يوميات صغاار الواحات

[شهوووودة الأمورة]

السلام عليكم ورحمة الله وبركااااته ..

من فترة طويييييييله في باالي موضوع .. وكل ما ابا احطه اتعااايز .. والحين تحمست اني احطه ..

الموضوع هو ..
كل عضو أو عضوة يكتبون يومياتهم يوم كانوا صغاار سواء كانت شطانه أو جذبه أو مأساة ..... ولآخره = الفضاايح



بخبركم عن يومياتي يوم كنت صغيره ..

يوم كنت صغيره ..
تقريبا كنت في روضه أوله ..
كنت حذاال الدكاان اللي عند بيتنا أرسم ع الرمل ( الأخت رساامه ومالقت مكان ترسم فيه هع هع ) ..
المهم سمعوا شو صاار .. !!!

يت سيااااره ودعمتني.. اللي احيده انه التاير يا ع بطني ..
يا الريال شلني ودق جرس بيتنا .. ومنوه فتح الباب طبعاا امي ويدوه وجنه اختي بعد كانت موجوده..
والريال ما يبى يقول الصدق انه دعمني .. قاال انه في أحد دعم بنتكم بالسيااره ..
ولاا يدوه ع طوووول وبطولة اللسان قالت له انت اللي دعمتها ( وجاان تنكشف الحقيقه)
( طبعا كل هذا صاار بالصراخ وعفسه ) يدوه وامي واايد يسوي قرقر


ما أذكر بعدين شو صاار .. بس انه ابوي ما حب انه يسوي مشااكل وما رفع قضيه ع الرياال ( فديت ابويه)

واللي سمعته من امي انها تقولي اني كنت قرييب وبمووت



يوم كنت صغيره :-
كنت واقفه حذاال بيتنا .. وكنت انفخ البالونه ( اظني كانت بالونه طويله مش دائريه)
وفجأه يا واحد من شلة الفريج وشل عني البالونه وهرب .. وانا ع طووووووول جان اصيح
ولاا يو شلة الفريج ( احييد كانوا واااااايد ) يقولون لي شو فيج ؟؟
قلت لهم سرق بالونتي .. قالوا لي تعالي ويانا بنييب لج بالونتج ( يويلي عالفزعه هع هع )

ودوني اليين بيتهم .. وأول ما شافني بط بالونتي هالصبي المعفن
وجااااان اصييح وأحشر الدنيا ابا بالونتي ..
و ع طوول كل شلة الفريج ودوني الدكاان وشرولي كيس بالونات


أحب طفولتي .. أتمنى لو أرد أعيش فيها بس يوم واحد !!! يليييييت ^_^"

وانتوا شو فضايحكم احم أقصد يومياتكم يوم كنتوا صغاار ..