أبــغي طــريقة كــباب

**المزوحي** · 17-07-07 ||, 06:52 PM

السلام عليكم

في خاطري كباب .. يعني عمل البيت ... الطريقة تكون سهلة .. مب حط وشل واخبص

يعني لحم مفروووم وبصل ... ويتحمر في الفرن وينكل ..

صدق ... ماعندكم طريقة سهلة للكباب ....

**ذنـيـنـي** · 17-07-07 ||, 08:08 PM

لحم مفروم و شوي و بصل و شوي بقدونس مفروم و فص ثوم مطحون و شوي ملح و فلفل اسود

طبعا على كيفك اخلط المكونات
انته و ذوقك D=

و جان تبغي خلطه للتكه

حط قوطي روب ويا شوي لبنه و خل و فلفل اسود "يفضل انه يكون توه مطحون او مجروش" عسب يعطي نكهة حلوة

خله لمده يوم كامل في الخلطه و عقب اشوي اللحم
طبعا اللحم المستخدم لحم غنم في الوصفتين

**المزوحي** · 17-07-07 ||, 11:27 PM

تسلم ذنيني ... الطريقة الأولى .. اخلط المكونات اللي ذكرتها ..

وإلا البصل يتحمس أول شي وخلاف افر اللحم ؟

**ذنـيـنـي** · 18-07-07 ||, 12:06 AM

كيف يعني

ما فهمت عليك !

هات اللحم المفروم و حط وياه بصل مفروم و باقي المكونات

و يفضل انه المكونات تكون مفرومه عدل لدرجة الطحن و خاصة البصل و الثوم

**قصايد غلا** · 18-07-07 ||, 12:27 PM

يبا لي أسير المطبخ وأخبّص

وصفة التكة دوم نسويها في البيت وعفناها

شكرا ذنيني على الوصفة ...

**المزوحي** · 18-07-07 ||, 04:11 PM

أوكي ذنيني

قصايد غلا ... صوري

**دمعة شوق** · 18-07-07 ||, 05:33 PM

ماقصر ويـاك النعيمـي
يالله بالعافيـه عليـك
وإذا بغيـتـوا حايـه ترانا حاضـريـن :)

**فنجان قهوة** · 28-07-07 ||, 06:51 AM

انت تبا كباب ع قوله الايرانيين و لا كفته على قوله التركيين

الي فيه لحم مفروم هو كفته تركيه

بيكون لحم مفروم و بصل و طماط مقطع صغار صغار صغار (مفروم يعني)
و تحط معاه شوي خبز عشان يتماسك الخليط
هيه اذا اللحم المفروم المثلج و له مال الجمعيه حط معاه بقدونس مفروم و شوي ملح و فلفل
بس اذا سرت عند لحام و يكون سوري و له لبناني قوله تباه حق الكفته (كباب عقولتك)

بس اذا تبا كباب اللي هو مثل التكه اللي نصيخه و نسويح على البحر (الكباب الايراني او التكه الهندي)
فحط لحم مقطح (خذه جاهز من الجمعيه و قوله حق الكباب)
تبله بروب و لبنه و خل و ملح و بصل يعني مال يوم تقريبا عسب يلين اللحم يوم ينطبخ
بعدين حطه في اصياخ (ممكن تستخدم استك الخشب) و يا امه تحطلك شبك الشوي على الغاز او توريلك فحم في منقل و تحطه و بس

تحياتي