يوميات صغاار الواحات

[أنامل قلب]

طرح طريف ما شاء الله ..
خاصه انه يتكلم عن ذكريات الطفوله .. والله أيام ..

اممم عني آنا ليما الحين مب متذكره شغله سنعه أذكرها ..
بس بشكل عام أعتبر أقل وحده انطقيت بالبيت ..
يعني مصطلبه ولله الحمد + مشاكسات بسيطه لا بد منها .. ^_^ ..

من بينها لمن كنت أظني 7 سنوات .. اختي الشريرة خلتني أصعد السلم المتحرك لكن من بره ..
(( مادري شلون يشرحونها هاي فسوو عماركم فهمتوا ))
ولمن وصلت للطابق الثاني ريولي زلقت و طحت ليـ ـ ـ ـ ـ الطابق الأرضي عظهري ..
(( للتوضيح .. مالدحرجت عالدري لكن طحت من بره يعني شرات ما يطيحون من الدريشة سيدا صوب الأرض لول ))
احليلي تكسرت .. أذكر اليوم عدل .. شلون الناس تلمو عليه .. وشلني واحد من الرياييل ..
طبعا اختي الشريره جكوها وناجروها والثانيه رايحه الدور عالوالده ويمه (( يدوه )) الله يرحمها كانت معانا ..
بس صدق احليله الريال شلون محاتي .. شلني وقاعد يبي يهديني بأي طريقة وانا بعد هالطيحه مادري شو استوابي
من الضربه وماعدت أقدر اتكلم (( يعني صرت بكماء ليوم ونصف لول صدق كل اللي كنت أقوله إإإإإ أأأ اممم !! ))
+ أصيح وأتنفس بصعوبة يعني شوي وبختنق .. !!
احليله .. يقولي الريال شو تبين حبيبي .. أييب لج اسكريم تبين حلاوه تبين اوديج فوق تبين هاللعبه لول ..
وانا قاعده احاول أقوله أبي ماما أبي بابا لأن اللي كان يظهر مني مجرد أأأأ واهو ولا فاهم ..
ليمن يو أهلي وشلوني عنه للمستشفى ..
وكل هاللوية اللي صارت عقب بسبة اختي الشريرة ..
ما بذكر المكان لكن من بعد الحادثه وقفو السلم المتحرك اللي طحت منه ..
وماعدت أسير له مره ثانيه لأني كرهته وقمت أزيغ منه مادري ليش عقده >_< ..

وبس ..
للحين مستغربة شلون ماستوى بي شي .. لكن الحمدلله ربي حفظني .. ^_^ ..

نتمنى نشوف ذكريات الطفولة لكل عضو وعضوه بهالساحه الصافية ..
لأن الموضوع فعلا غاوي ..

:

كل الشكر لطارحة الموضوع ..
ووفقج ربي بدنياج لدينج ..

احترامي وودي ..
إختج أنامل قلب ..