مرحبا والله بالغالى خطاب حى الله راعى الهوندا ^_^

ماعليك قصور الطيب وتسلم على الكلام لى قلته لى ومن طيب اصلك يالحبيب

أيــن يجــد بحـر المـودة نفسـه في أوقـات الفـراغ ؟
بحر الموده سلمك الله نص وقت الفراغ على النت والباقى اروح ازور الاهل والاصدقاء ومرات اروح اسوى رياضه على البحر ويوم يدق فالراس شغلنا الطراد ورحنا البحر نحدق وهذا وقت فراغى كله
أي الأمـــاكن أحـب إلى نفس بحر المودة سواء من داخـل أو خـارج الدولـة ؟
اكيد ديرتى وبلادى احب وخاصه صوب المناطق الشرقيه صوب الساحل الشرقى من بداية مطلع خطم ملاحه لين دبا الفجيره
إذا كنـت من زوار دبـي ، ما رأيـك بـ نظام سـالك ! .. وهـل أثـر على الزحمـة ( جسر القـرهود ) !
انا نظام سالك ماشفته كيف احين نادر ما اروح دبى وخاصه صوب هالمكان
وعن الزحمه ترى اقولك مابتخلص سالك ولا مب سالك ناس تقدر تدفع وناس مساكين مايقدرون
يعنى انا اشوف ذوى الاحتياجات الخاصه لازم اعفاء من الرسوم والمواطن بعد خله يخلون الرسوم بس حق المهنده والاجانب لى مازرين البلاد من اولها لين اخرها مب حاله صراحه هم لى مازرين شوارعنا تعال شارع الامارات بتشوف كل المواتر يسوقونها اجانب المواطن ضايع امبينهم

يوم بيفتحون الجسر اليديد العائم ان شاء الله بتنحل المشكله شوى على جسر القرهود ومابتستوى زحام شرات قبل بس الله يعين على بداية شهر 9 يوم الخلق كلهم بيردون من الاسفار
كلـــمة توجــــههـــا لـ خــّطاب ! ( اتقبـل النقـد والنصــح ) !
خطاب الصديق الوفى والطيب ولى دوم يذكرنا وينشد عنا

بس ياريت لو نشوفك دوم فى الواحات ونشوف ردودك ومواضيعك وربى يعطيك ألف عافيه

حبوب