صاحب الشلات الرائعة.. على كرسي الاعتراف ..

[بحر الموده]

اهلين وغلالالالالالا والله

عهد الوداااااااااااااااااااع *_*

شو هي الشله المفضله عندك وليش ؟؟
شلة صابر وقلبى من الصبر مل

لانها تحمل معانى كثيره وكلماتها حلوه وطر وانا يالس اشلها تدمع عيونى من الكلام الحزين لى فى القصيده

منو الاعضاء المقربين اليك ؟؟

كل عضو مسجل فى الواحات سوا كان كبير ولا صغير احسبهم قريبين منى واحبهم فى الله من كل قلبى واتمنى لهم الخير والسعاده دايماً لانه انا قزرت اسنين وياهم وكلهم طيبييييين فديناهم ^_^

[خيال الحب]

ياحيالله راعي الشلات


والله يعينك على الاسئله والتقطيع الخفيف


ممــكن تعطــيناا نبذه عن حياتــك بشكــل مختــصر؟ ( وين درست وشو تشتغل الخ..)


الشلات الي تفضـــل تسمعــــها؟

الشلة الي دوم ترددهاا؟

البقــعه الي تتــردد عليـــها دايـــما؟

امنـــيتـــك في الحيــاة؟

بمــا انــك من عشاق تايــلانــد.. فشو من المنــاطق الي تنــصحنــا نزورهــا؟

شو رايـــك بواحــات بن دبـــي؟

اشــياء تضــايقــك في واحــات بن دبـــي؟

متى ناوي تعرس

وبــس

طبعا هذي الدفعه الاولـــى


ترقــب الدفعه الثانــيه بعد ما تجــاوب

[بحر الموده]

مرحبا والله بمهابه^_^


حـلم بـحر الموده اللـي يسـعى لـه ويـتمنى يـحققـه؟
-مممم حلمى انه ازور دول العالم كلها واتعرف على ثقافتها ووالتقاليد والعادات

بـحر الـموده ، شـي كنـت تتمنى تـوصل لـه ولكـن الظروف حـالـة بينك وبينه؟
-كنت اتمنى انه اواصل رحلتى حول التعليم الجامعى لكن للاسف الظروف ماسمحت لى وانه دائماً اكون منشغل فى يومى من بداية شروق الشمس حتى مغيبها^_^

شـو يـعني لـك الـكتاب؟ وهـل أنـته من متابـعين الاخبــار بكافـه مجالاتها المحليـه والعـالميه؟
-انا اكره الكتب وخاصه اذا كانت قصص لانه مااحب اقراء وايد
وعن الاخبار اوووف احلى شىء عندى فى الدنيا اذا يطوف عليه يوم ومااعرف عن اخبار الدنيا مااعرف يا اتابع عبر النت يا انه قبل ماارقد افتح على الجزيره واشوف الاخبار سوا كانت محليه ولا عالميه اما الاخبار الرياضيه مااحبها

شـو تـعني لـك كلـمه [ صـداقـه]؟
-الصداقه تعنيلى الكثير بنسبه لى ياما عرفنا ناس ولين اليوم نعرفهم وياما عرفنا ناس ولين اليوم نسونا ولا يسألون عنا ترى المتوصف قال تالى الزمن يجلب انواع كل يوم واصبح لى على نوع يعنى اليوم وياك وباجر ويا غيرك .. احب الصداقه والحمدلله عندى اصدقاء من عدت بلدان خليجيه..ومثل ماقالوا الصديق وقت الضيق ^_^

بيـت شـعر دايمـاً تـردده؟
-البيت لى اردده كل يوم :: يقول وايه فديتك حالى انسم وانا
فى شف الله وروياك روف بشبابك قبل تندم قبل الزمان يخرب اصفاك ياليتنى فى صدرك انزم بين النهد هذا وهذاك


الشـي اللـي يمـكن يضـايج بـ حر المـوده؟
-لى يضايقنى اكثر يوم تسوى حق حد خير وتوديه وتيبه وبعدين تحصله يرمس من وراك يقول هذا ماسوالى شىء وجييييييه

هـل أنـت راضي عـن نفـسك ؟!
-لا

[بحر الموده]

خيال الحب

الله يحيك ويبقيك الغالى



ممــكن تعطــيناا نبذه عن حياتــك بشكــل مختــصر؟ ( وين درست وشو تشتغل الخ..)
بحر الموده من سكان امارة ام القيوين
العمر شيبه 23 الهوايه السباحه .. الشعر ..السفر
درست فى مدرسة أم القرى لين نهاية الاعداديه ومن ثم انتقلت الى التعليم الثانوى فى احدى مدارس عجمان الخاصه يعنى نص عمر دراستى كلها فى مدارس خاصه لووووول المهم موظف واشتغل فى دائره حكوميه

