بغيت معلومات عن ال TOYOTA FJ

[المحاق المشتعل]

السلام عليكم ورحمة الله وبركاته

اشحالكم اعضاءنا الكرام عساكم بخير وصحه وسلامه

المكتوب يبين من عنوانه اتمنى اذا حد جرب هالموتر يخبرني عنه

او اذا شافه او سمع عنه والشكر مقدماً لكم

محاق

[الهيثــم]

والله ما عندي معلومات عن هالموتر .. بس اشوفه ف الشارع
وما ركبته ولا اعرف عنه شي ..

أتمنى من الاخوان انهم يساعدوونك ويفيدوونك ياالمحاااق

[المحاق المشتعل]

شكراً عالمرور اخي خطاب

ان شالله احصل حد جربها بيفيدني اكثر ان شالله

[بحر الموده]

وعليكم السلام ورحمة الله وبركاته

المحاق شكلك بتسوى مغامرات تسأل عن هالموتر

صراحه انا شفته فى المعارض وعلى الطريق كذا مره بس شكله مب لين هناك

لى اعرفه انه مكينته 6 سلندر .. 4.0 لتر والناقل اليدوى 6 غيار

واتمنى حد يفيدك اكثر والسموحه

[شرجاوي]

مكينة برادو vx ... جير برادو vx ... دفريشن برادو vx ... البرادو افخم

الصراحه سواقتها حلوه .. و فيها هبه

[ذنـيـنـي]

برادو بس عاقين عنه ثوبه و ملبسينه لبس المغامر

بصراحه السيارة حلوة و مكينتها معروفه بقوتها "مثل ما قال شرجاوي تستخدم جير و محرك البرادو 6"

ما اعرف شو اقولك زيادة

السيارة حلوة بصراحه و تلفت الانتباه و كوول

[المحاق المشتعل]

مشكوووورييين وايد عالمعلومات

حد عنده فكره متى بتنزل في الوكاله وتقدير السعر بكم يمكن تنزل ؟

انا شفتها تنباع برع مستعمله اب 100 وشي 40 ألف وهي ماشيه 10000 كم

يعني معقوله جي غاليه بتكون ولا بيكون سعرها اقل

ومشكورين مرة ثانيه وماقصرتوا

[ذنـيـنـي]

هيه غالي سعرها

لأنها مش متوفره عند الوكيل و ما يحتاي اقولك عن استغلال اصحاب المعارض
الفيراري F430 المكشوفه سعرها في الوكالة اقل من 850 الف لكن السيارات الي على لائحة الانتظار بيتم تسلميها خلال سنتين على الاقل و لهذا السبب اصحاب المعارض يبيعونها بـ مليون و ميتين الف
يعني فوق الـ 300 الف درهم فايده في كل فيراري يبيعونها

لول الحين شو يخص الفيراري في موضوعنا !!
المهم حاول تتأكد من الوكالة، اذا بييبونها انتظر و اذا ما بييبونها شوفلك حد في امريكا عسب يطلبلك اياها من هناك

و اذا ما عندك حد هناك قولي و ان شاء الله ما بنقصر وياك يالمحاق

[صريح]

كان عند اربيعي خذااه اول ما طااح في معارض العوير اب 175 الف

لعنه فالبر ايام الشتاا فالفايه و على قص من القصوص الموتر
ضرب في حصا عود صوب الدفريشن اللي جدام و سار به الذيد و هو راد
من الذيد ع الخط التاير اللي جدام ع اليمين قفله عليه و هو يمشي و انجلب فيه
و تكنسل .. بس الحمد لله محد من اللي كانو فالسياره ياهم شي


سواقه حلوه و من ناهيه المكينه تراها ميكنه برادو و ما يحتاج امدحها
بس من ناحيه شكله موول ما دخل مزاجي تقول مكوك نازل من السماا خخخخ

و ما اتوقع الفطيم ينزلونه عدنا فالبلاد

[المحاق المشتعل]

الصراحه مكينة البرادو ماعليها كلام وايد قويه ماشالله

بس إلي يضحك اكثر انه اقوى قومه للباثفندر اتخيلو عاد

مشكور وايد يا اخويه ناصر والله ماقصرت وماتقصر وخيرك سابق دوم

انا مادري ليش عايبتني هاي السياره احس إلي امخرب شكلها بس السله إلي فوق

[المزوحي]

المحاق أحيانا تعيبنا سيارة وبمجرد ما نمتلكها نمل منها بسرعه، ويمكن هالموتر يكون من هالنوع

صح موتر قوي مثل ماذكروا الاخوان ... وانا شفتها أول مره في معرض في الشارجه والحين اشوفها

وايد .. لكن ماعندي خلفية عنها ...

في ناس هوايتها تجرب كل شي مايهم السعر لو نزل في اقل منه سنه وياخذون موتر غيره ..


http://www.toyota.com/fjcruiser/index.html

[شرجاوي]

ودانا السيح و ردانا حفاي ...

الغالي عندك البرادو .. قويه و زوينه .. و سعرها 127 الف .. و 119 الف عند ( دينا تريد ) ... البرادو اخير لك عن موتر وارد

[مايهزك ريح]

اشوف الجيب رنجلر أحلى << منو ياب طاري الجيب

[ذنـيـنـي]

نزلوها في الخليج بس ما ادري اذا وصلت عند الفطيم ولا بعدها
الاسبوع الي طاف سوولها حفل في وكاله قطر و عمان

[مايهزك ريح]

موجوده في الفطيم .. شفتها البارحه في معرض تويوتا اللي في شارع زايد ^_^ !!