[ بيـــت الواحـــات].. للتــسجـــيــل

**خيال الحب** · 09-07-07 ||, 02:37 AM

السلام عليكم ورحمة الله وبركاته..

حرصــا منــا نحــن اعضاء واحــات بن دبــي عــلى التـــواصـــل المستــــمر بين الاعضــاء.. والحــب والموده.. قررنـــا ان نضع بيـــن ايــديـــكـــم هذا الموضوع .. وهو بعنــوان" بيت الواحــات".. آملــين علــى ان يحوز علــى رضــاكــم وتفــاعــلــكــم معـــنــا..

فكــرة [ بيــت الواحـــات]:
مجمـــوعه من الاعــضاء .. كــل عضــو له دوره فــي البــيت.. ينقسمون الــى:
1-الجد والاجده
2-الاب والام
3- الابناء
4- الاعمام والعمات
5- الخوال والخالات
6- عيال العم والعمه
7- عيال الخال والخاله

[ على حسـب الاعضاء الي بيسجلون معــانا.. وكــل ما كثرو الاعضاء كثرت الوناسه وكبرت العايــله]

فكــرة البرنــامج بيت الواحات:
طبعـا بعد ما كل عضو يختار له شخـصيـه.. في اعضـاء ممــكن يكون دورهم ثانوي.. هذا لو هم حبو هالشي.. وفي اعضاء دورهم اساســي.. لكــل فرد من افراد البيــت انه ينزل موضوعــين[ اذا حب] او اكثــر..

مواضــيع البرنــامج:

كمــثال .. خيال الحــب الجد.. فموضوعه يكون عن قصــص جديــمه يحكيــها لعيال عيــاله فــي البــيت..

اتمنــى انه الفكره وصلت

يالله يا اعضاء يا حلوين .. كــل عضو يســجل يختار الشخــصية الي يبــغيها..

برعاية فريق عمل المفاجات

اخوكم بن الحــب

**ايه احبك** · 09-07-07 ||, 02:40 AM

خيال يعني كل احد يسولف في موضوع معين او انه يكتب موضوع بأكمله
اذا كان جيه تراني بختار مرت الولد XP

**خيال الحب** · 09-07-07 ||, 02:45 AM

كلنــا نسولف بموضوع واحـــد..

فمثـــلا انتــي مرت الولــد مثل ما قلتــي.. سويتي مجبوس دياي..

فتروحين واحة الماكولات وتكتبين كيف الطريــقه.. وتحطين الوصله في موضوع بيت الواحات

لو ما فهمتي علي قولي.. بوضحلج اكثر

بس ماشي مرت الولد خخخ اختاري شي ثاني لوول

**ايه احبك** · 09-07-07 ||, 02:49 AM

الحين فهمت بس دامها ما فيها مرت الولد ما بشارك

**خيال الحب** · 09-07-07 ||, 02:53 AM

ليــــــــــــش

**ايه احبك** · 09-07-07 ||, 02:55 AM

لني لوكنت مرت الولد بكتب في واحات المرأه الطرق الرئيسية لتعذيب الحماه XP

**عنود الريف** · 09-07-07 ||, 03:02 AM

مرحبا خيال الحب
اشحالك؟ حلوة والله فكرة بيت الواحات
لكن انا عندي استفسار واحد بس واااحد ما بزيد ....

لين متى بيستمر بيت الواحات؟ يعني اذا شاركت وياكم باليده لين متى لازم انزل مواضيع ؟؟؟
لين اخر المفاجآت ؟؟
اتمنى انك فهمت عليه ؟؟

والسمووحة منك

**خطايــا** · 09-07-07 ||, 03:06 AM

حلووه الفكره ... هممم بعدني اتشاور

**دموع قلم** · 09-07-07 ||, 05:37 AM

وعليـكم السـلام ورحمـة الله وبركـاته

فكــرة حلـوة منـك أخـوي خيـال الحــب ..
وعسـى الـواحات دوم تبقـى عائلـة وحـدة متحـابـة في الله ..

بالتـوفيــق ..

^_^

**خيال الحب** · 09-07-07 ||, 05:51 AM

ايييييه احبني

يوم اليهال خبلتي فيهم ما بتخبلين بالحماه

بس انا سجلت اسمج مافي شرده

عنود الريف

له له >>>شكلي انا راقد

وينج خيتووووو

وين هالغيبه كلها ما من شر

خلاص انتي اليده... مافي طلعه

بيت الواحات بيتم لين اخر المفاجات.. وع كيفج متى ما تبين تنزلين موضوع .. ع راحتج .. مب مغصوبه طال عمرج

خلاص سجلناج اليده

خطايا

لا خلاص انا سجلت اسمج مافي عندي اتشاور ولالا ما يخصني

دموع قلم:

لاتحاولين انتي بعد

انا سجلت اسمج كيفي كيفي

عسب نقولهم عندنا بنتنا متخرجه من الثانويه وبنسبه حلوه

>>> يعني انظمي ويانا ولا تخربين السيناريو

>> وهقتج صح

يلا وين الاعضاء

>>الساعه 6 الفجر منو واعي الحين خخخ

ابغي يوم انش اشووف الموضوع واصل الصفحه العاشرة

يلا نباا اعضاء.. صدقوني بيعيبكم بيت الواحات

فيه اشياء عجيــبه وغريــبه

صدقوني الي ما بيشارك بيندم

**ألم ترى** · 09-07-07 ||, 06:42 AM

بسم الله الرحمن الرحيم ..

هلا خوي ..

الله يعطيكم العافيه ع المجهود الطيب اللي يالسين تقدمونه لـ الأعضاء

..

يثبت لـ يتسنى لـ الأعضاء المرور عليه وكلي امل بأن يعطوه حقه ! ..

لي عوده بأذن المولى عز و جل ..

**أنامل قلب** · 09-07-07 ||, 11:57 AM

ما شاء الله .. أفكاركم يوم عن يوم تحلا وتبرق ..
وحلو هالحماس اللي عند الاعضاء بطرح كل يديد ومفيد بإطار مميز عن سابقه .. ^_^ ..

مثل ماقال أخوي ألم ترى ..
الله يعطيكم العافيه ع المجهود الطيب اللي يالسين تقدمونه لـ الأعضاء .. (( يعني لنا

))
ويزاك عنا كل خير أخوي ..

احترامي ..
والمعذرة .. !!