الشلات الي تفضـــل تسمعــــها؟
كل شلاتى احب اسمعها
الشلة الي دوم ترددهاا؟
ماخذ جمال

البقــعه الي تتــردد عليـــها دايـــما؟
كورنيش أم القيوين
امنـــيتـــك في الحيــاة؟
- أرضـي ربي وأرضي الوالد والوالده
واكون اسره سعيده ان شاء الله
بمــا انــك من عشاق تايــلانــد.. فشو من المنــاطق الي تنــصحنــا نزورهــا؟
شوف تايلند احبها من اولها لين اخرها والمناطق لى زرتها بانكوك العاصمه وبتايا وشنج ماى وشنج بورى وشنج راى وبتانى وهجاى وترنج وبورى بورى
مممم اذا كنت من عشاق الطبيعه زور شنج ماى بلد اهله طيبين وفيها المساجد والمسلمين وفيها الجبال الخضراء والمياه فى كل مكان .. بوكت العوق عاد انته تموت فى البحر وكله غوص وسباحه وحداق وجزر .. يعنى احسن شىء بوكت وشنج ماى .. وبتايا .. يعنى هالمناطق الثلاث لى مايسير لهن يكون خسران لووووول لاتقول بحور احين يسوى اعلانات حق تايلند ومناطقها خخخخخخ
شو رايـــك بواحــات بن دبـــي؟
صراحه الواحات بيتى الثانى واحبها من كل قلبى
وماشىء صراحه مثل الواحات الواحات بكبرها راحه
اشــياء تضــايقــك في واحــات بن دبـــي؟
يوم اشوف موضوع مكتوب ومتعوب عليه تى وتحصله لى داشينه اكثر عن لى يردون على الموضوع اتمنى انه اشوف النشاط والتفاعل مثل قبل واحسن
متى ناوي تعرس
احين خلوه والعرس يوم الله بييايد علينا^_~

[ألم ترى]

بسم الله الرحمن الرحيم ..

بحر الموده اين ترتيبه بين اخوته ؟ ..

متى كان اول ايام شلاتك واين ؟ ..

من هم اصدقائك المقربين ف الواحات ؟ ..

هل لك اقرباء هنا في هذا الصرح ؟ ..

ربما لي عوده إن شاء الرحمن ..

[دمعة شوق]

مـرحبـا الساع بـ بحـرالمودة
مرحبابك ملايين في ذمتيه ولا يسـدن
؛
اختيـار مـوفـق يالبنـوتـه


حبيت أسلم على بحـر المودة
وإن شاءالله راده له بأسـئـله تهـد له حيـله

؛؛

ويـامرحبــانــي

[بحر الموده]

ألم ترى ياحيبك الطيب

بحر الموده اين ترتيبه بين اخوته ؟ ..

الخامس
متى كان اول ايام شلاتك واين ؟ ..

فى 3/7/1997 وبالتحديد فى بانكوك وكنت عند النهر
من هم اصدقائك المقربين ف الواحات ؟ ..

خطاب..الملهم..الوحدانى..
هل لك اقرباء هنا في هذا الصرح ؟ ..
لايوجد

[بحر الموده]

هلا وغلا والله
دمعة شوق منوره الموضوع
مشكوره مشكوره وسلامج وصل ^__^
ونتظر الاسئله لى عندج ان شاء الله
ويامرحبابج

[عيماني وكلي فخر]

السلام عليكم ورحمة الله



بحر الموده .. شحالك
هاه زاهــب حق أسئلتي ..؟

يالله نبدأ .. بسم الله








































































لووول .. أسولف ويـاك
كل ماأدخل الموضوع أقول
بحطلك أسئلة ماعرف شو أسئل

تحيتي لك .. وموفق إن شاء الله
والسمــووووحة
:)

[بحر الموده]

وعليكم السلام

حى الله اخوى عيمانى

خذ راحتك الطيب ونتظرك على خير ترى ماشىء باقى ايام وعضو غيره بيحل هنا

[مزروعيه بطرانه]

السلام عليكم و رحمـة الله و بركــاااته



هـلا اخـويه .. شحـألك ؟؟ ربــك إلا بخيــر ؟؟؟!


اسئلــتي بسيــطه ^_^ و ما بثـقل عليـك ان شاءالله ..



