تساؤلات !

[المزوحي]

والله إنه هالشي من يومين يدور في بالي .. والحين وانا أبحث في النت دخلت لأكتب في الفضفضة

فهل تساؤلاتي لها إجابة عندكم ؟!!

في نظري مجرد فضفضة ..

السبوع اللي فات وانا في السيارة ( في ربوع مدينة دبي ) تاملت السماء .. وأشوف أعلى بناية

جريبة مني وبالتحديد في بردبي .. وسرحت ... وبعد ما انتبهت .. وايد أمور فكرت بها ..

ســـــــــؤال سألته نفسي ...

من يستاهل في الدنيا إني أكدر نفسي علشانه حسيت كأنه هم على صدري وانزاح


(يوم سألت نفسي ) لأنه الإجابة كانت محد يستاهل، وانته ضيعت السنين ..


معقوله هالسؤال عطاني دافع لأبتدي صفحة يديدة في حياتي، واتعلمت من نفسي ..

أو توني انتبهت !!

بديت يومي الثاني : لا تشل هم .. طنش .. وابتسم ..

شغلات بسيطة احطها على بالي علشان يكون لي دافع اتغير للأفضل من كل النواحي ..

[عذبة الروح]

السلام عليكم والرحمه

في البدايه
لازم احييك على قوة الإراده الخاصه

بـ النسبه لـ ][ التساؤلات ][
فـ هي دوم فـ بالنا .. تنطرح علينا عدة تساؤلات
ونجيبها بـ قوه الإصرار .. بـ قوة الإرادة و العزيمه لـ الانتقال لـ الخطوه الثانيه في مسيره الحياه
ولكن .... المشكله أو خلني اقول الفرق بين إرادتي وإرادتك هو وجود لـ مفهوم ( الأمل )

الأمل موجود بـ حياتك ... وعسى ربي يديمه // ولكنه معدوم بـ النسبه لي

فقدان ][ اللذه بـ الحياه ][ سبب يكفيني انه الدنيا كلها ما تسوى

ما تسوى أفرح ، أضحك ، أسولف ، أحتك بـ الناس ، أو حتى اني أظهر من البيت
ويكفي هـ الشي منحني شعور بـ ........ من الدنيا واللي فيها ؟!
ومنحني مفرده ( الخيال - الأحلام ) هو السبب الوحيد اللي مخلني اكمل في هـ المسيره

اقول فـ خاطري لو عشت وفرحت اليوم اللي هداني اياه ربي هديه
اكيد بيي شي أو سبب ياخذ مني الفرحه اللي انا فيها
وبجي أقل شي ممكن يصير إني أتضايق <----- ؟!!!

أدري تفكير مختلف عن تفكيرك 180 درجه // وطبعا انت الأفضل
ولكن يبقى تساؤلي هو خوفي من الدنيا والفرحه اللي دوم تاخذها مني


برب
والسموحه

[المزوحي]

منو قالج إني ما افكر مثل ماتفكرين، وهذا اللي تعبني وااااايد

وايد خربت على عمري بالتفكير السلبي ...

يعني لو الله راد يصير شي بيصير ...

وانا لازم اتفائل ...

لأنه كله عايش في هالدور ..

لكن هالمره تساؤلي كان بطريقة غير عن كل مره وأتمنى يكون لج دافع كذلك ..

وقلت مافي شي يسوى