دكـان المسلسلات الكورية واليابانية والتايوانية ^_^

[ايه احبك]

لووول الصفحه ويسيعه ماشالله
ما قدرت اقرى عدل
اني وي
في واحد يطنز علينا هني
طعون
فديتج مشكوره وما قصرتي على الشرح انا ما انزل لني استخدم وير لس يعني
بيخذ سنه ونص لين ما ينزل لي مسلسل كامل وانا ما احب اتريا
طبعا بنسبة لسؤوالج انا احب فرقة ارشي الي فيها ممثل هنا يوري دنغوو
نسيت اسمه والله
واحب المغني الكوري باي رين بس
بنسبة للحريم احب اتويمي هاي يابانيه
والي غنة بلتريم الخاصه بمسلسل هنا يوري دنغوو
والي ممثله والمغنيه التايوانيه اعشقها من قلبي الي مثلة في مسلسل ديفل بسايد يوو
اذا ما شفتيه انصحج اتشوفينه غناتي من اروع ما شفت والله
ومشكوره الغلا على الشرح مره ثانيه ما عليج من المنصوري تراه يغار منا

[طعون القلب]

عرفته Matsumoto jun .. هذا من أفضل الممثلين والمغنين عندي من فرقة Arashi .. تراني من Matsumoto Fans

أخر مسلسل له كان Bambino! >> شفته حلووو واتابع كل شي عن هل الممثل .. وصوته عجيب

Otsuka Ai المغنية اليابانية انا بعد اتعيبني.. وعندي اغنيتها ..


خلاص بتابعه .. DEVIL BESID YOU

ههه بالنسبة للمنصوري ... لاعادي يحرك الموضوع ويضفي لمسته

يالله etagroo

[ايه احبك]

تعرفين من متى ما شفت مسلسلات
يمكن بكمل شهر
والله اشتقت للمسلسلات المهم حطو لستات الحين وبتابعهم بعدين يوم ببتتدي الكليه

[طعون القلب]

اها ... انتي تحبين توصلج المسلسلات زاهبة :) عسب جيه ماترومين تتريين ..

العكس أنا احب اشوف احدث المسلسلات عسب اتريه الحلقة من أسبوع لاسبوع أعصابي cool ههه ..

[ايه احبك]

ادري هزيه XP

[طعون القلب]

أيه احبك .. انا بعد الحين الدولة اليابان .. nihano Diskida ( أحب الياباان )

مم هيه بغيت أسالج عادي احط profile مبسط عن بعض الممثلين الآسيوين فالموضوع :):)

[ايه احبك]

هيه فديتج حطي خله نتعلم ونحن نحط بعدين
هذا دكان يعني في كل شي عنهم

[جيز كيك سنيكرز]

ايه احبك .. كنت كاتبه رد وين سار ما ادري الصفحه فيها *****

طعون القلب .. عندج بروكسي ؟ صــح

الســـموحــه

[ايه احبك]

عن شو جيز

[عـذابـي]

انا أحب المسلسلات الكوريه واليابانيه وايد ^_^ ,ا شفت Tokyo Juliet ,وشفت بعد my girl بس اكثر شي عيبني هانايوري دانقو 1 و2
استفدت منج يا طعون في الشرح ^_^ ثانكس

[ايه احبك]

o ba3ad 3athabi sho mn maslasat shaftee '3eerhom

[طعون القلب]

لا ماعندي بروكسي ... إذا قصدج عن الموقع محظور من قبل الاتصالات ترا شرحت الطريقة لقرموشة كيف تروم تنزل حتى لو الموقع محظور ... جربي طريقتي... :)

اوكيك أيه أحبك انشالله بحط لج عن الممثلين يباله ترتيب :)

[ايه احبك]

يالله فديتج نتريا ^_^

[طعون القلب]

Tadima

Tomoya Nagase



الأسم : Nagase Tomoya
المهنة: ممثل ومغني ومقدم برامج وعارض أزياء
الفرقة: JPop Group TOKIO
العمر : مواليد 7 نوفمبر 1978
فصيلة الدم : O
الطول : 184 سم

أهم أعماله بذكر المسلسلات فقط ( وبظلل أفضلها)

