[ بــيـــت الواحـــات].. من هنـــــــــا

[خيال الحب]

حفيدي الاسطوري..

ماعليـــــك يوم بنروح المزرعــه بخبركــم كيف كانت اعراسنــا قـــبل.. فالك الطيب

بس ليش نسيت القدووو مال يدك افا عليك انته بس .. حلاته القدوو ويا الجاي حليب خخخخ



الدلوعه

خلاص فالج الطيب

بحطكن كلكن بالبوشنب خخخخ بس تربطو زين ورا لووول .. جان اتخيل شكلكم كلكم يالسين ورا خخخخ


مهابه

يااهلين

هي والله مادريبهم وينهم عيالييه اليوم

[طير الغرام]

هـــــــوود يا هــل البـــــاب المبـــوب

اشحالكـــم شخبــاركم؟؟

مايقولون عندنــا بنت خــال بنتطمــن عليهــا وبنجوف شو سوت فـ امتحانهــا اليوم
واعيه ناسيني

:

أوه يدي انته اهنيه
متى رديت من بوظبي
وشو يبتليه من اهنــاك >> ادري ادري ما يبتلهم شي بس انا
قولي صاصرني ما بخبر حد

وهيييييه لا اتروحون المزرعه اتريووني لين ما اخلصن آخر امتحان وريلي ع اريولكم

[طير الغرام]

يدييي خشمكــ >> اسمحليه ما جفتكـ
انته ويين
يقولون برع تسقي الزرع ما بغيت اتحدر داخل
حر موووت شو عايبنكـ فـ هالـ جو

وعن الامتحان والله الحمدالله زين هم وانزاح
هانت ما بقى غير امتحان وبفتكـ من هـ الصيفي

ويقولون يبتليه اعطووور كشخـــه >> زين محد جافكـ وانته تعطيني اياهــن ولا كلهم ترا بيحتشرون أدريبهم الغيره تمشي بعروقهم

[طير الغرام]

مـهــابـه

هلا ببنت العم

ماشي هاي بنت عمتج محتشره مادري بلاها شكلها يايه وتبا تتضارب >> ماشي شغل

شو الفلم غاوي ؟ ما زقرتينه أجوف معاج

[طير الغرام]

لا يبوج زين يوم ما جفته انا الاشيا اللي اتزيغ ما ادانيها
عقب يتراواليه قبل لا ارقد

:

أقولج اليوم سرت الاستديو قذووني من كثر ما يدقوون
اتحيدين الصور اللي اتصورناهن الشهر اللي فات عشان الجوازات
من زماااااان امخلصينهن عاده اليوم وانا ظاهره من الجامعه مريت عليهم ويبتهم

وييت بروح حجرتيه وبيييبهن براوييج اياهن وبنضحك ع بعض الصور ههههه

[طير الغرام]

يالله انا يييت
تعالي عاده صوبي >>

أول صوره
الجد المصون الله يطول بعمره جوفي شكله كيف سامت
فديت يدي أنــا

وهاي عاده يدووه >> يعلني أفداااهاا وافدا ذا البرقع جوفي محلاها

وهاي يدووه ام أبوويه
ع نياتها فديتها مالها حس فـ البيت وينها ؟

:

وهــذا عاده عمـج ،، الصراحه عيبتني صورته

وهاي حرمة عمـج [عمتيه] >> وين بناتها عن هالصوره بيتخبلون عليها

تعالي تعالي جوفي ولد عمج الخقاق

وهاي إخته صديقتنا الصدووقه

وهاي اختها الدلووووعة
صدق انها دلووعه جوفي اجحالها كيف غادي هههه

وعاده هذا طويل العمر أبويه

مافيــه حيلــه الصراحه

وهاي ختيه أم إلسانين >> لا اتخبرينها انيه قلت عنها جيه

وهاي عاده احم احم خووزووا عنها
فديتني أنا

جوفي جوفي هب حلوه فـ ذمتج

:

وهذا أبــوج البزنس مــان

وهاي إختج العوده

وهاي عاده صــورتج
ما برااااويــــــج خووزيي مناك قلتلج
زين زين خلاص براويج

لا لا صدق هالمره صورتج ظاهره غاويه
وين يدتج عنج بتيوزج

:

وهاي خالج قماشه قصدي قرموشة

جوفي الكندووره اللي لابستنها يقولون من محلها غاويه والله

وهاي بنتها المثقفه
غاويه ترا صورتها

وهاي أم الأفكار العجيبه ادخيلج جوفي اعقوصهــا

وهاااي عمووه عهـد

الصراحه غاويه صووورتها وين بنتها البطرانه عنها

وهاي بنتها البطرانه الدلووعه الخقاقه وكل شي
جوفي جوفي اجحالها كيف جنها كليوباترا عافانا الله

