارات .. عيبه السيرفس مب شي
بس مرة وانا راده من ميونخ كانوا واييد اوكي حتى لعوزوني من كثر ما يهتموون
لكن اغلب الاحيان معاملتهم للناس تكون ويلعوزون الناس بالحجوزات وجي

مثلا مرة سايرين البحرين .. و واييدين كنا ماشالله
محطين كل حد في مكان .. !
انزين مب مشكلة نحن بنتفاهم ويا الناس .. حتى
هم برووحهم بعد كانوا ملخبطينهم و يبون يبدلون
بدلنا .. تخيلي المظيفين والمظيفات ما رضوا !
بس جي سالفة عناد !
و جان تستوي ضراابة بالطياارة لول
صدق يعني بنات ما بييلسوون عند شباب .. !

ومب اول مرة يسوون هــ الحركة
و الحين نحن مقاطعينهم

طيران الاتحاد .. كـ سيرفس ومعاملة واييييييييييد وايييييييييييييد احسن عن الامارات
حتى مطار بوظبي صغيير وسريع تخلصوون بسرعة
وحتى اسعارهم من احسن الاسعار بس انه تحجزين من قبل

[ايه احبك]

انزين عفاريتو خبريني عن الفسليتي الي قدمواا لكم اياه طيران الاتحاد
يعني عروضات او اشياء في الطياره تستخدمونها
خبريني كيف تقيمينهم ولو كان ناقص شي شو بتزيدينه في الطياره

[قــبقــوبـه]

i think 6iran al2marat better than 6iran al2t7ad fel services
bss al3kss fel prices and al 3ro'9at; 8dmolna 3r'9 3la Munich 2900 for the ticket & 3 Days in Munich in a hotel

[ايه احبك]

حلو
يعني طيران الأمارات يعتمد على الرحله يقدم البست سيريفر
هذاا الي فهمته منكم
لو السيريفرز كان زفت بس السعر معقول بتقبلون انكم اتسفرون على متن هالطياره

[شمعة أمل]

أحسن 3 هم طيران الامارات والاتحاد وفيرجن .. الحلو في الامارات وفيرجن انه اذا انتي في درجه اولى ولا رجال اعمال يعطونج سياره توديج المطار او للبيت ..

ابدا ابدا لاتستخدمين البريطانيه .. لانهم وايد rude .. يتاخروون.. ويضيعون الشنط .. هالصيف ضيعو شنطة وحده نعرفها .. والعام ضيعو شنطة ابويه لمدة شهر O_o غير المشاكل الى استوت هالسنه .. كل الى بيسافرون عالبرتش من هيثرو ماخلوونا اندش داخل المطار ويوم *اخيرا* خلونا ندش قالولنا مشكلتكم مابنركبكم الطياره سيرو حطو عماركم على طياره ثانيه O_o

جربت البروناي .. كان عادي بس ماشي تلفزيون =s بس الحلو انه مافيه كحوول
جربت لوفثانزا الالمانيه .. وايد اوكيه بس مب واو .. ينفع لرحلات قم ساعه ساعتين
السويسريه بعد زينه .. نفس الالمانيه
الماليزيه .. زينه
american airline مب لهناك .. نفس البرتش لكن شوي احسن
القطريه .. زين لكن مب وااو .. والشي الحلو فيه انه مافيه كحوول

[ايه احبك]

انزين شو السيرفر الي قدمت لكم الألمانيه والسويسريه عسب اتقيمنها انها مال ساعتين وبس ؟
وصارحه انا اتوقعت البريطانيه اوكيه شرات ماقال ما يهزك ريح لكن اذا جي خدمتهم مثل ما تقولين في هالوقت يعني مستوى الخدمة مالهم ينزل.
يعني حسيتي انه في القطرية والبروناي انهم اوكيه لانهم ما فيهم كحول ومطبقين للشريعه وشو عن الأسعار بعد ارتحتي لها ولا كانت ما تستحق الخدمة المطلوبة ؟

[شمعة أمل]

البريطانيه معروفه انها اتعس شركه من ناحية السرفس .. وكل يوم هني يرمسون عنهم في الجرايد والاخبار .. اليوم في الجريده وحده كملت شي واربعين يوم ولين الحين ماعطوها شنطتها .. وناس البارحه تريوو 8 ساعات لشنطهم =s غير انهم وقحين في التعامل ويا الناس ..
بس تدرين .. اذا بتسافرين بزنس ولا درجه اولى تراه شباري .. لكن في الشركات الثانيه بس درجه اولى شباري.. وبعد مب كل الطيارات شباري ف انتي وحظج


بروناي مب لهناك يعني في احسن لكن الى احيده انهم رخاص .. والقطريه يالسه تتحسن لكن بعد مب احسن شي ..

عن الاسعار ماعرف الصراحه .. لكن اذا انتو على بدجت .. انصحج تاخذين فرجن .. لانه هم عندهم درجتين سياحيه .. في وحده احسن عن الثانيه والفرق في السعر بسيط .. لكن من الى اعرفه انه الكراسي اكبر واريح لو تاخذين الدرجه الى احسن ..

عن السويسريه والالمانيه ترا الى سرتلهم بس مال قم ساعه وساعتين ف ماشي تلفزيون .. وبس فيه بزنس ودرجه سياحيه .. لكن نصيحه سيرو سياحيه لانه البزنس والايكونومي نفس الشي .. خسرنا بيزاتنا على الفاضي .. بس الفرق انه نحن يعطونا اكواب من زجاج والسياحيه بلاستك ونروم نشل شنط زياده لكن الكراسي والسرفس كل شي نفس الشي .. لكنهم زيييينيييين ونظاف ومايتأخرون