باختصار وبعيد عن كل اللي مكتوب في الموضوع
ما عندنا في الإمارات شي اسمه بطاله !
الشغل موجود وفرص العمل هااااااااالكثر،، بس محد يبا يشتغل
الواحد فينا طمعان في وظيفه قويّه من البدايه.. ما يبغي يبدا من
الصفر.. ما يبغي يشد حيله
ما انكر انه فيه واسطه في الموضوع وانه اللي ما عنده واسطه
ما بيحصل شغل بسهوله،، لكن في الأخير يحصل
انا هالسنة تخرجت بس ناوي اكمّل دراسه ان شالله.. قبل التخرج اتيني
تيلفونات من اماكن يقولون طرش لنا الـ CV.. وآخر مكان كان دبــــي
العالميه،،، اتصلوا فيني يوم الخميس... يعني قبل 4 أيام
ولو ما خذوني تراهم بياخذون غيري ومن الكليه توصلنا ايميــلات
عن فرص عمل موجوده وعلى تخصصنا.. يعني الكليّه مب مقصره
بس الواحد فينا هني يبا مكان معيّن وشغله معيّنه وحاطنهم فباله
وانتهى الموضوع.. لا يراكض ولا يدوّر ولا يسأل !
اكبر دليل تنمية،، تتصل في الناس تعالوا خذوا دورات !.. ما يبون !
دورات بلاش وزينه تنمون مهاراتكم.. وبعد يرفضون
فـ اذا الواحد ما يبا يروح دورات عشان يطوّر نفسه كيف تبونه يحصل
شغل؟؟.. هذا ان دل يدل على هيازته !
والله الوظايف موجوده وانا عمري ما شفت او سمعت عن حد من ربعـــي
واللي عرفتهم انه تخرّج وما لقى وظيفه.. الحمد لله كلهم يتوظفون وبدون
واسطات بعد
بس العيب في شبابنا.. ما يبغي يبدا من تحت.. يبا يكون مدير على طول
على قولت الشاعر//
لو أنا أمير وانته أمير منو يقود الحمير؟؟
والسموووحه منكم
مواقع النشر (المفضلة)