وهاي ختها
اشوي تاخذ منها صح

وهاي اختهم
هاديه غير عنهم وع طبيعتها

وهاي عموووه
يعيبني استايلها

وبس يابووج حشينا فيهم حش >> عاده هب كلهم ههههه

[عنود الريف]

اسميكم ما فيكم خير .. محد طاع يسير ويايه الجمعيه ..
قبضت بشكارتي وسرت وياهااا .. بعدين اتقولون كله حاكرينكم في البيت ... يوم انقول تعالوا ويانا ما اتطيعون

شيبتنا شو تسوي يالس في الزرااعه حررر ... وبتشرب جاي حليب بعد ... تعال هني الصاله عند الكنديشن ... براااااااااد

هلا هلا عيالي .. الا امهاتكم وابهاتكم وييين؟؟؟؟ انا ما اشوف غيركم انتوا
وين ساروا كلهم ... ؟؟؟

اليوم لا تسهرون وااايد .... باجر الجمعة وراكم صلاااة وبنتيمع كلنا على الغداااا ... ابا حد منكم ما يكون موجود باجر ... والبنيات نشن من وقت شوي وفازعنا في الطبيخ .. باجر بتعرسن ... لازم تتعلمن الطبيخ ...

اترياكن باجر في المطبخ ... والا بطرش ربعكم الينانوه يمرون عليكم اليوم فليل ....

[طير الغرام]

هــلا هــلا يــــدوووه
انتي وينــج >> يمكن انا اللي مختفيه

والله محد خبرني إنج بتروحين الجمعيه ولا جان سرت وياج عشان أتشرى أغراض ناقصتنيه حق السويت اللي بسويه باجر شكليه بسويه الاسبوع الياي

يدووه جوفي بنات عميه وعمتيه وخالتيه البطاليات وخليهن يفازعنج باجر
أنا ورايه دراسه >> الشرده بس ابا اتفجج وما اطبخ باجر

[الدلووووعة]

هلااااا

يدي شو ها

اوكيه اوكيه راضيه خلهن كلهن ورا وانا بيلس جدام عند يدوه ^_____^ خخخخخخخخخخ عاد كيفهن البنات جان يبن اين يتحمل ها الشي خخخخخ

( والله ماتخيل اشكالهن كلهن ورا وانا جدام خخخخخخخخ عجييييب ^^)

انزين يدوه انا قلت بي وياج بس انتي ماسمعتني ظهرتي مع البشكاره وسرتي ^_^


انزين يدوه انا سايره ارقد ^_^ عسب انش اساعدج باجر ^__^( خرط بس لأني خلصت القصه وباجر بدور لي على قصه يديده خخخخخ )


يالله تصبحين على خير يدوه ولا يعلمونج انتي ويدي ( اصلا يدي دومه يسهر لين الفير خخخخ جان اجكه ^_^)
عالسهر هب زين ترا بيضركم ^_^

[عنود الريف]

هلا بعصفوورتي الحلوة ... شحاالج فديتج ؟؟ شو سويتي في الامتحان ؟؟؟ شدي حيلج ...
وعلى الطبيخ نشي وطرشي الدريول اييب لج اللي تبينه والا اتصلي براع الدكااان حمزة ..
وسوي هالخربطان اللي تبين اتسوينه


الدلوووعة فديتج امبونج حرمه تسمعين الرمسه ..

يالله تصبحن على خير

[طير الغرام]

يالدلووووعة تصبحين ع خير
وباجر هالله هالله بــ يدووه اباج اتفازعينها

:


يدووه الحمدالله الامتحان كان زين

ولا لا ما يحتاي أطرش الدريول ما بيعرف كل ما أندبه عشان شي اييبلي شي ثاني
وحتى حمزه خبله شراته ما يعرفون السوالف اللي اباها

واللي اباه ما يتحصل إلا فـ كارفوور

خلاص يدوووه ما بسوي شي باجر لنه اربيعتيه خذت عني كتاب الطبخ
يوم الاحد بخليها تيبلي إياه وبسويلكم من ذاك الزيــن

[خيال الحب]

طير الغرااااااااام

هلا بنتيه..

طمنيني شو سويتي بالامتحان.. ان شاء الله اوكــي

هي يبت لج عطور من اريج يمدحونهم وايد


ام سفير

ياهلا ويا مرحـــبا

لازم نطلع برع شوي يطلع هالعرق الي بجسمنا.. اليلسه تحت المكيف تييب المرض..

وين ما بتعورج ريولاتج.. خلي الشمس تدقج شوي..

[مزروعيه بطرانه]

ماشاءالله يدووه احيينه طيروه صاارت عصفووره عيل احنا شوو صرااصيير >> البنيه مستويه اتغار هههه

[طير الغرام]

يالله يالغيـــــــره كيـــــــــف !!

هذيلا هم الحسـّــــــاد

[مزروعيه بطرانه]

سكتي انتي سكتي اكلم يدوه انـا

بزخج من شعرج تراانيه و بقول حق يديه انتي اللي بديتي ههههه