Utahime 2007
My Boss My Hero 2006 وااايد حلو وفكاهي يعني بتضحكون خصة الحلقة الأولى
Hakusen Nagashi 2005 أكثر من رائع وااايد احب هالمسلسل له نكهة خاصة ..
Tiger & Dragon 2005 يمدحونه وااايد
Akechi Kogorou 2005
Otouto 2004
Kanojo ga Shinjyatta 2004
Hakusen Nagashi 2003
Futari 2003)
Mukodono 2003 هذي النسخة الثانيه لنفس المسلسل لكن مع اختلاف بسيط روووعه المسلسل واايد بعيبكم لكن النسخة الأولى مال 2001 أحلى ( انشالله بعدين بحط brief عنه)
Yan Papa 2002 وااو جميل جدا ويتمكلم عن الجو الأسري ... عيبتني واايد شخصيته فهالمسلسل
Big Money 2002
Handoku 2001 يمدحونه
Hakusen Nagashi 2001 ممم
Mukodono! 2001 النسخة الأولى .. لاتفوتون هالمسلسل
Ikebukuro West Gate Park 2000
Sea Side Love 1999
Hakusen Nagashi 1999 مم
Ringu Saishusho 1999
Love And Eros 1998 يمدحونه
Days 1998
Hakusen Nagashi 1997 مم
D×D , 1997
Fuzoroi no Ringotachi 4 1997
Ryoma ga Yuku 1997
Dear Woman 1996
Hakusen Nagashi 1996 مم شخصيته وااايد كانت تعيبني وشكله وااايد حلووو
Koibito Yo 1995
Kakeochi no Susume 1995
Saikou no Kataomoi 1995
Ari yo Saraba 1994
Twins Kyoshi 1993


** اللي ملون بالأزق هااي سلسلة من المسلسل من عام 1996 إلى 2005 كالتالي:
10 حلقات عام 1996
حلقة واحده لكن طويلة عام 1997
حلقة واحدة طويلة عام 1999
حلقة واحدة طويله عام 2001
حلقة واحده طويله عام 2003
الحلقة الأخيرة واحدة وطويلة عام 2005

.. مسلسل جدا راائع والمميز أن جميع الممثلين الرئيسين مثلوا المسلسل من بدايته لين نهايته .. يعني أحيد لما مثل الممثل Nagase كان عمره 17 ولما انهى المسلسل كان عمره 26 تقريبا .. وهذا الشي أضاف للمسلسل المصداقية الشفافة كون جميع الممثلين شهدنا التغيرات التي طرأت عليهم وكانن نعيش وياهم .. خاصة أن المسلسل يعد من النوع الرومنسي ذا الطابع البطئ والقديم.

كنت بنصحكم اتشوفونه لكن للأسف مستحيل تحصول كل الحلقات أقصى شي 8 حلقات مال 1996 يعني مافيه فايده ( الحمدلله اني شفت النهاية)

أما المسلسلات الثانية اللي لونتها بالبرتقالي فنصها بتحصولنها عالنت .. وجدا جميلة .. لان تمثيله وااااايد حلو .. ( كفاية انه جميل جدا )

ومن الإشاعات اللي انتشرت عنه انه يعتزم الزواج من المغنية المشهورة الجميله ( عنده ذوق فالاختيار والله ) ( اللي انا حاطه صورتها ) على نهاية السنه .. كون علاقتهم استمرة أكثر من 7 سنوات ..





وحصل على جوائز أفضل ممثل عن مسلسل Tiger & Dragon 2005 إضافة إلى جوائز أخرى ..

وبالنسبة لتكوين الفرقة ... السالفة طويلة ما أروم أقولها ( لكن إذا احد مهتم بفرقة طوكيو ولا يسمع لها ممكن أكتب لكن احس محد يعرفها اهنه .. فمايحتاي أكتب عنها وكيف انضم لها واسسها .. )

( عندي وااايد صور له ) لكن بحط كمن صوره :










اتمنى أني اضفت شي .. وهااي نبذه بسيطه عنه ..واي استفسار انا حاضرة تراني من الNagase fans

تحياتي
طعون

[ايه احبك]

الله جميــــــــــــــــــــــ ـــــــلل
غربله الله محلاته
بس خطيبته مب لهنك شكلها دفشه
طعون حبيبتي يبي غيره ^_^