دكـان المسلسلات الكورية واليابانية والتايوانية ^_^

[طعون القلب]

مم عسب جيه اقولج لو بتكلم عن Matuso مابخلص .. لاني تقريبا قاريه عن كل شي .. انشالله شوي شوي بحط .

[ايه احبك]

اها انا دشيته مره بس ما فتحت لي اكونت بفتح لي

[ايه احبك]

تعالي شفتي دفل ؟؟

[طعون القلب]

ممم لازم تفتحين لج .. لانه هالموقع وااايد مهم .. اهم موقع عسب تعرفين احدث المسلسلات وااايد منظم غير جيه هو الموقع الرسمي لتنزيل المسلسلات .. ,وهو موصول بموقع wikiوبعدين ترا في Arab d-addicts Community وأغلب الاعضاء اللي يكتبون في هالـthread مال الإمارات :)

[طعون القلب]

وصلت الحلقة 18 .. انشالله باجر بشوف الباجي ... بقولج رااي فيه بعد ما أشوفه كامل ... خلاص تعبت بسير أشرب بيبسي وبعدين اضرب معجون وارقد .....

يالله Mata Ashta

[ايه احبك]

مته اشتا
رحت تشرب ببسي ويعدين تنام
لحظتو اموضوع عيل انا ليش اشرب حليب قبل لانام مب مفيد

[طعون القلب]

هلا توني ناشه ..

تشربين حليب ولا شاي وحليب... :)

انا الحين راااايقة وأشرب hot chocolate وبشوف devil beside you

Due Matta
::::::::::::::::

[عنود الريف]

هلااا
ما شاء الله عليكم .. انا ما الحق على الردووود
اول شي حصان طرواده .. هيه اعرف ان شي 1 TB بس ما اعتقد اني يحتاي اشتريه ..
ثاني شي البنات ...
طعووون اخر مسلسل ليامابي كان حلوو .. كمليه .. انا حسيت به حلو لكن ما توقعت هاي النهااايه ..

انا يالسه اكل كااافي .. حد يبااا ...؟؟؟

[وحي القلم]

عنود الريف

هيه أنا أبى

.
.

شو اسم المسلسل اللى طريتيه في ردج ؟؟

[طعون القلب]

حي القلم اسم المسلسل اللي يمثل فيه yamapi >>

Proposal Daisakusen

عنود الريف أنا أبا شو عندج من الكاكاو ,,, :)

[ايه احبك]

هلاااا والله صبايااااااااااااا
اسمييني مستخفه على هانا كمي نقعت من الضحك على نكوتبا ايجنننن
وايد يضحك بومباي شو قصته رومنسية اتضحك ولا ؟؟
عنود يا حياج الله ردي على واحد واحد عسب ما يصير عندج ازدحام
وحيوه شحالج

[طعون القلب]

شفت الحلقة الأخيرة من devil beside you وااايد حلووو المسلسل ..

arigatoo أيه أحبك .. لانج رشحتي لي هالمسلسل ...

[ايه احبك]

اي نووووو وايد اجنن خاصه مايكي
واي واي لف بعد نفس الأبطال والقصه حلوه
بس تحسين وايد متقاربين في القصه بس انا وايد شاكره لج لنج رشحتي هنا كامي ايجننننن

[طعون القلب]

وأخيراً .....



الأسم : Matsumoto Jun
الكنيات التي أشتهر بها ( وأغلبها فرقت آرشي اللي أطلقت عليه هالأسماء):
MatsuJun
Jun-Sama ومعناها الأمير Jun
King المللك وبتلاحظون أنه في أغلب الحفلات الجمهور يناديه بهالإسم.
تاريخ ميلاده : 30 أغسطس 1983
البرج : العذراء
مكان الميلاد : طوكيو –اليابان
عائلته : أب أم وأخت كبرى ( شفت صورة اخته لما كانت صغيره حلوووه)
فصيلة الدم : A
المهنة: مغني ممثل مقدم برامج وموديل.

هواياته وقت الفراغ: (سماع الموسيقى ومشاهدة الأفلام والتصوير والقراءة) ، وعلى فكرة هو دووم يحمل معاه الـ ipod وين مايروح حتى أثناء التصوير .. لانه يحب يسمع الموسيقى وقت الاستراحه. وبعد واايد يحب يقرا المانجا وهو من عشااق Hary potter من تنزل الرواية على طوول يقراها..

أفضل رياضه : البيسبل ..
الألوان المفضلة لديه : الأبيض والأسود والأزرق.

الفرقة التي ينتمي إليها: فرقة آرشي وهو آخر عضو انضم إليها وأصغرهم تقريبا عام 1999 كان أول ظهور له مع الفرقة التي تتألف من 5 أعضاء ويعتبر MatsuJun أجملهم وأوسهم وعنصر الجذب بالنسبة للكثير من الفتيات اللاتي أصبحوا من جمهور آرشي بسبب MatsuJunولهذا أطلق عليه jun-bait أي الطعم.