1- شو اسـمك الحقيقي ؟؟

2- كــم عمــرك ؟؟

3- شو من الســيايـر عنـدك ؟؟

4- كــم بلـد زرتـه فـي حيـاتك ؟؟

5- متــى اول سفــره سافرتـها .. سنـة كـم ؟؟

6- ليــش اتحـب الفلبيـن ؟؟ صـدق إن ما فيـها امـان ؟؟

7- ممكـن اتخبرنيـه كـم تسـاوي الـ 1000 عنـدنا للعمـله الفلبيــنيه و تــايلند ؟؟

8- شو من التلفونـات عنـدك ؟؟ شو أول نــوع استخـدمته من التلفـونــات ؟؟ و سـنة كـم طلعـت الـرقم ؟؟

9- شو احــسن المنـاطق اللي تــرتاح لها يوم اتزورهــا فـ الإمـارات ؟؟

10- انا لاحـظت انك واايـد اتحـب شـعار تـايلنـد ؟؟ شو يعني لـك هالـشعار ؟؟

11- تعــرف تتكلم فلبيــني و تايلنـدي ؟؟ و غير من لغــات شـرق آسيــا ؟؟



و السـموحه ع المغـثه

[بحر الموده]

السلام عليكم و رحمـة الله و بركــاااته

وعليكم السلام ورحمة الله وبركاته

هـلا اخـويه .. شحـألك ؟؟ ربــك إلا بخيــر ؟؟؟!


اهلين وغلا والله اانا بخير اشحالج انتى المزروعيه عساج بخير



1- شو اسـمك الحقيقي ؟؟

محمد
2- كــم عمــرك ؟؟

مواليد 1984
3- شو من الســيايـر عنـدك ؟؟

نيسان باترول والتيـــــما
4- كــم بلـد زرتـه فـي حيـاتك ؟؟

5 بلدان
5- متــى اول سفــره سافرتـها .. سنـة كـم ؟؟

اول سفره كانت تايلند سنة 1997
6- ليــش اتحـب الفلبيـن ؟؟ صـدق إن ما فيـها امـان ؟؟

الفلبين اسميها الورده اعشقها من كل قلبى لانه فيها طبيعه خلابه وساحره ماتتصور وفيها من اجمل الشواطىء لى شفتها فى حياتى .. وبخصوص الآمان مب متوفر
بس نحن الحمدلله سيرتنا حسينا امان لانه الفلبين ماتنفع تظهر فيها فى الليل لانه المتسؤلين وايد والاجرام مكود فيهااا الواحد اذا حاب يروح الفلبين انصحه انه مايروح الاماكن المظلمه
7- ممكـن اتخبرنيـه كـم تسـاوي الـ 1000 عنـدنا للعمـله الفلبيــنيه و تــايلند ؟؟

1000 مالنا يطلع 12,336.7 بيسو فلبينى اما التايلندى يطلع 8,273.42 حرام العمله وايد نزلت الله يرحم ايام اول اهى اهى
8- شو من التلفونـات عنـدك ؟؟ شو أول نــوع استخـدمته من التلفـونــات ؟؟ و سـنة كـم طلعـت الـرقم ؟؟

عندى سلمج الله سونى اريكسون ماشاء الله معمر K700i ونوكيا N70

واول نوع استخدمته نوكيا مياس الطابوقه وبخصوص البطاقه طلعتها فى سنة 1998 لووول


9- شو احــسن المنـاطق اللي تــرتاح لها يوم اتزورهــا فـ الإمـارات ؟؟
اكثر مكان احبه فى الامارات صوب الفجيره وكلباء والمناطق الشرقيه كلها احلى شىء ^_^ والامارات كلها حلوه فديت ديرتنا الحبيبه

10- انا لاحـظت انك واايـد اتحـب شـعار تـايلنـد ؟؟ شو يعني لـك هالـشعار ؟؟
نعم احبه وامووت فيه حتى موترى حاط عليه شعار تايلند وميدالية المفتاح مال السياره ماخذنها من الطيران التايلندى ممم الشعار يمثل وردة تايلند حليوه ترى واكثر شىء موجوده فى مقاطعة شنج ماى

11- تعــرف تتكلم فلبيــني و تايلنـدي ؟؟ و غير من لغــات شـرق آسيــا ؟؟

اعرف لكن مب وايييييد اما اللغه لى احبها وايد واعرفها واتحدثها اللغه الملاويه

والسمووووووووووووووحه

[ألم ترى]

بسم الله الرحمن الرحيم ..

اخواني ف الله ..

بارك الله فيكم ع التفاعل و التواصل الجميل ..

والشكر موصل لـ الأخت الدلوعه و الأخ بحر الموده ..

ينزل من التثبيت وترسل نسخه لـ موضوع ذكريات الاصدقاء ..

دمتم بحفظ الرحمن ..