الأخ قلوب دبي ... شو سالفته ... ولازم نزوره ...

[ابن الخطاب]

بسم الله الرحمن الرحيم

سمعت إن الأخ قلوب دبي مريض ونايم في المستشفى ...

قال النبي صلى الله عليه وسلم : " حق المسلم على المسلم ست ، قيل : ما هن يا رسول الله ؟ قال : إذا لقيته فسلم عليه وإذا دعاك فأجبه وإذا استنصحك فانصح له وإذا عطس فحمد الله ‏ ‏فشمته ‏ ‏وإذا مرض فعده وإذا مات فاتبعه " صححه الألباني ...

اللي يعرف في أي مستشفى الأخ نايم يخبرنا ... لأني ناوي أزوره ... واللي بيزوره معاي حياه الله .

ابن الخطاب

[الهيثــم]

والله علمي علمــك يا بو عبدالله ...
الله يشفيــه ان شاء الله ويعاافيه ويرده لاهله ولنا بالسلامة
ونسأل الله له الشفاء العاجل

ونترياا رد الاخوان ...

[خيال الحب]

السلام عليــكم..

انا بعد كلمت اخوي سفير الخيال بهالخصوص..

بس الاخ قلوب دبي مسافر .. انا كلــمته اليوم..

[خطايــا]

اممم ما اعرف شو اقول غير يزاك الله الف خير =)

[ألم ترى]

بسم الله الرحمن الرحيم ..

هلا بو عبدالله ..

ف البدايه احييك ع هالروح الطيبه وصدق قله هم اللي يتبعون الأجر ! ..

بارك الله فيك وجزاك عنا كل خير ..

اما بخصوص الأخ قلوب دبي فهو مسافر واللي اعرفه بأنه كان منوم ومسوي عمليه ..

والحمدلله انها نجحت وهو برع البلاد حاليآ ..

وإذا تبي تتواصل وياه ع التلفون كلمني وانا بعطيك رقمه إن شاء الله ..

دمتم بحفظ الرحمن ..

[نجمة دبي]

ربي يشفي الاخ قلوب دبي ويرد البلاد بالسلامه
يزاك الله خير اخويه ابن الخطاب
ويعطيك العافيه

[ايه احبك]

ربي يحفظ قلوب دبي وين ماكان
ويجمعكم على البر والتقوى

[ابن الخطاب]

بسم الله الرحمن الرحيم

بارك الله فيكم يا أخوان ...

ألم ترى طرش لي رقمه بالمسج الله يخليك خلنا نطمن عليه ...

[ألم ترى]

بسم الله الرحمن الرحيم ..

هلا بو عبدالله ..

توني توني مطرشنه وانته ياحبك حق الخسر ! ..

دمت بحفظ الله ..

[قلوب دبي]

ألسلام عليكم

يزاكم الله خير ما قصرتوا اخواني و ابن الخطاب ما عليه زود اتصل وقام بالواجب..

ربي يعطيكم العافيه اخواني والله يحفظكم

[بنوتة جميرا]

يزاك الله خير اخوي ابن الخطاب ع السؤال

حمدلله ع السلامه اخوي قلوب دبي
ما تشوف شر

[تحفه]

ان شاء الله ينش بالسلامه ,, سلمولنا عليه .. قولوله انا اسلم عليه D:

[قلوب دبي]

بنوته جميرا ربي يسلمج من الشر و يصونج

تحفه قريت سلامج D: يزاج الله خير وما عليج زود