المؤسسة التي ينتمي إليها: Johnny's Entertainment لتحق بها عام 1996 وكان عمره 13 سنه تقريباً

في عام 2006 أصبح عضو في مجموعة غير رسمية لمؤسسة Johnny وألقوا على أنفسهم (No Border) وهي تتألف من أعضاء نفس المؤسسة ومنهم:Yamashita Tomohisa من فرقة News
Murakami Shingo من فرقةKaniani8
Satou Asuhiro & Ikuta Toma من Johnny's Junior's
Domoto Koichi من Kinki Kids
Yamaguchi Tatsuya من فرقة Tokio

ويأتي تأسيس هالمجموعة عسب يكسرون الجواجز بين بعضهم ويحسون أكثر تحرر وأقوى ترابط وخاصة أنهم كلهم ضمن مؤسسة وحدة .. فعسب جيه حبوا يأسسون شي خارج عن حدود الفرق اللي ينتمون لها.

حقائق عنه:-

*عنده قصر نظر .. ولهذا هو يلبس العدسات اللاصقة أثناء العمل ولكنه يلبس النظارات خارج إطار العمل.

*في صغره كان يتميز بأسنانه buckteeth ويمكن مشاهده ذلك في أول مسلسلاته مثل Gokusen وصوره عندما كان مراهق ..ولكنها بالرغم من ذلك أعطته جمال وتميز .. بعدين سوا لهم تعديل.

*في صغره تعرض لحادث عندما كان في الصف الثاني .. لانه كان يلحق الحافلة ويطرق خلفها ولكنه جرح فاسرعت سيارة الإسعاف لنقله للمستشفى ولكنه لم يصب بأذى إلا انه ظل يعتذر عن تصرفه هذا لعمه.

** معروف عنه بسرعه يتضايق إذا احد امسكه أو لمسه ..( وإذا شفتوا لقاءات له بتحسون بهل الشي إذا أحد حط أيده على كتف Jun لاشعوريا بشلها أو بتلاحظون شوي ويهه يتغير .

** هو من الأشخاص الذين صعب واايد يكونون صداقات يديده ولكنه يحافظ على صداقاته ويعتبر الصداقة شي مقدس.
** واايد يحب فرقته وأعضاءها ويعتبرهم من المقربين له ويحرص على انه أعضاء الفرقه مايتفرقون فإذا استوا خلاف بتحصلونه اول وااحد يبحث عن الصلح.. وإذا أي احد سأله عن نفسة يحب واايد يعرف نفسه انه من أعضاء فرقة آرشي .
** ذكي ويعمل بضمير وفالعمل يحب يخلق جو من المرح لكن يدقق على كل شي عسب يطلع العمل على أكمل وجه.

** وقته أغلبه يقضيه فالعمل والملاحظ أن أغلب يومه يكون مزحوم بالشغل ( ماشالله ما أدري كيف يلحق على كل هذا) مثلا يكون عنده تصويرمسلسل وبعده برنامج فالإذاعه وتدريبات الفرقة وتصوير إعلانات وهو طبعه يحب العمل.
** من المعروف عنه وااايد يحب يغيير استايله .. وخصه قصة شعره .. فمره يطوله ومره يقصره ومره يسويه momo ،curly perm ومره يطوله شرات البنات .. لانه يحب يهتم بمظهره ويحب يجدد من شكله ..( فكل الأحوال يجنن).

أهم أعماله :-

Bokura no yuuki 1997* ودوره كان عادي

Kindaichi shonen no Jikemo 3 2001* وشخصيته اوكيك

Gokussen 2002* طبعاً اهنه كل من شاف هالمسلسل تخبل عليه تمثيله كان عجيييييب واتقانه وحركاته كانت فظيعه .. قام بدور Sawada Shin ومن هنا أقدر أقول نجوميته بدأت واثنوا عليه النقاد كونه عاش الدور وقدمه بأفضل مايمكن واللي شافت المسلسل سوف تدرك انه ماكان يتكلم واايد بقدر ماكانت ردود أفعاله تعابير ويهه كان له تأثير كبير.. وبعد في نقطة كان شكله يجنن وقصت شعره فظيعه.. علشان جيه أغلب الfans حبوه من هذا الدور اللي كان بداية الانتقال للنجومية.

Kimi wa Petto 2003* قام بدور Takeshi ومسلسل حلو وقام بدور البطولة فيه لكن القصة مب واايد عيبتني.

Hana youri Dangi 2005* هل المسلسل كان تحدي بالنسبة لMatsu كون الدور اللي قام به يختلف تماما عن شخصيته وعن أدواره السابقة، واشتغل وااااايد على عمره لانه أراد أن يثبت جدارته فهالمسلسل وغير جيه حب القصة كونها أخذت من الانمي الشهير اللي اشتهر فالبلدان الآسيويه، وأغلبكم شاهد هالدراما الأكثر من رائعه .. وبالفعل شخصيته وقيامه بالدور كانا أكثر من رائعين وبالرغم من انه يكره العنف في حياته العامه إلا انه قدر يتقمص الشخصية ويعطيها رونق خاص.. وهو كان وااايد مستانس أنه ادى هالدراما ومستانس واايد من فريق العمل والجو اللي اشتغلوا فيه .. بصرااحه أنا لما شفت هالدراما وشفت تمثيله ماصدقت انه انسان جيه يمثل صدق عجيب والمخرج كان رائع لانه يفكر في أدق التفاصيل، فمن هنا عرفت الفرق بين تمثيل الآسيوين والبقية . ( اللي ماشافت المسلسل نصيحه لاتفوته عليها) .

*والجزء الثاني من المسلسل كان عام 2006 وبعد كان رائعاً جداً والنهايه حلوه .. وزاد حلاه فهالجزء إلا انني أفضل تمثيله في الجزؤ الأول..

Bambino 2007* قام بدور Ban chogoمسلسل حلوو وخفيف لكنه عباره عن الحياة العادية والعمليه ومافيه رومنس لكن طريقة العرض والاخراج كانت حلوووه واايد والممثلين ادوا أدوارهم على اكمل وجه ولكن يمي يمي كنت دوووم لما أشوف المسلسل أشتهي الباستا الإيطاليه ..وتمثيل بطلنا كالعادة Top

أجمل الأفلام التي مثل فيها :-

Tokyo tower 2004 فيلم جميل.

Yonimo Kimyouna Monogatari 2006* ما شفته لكن اتوقع يكون حلووو

Boku wa Imoto Koi o Surn 2007* فيلم رومنسي واااايد حلووو والأجواء والتصوير روووعه ومؤخوذ من الأنمي الذي يحمل نفس الإسم، وهو معناه I'm in love with my Younger sister فاحداث القصة تدور حول الحب الممنوع كونهم توأم لكن الفيلم وااايد حلوو شفت لقطات من الفيلم واتريه ينزلونه علىا النت بالرغم من انه نزل في دور العرض فاليابان من شهر يناير 2007 .

Kiiroi Namida 2007* معناه yellow Tears هل الفيلم انا وااايد متحمسة أشوفه لانه اللي يمثلون فيه أعضاء فرقة آرشي وقصته بسيطه تتناول حياة الأفراد في الستينات.. شفت المؤتمر الصحفي ولقطات من المسلسل وأظن انعرض في دور السنما اليابانيه في يوليو .. لكن جد أشكالهم متغيره فهل الفيلم خصه بطلنا MatsuJun

أهم الجوائز التي حصل عليها:-

*أفضل ممثل مساعد عن دوره في مسلسل Gokusen 2002
*أفضل ممثل مساعد عن دوره في مسلسل Hana Youri Dango 2005 والبعض بستغرب ليش مب أفضل ممثل، اللي حصلت على جائزة أفضل ممثلة هي البطله اللي قامت بدور ماكينو ( Inoue Mao) وذلك لان شركتها هي اللي انتجت المسلسل فالجائزة تروح لها.
*وحصل على جائزة أفضل ممثل عن دوره في مسلسل2007 Bambino!

***وكان أول شخصية يابانية تظهر على غلاف المجلة المشهورة Marie Claire ..











يتبع ... الحين تكلمنا عن حياته بشكل عام .. انشالله فالاجزاء الثانية بنفصل ..

[ايه احبك]

الفرقة التي ينتمي إليها: فرقة آرشي وهو آخر عضو انضم إليها وأصغرهم تقريبا عام 1999 كان أول ظهور له مع الفرقة التي تتألف من 5 أعضاء ويعتبر MatsuJun أجملهم وأوسهم وعنصر الجذب بالنسبة للكثير من الفتيات اللاتي أصبحوا من جمهور آرشي بسبب MatsuJunولهذا أطلق عليه jun-bait أي الطعم. ---- هذا شي اكيد اكيد
*في صغره كان يتميز بأسنانه buckteeth --- يالبي


** معروف عنه بسرعه يتضايق إذا احد امسكه أو لمسه ..( وإذا شفتوا لقاءات له بتحسون بهل الشي إذا أحد حط أيده على كتف Jun لاشعوريا بشلها أو بتلاحظون شوي ويهه يتغير . ---- لوووول عندنا شي مشترك فديته نفس الطبع فيني اسألوا حتى تحفوه

* واايد يحب فرقته وأعضاءها ويعتبرهم من المقربين له ويحرص على انه أعضاء الفرقه مايتفرقون فإذا استوا خلاف بتحصلونه اول وااحد يبحث عن الصلح.. وإذا أي احد سأله عن نفسة يحب واايد يعرف نفسه انه من أعضاء فرقة آرشي . --- اكيد لنه طيبته بحر فديته
( فكل الأحوال يجنن).-- توتلي صح
Gokussen 2002 -- انا بعد استخفيت عليه وتقريبا نفس الشخصيه كانت في هنا

Kimi wa Petto 2003 -- انا دوره ما عيبني ولا القصه ولا البطله حتى شفت كمن حلقه وما كملته
فمن هنا عرفت الفرق بين تمثيل الآسيوين والبقية--- صح والله وانا اشهد


Bambino --- هذا في الويتنغ لست
ما كنت اعرف انه مسوي افلام بيلس اطالعهم
وبنسبه للجوائو هو يستهل انه يحصل افضل ممثل في العالم كله فديته
تسلم الأيدي ونا متابعه وياج

لا خلى ولا عدم يا طعون ^_^