السلام عليكم
قلق.. توتر
.. فرح
.. حزن
.. دمووع
هتافات.. عصبية
.. صدمة
.. رضا
تفاؤل,, تشاؤم
,, خيبة
,, ترقب
هكذا هي حال تلك الوجوه المتابعة لــ مسارات تلك الكرة الصغيرة
التي تلعب بها الأرجل لتلعب هي بدورها بأعصاب أصحاب الوجوه
لــ تترجم بــ هتافات و نداءات و كلمات صادقة
تدل على صدق المشاعر التي يكنه هذا الــلــ هذا النادي
.
.
فلنتعرف على تلك المشاعر الصادرة من الــ
و تلك المشاعر التي انرسمت على الوجوه الواحاتية
فــ لنبدأها بالرضا و الفرح مع
بو زايد () : ذكرونا بالوصل أيام زمان
الوصل 2007 غير
مش بس في كرة القدم
[سلة وطايرة ويد و العاب قوى وكراتيه ,,, الخ
هــالسنة ماشالله عليهم محد قصر منهم
اول الشي التوفيج من رب العالمين الحمدالله
ثاني شي الروح اللي شفناها عند اللاعبين في المعسكر من قبل ما يبدا الدوري الكل أصر على بطولة هـالسنة والحمدالله حققنا بطولتين
ثالث شي الدعم اللا محدود سواء كان معنوي او مادي من رئيس النادي و نائبه الله يحفظهم
رابع شي جماهير الوصل
خامس شي نحن كنا نجهز لفريق شرات هذا من زمان وكان لازم يظهر الفريق بعد 3 سنوات بس الحمدالله انه البطولة تحققت على ايديهم
و هذا الفريق اللي كنا نترياه
سادس شي المدرب زوماريو
يتميز بالحنكة ويدرس كل مباراة و يعرف مسببات الفوز
والخطه اللي يوضعها للاعبين يكون دارسنها عدل
ولو تلاحظون انه حتى لو كان خسران الوصل ف يالشوط الأول يجري تبديلاته الناجحة ليعدل مسار المباراة
وفي رايي الشخصي المتواضع انه احسن مدرب بالامارات هـالموسم
سابع شي الادارة المتميزة
ثامن شي الاعبين الاجانب اللي كانوا من احسن الاجانب بالدولة
انددرسون طبعا كان هداف الموسم مناصفة مع لاعب الشعب
واوليفيرا لاعب سريع ومهارته عاليةوالحمدالله توفقنا وياهم
طبعا وايد مباريات للوصل عيبتني بس مباراة الوصل و الجزيرة عيبتني اكثر شي
يوم كنا متعادلين وفي آخر دقيقة يبنا الفوز
أكثر مباراة خلتني أعصب مباراتنا مع العين في الدور الثاني
ما ادري الفوز كان بايدنا بس ضيعناه
الموقف اللي اتذكره دايما و شفته هــالموسم هو يوم خسر الوصل من الشعب
عندي عيال خالي واحد عمره 7 سنوات وواحد عمره 10 يوم خسرنا كانوا يصيحون
فشفت في عيونهم حب الوصل وأتوقع انهم بيصيرون لاعبين جيدين بالمستقبل اتمنالهم التوفيق
احتفلنا بالفوز مع رئيس النادي و الشيوخ و اللاعبين
و شاركناهم بالمسيرة اللي صارت
واحتفلنا ويا الاهل بعد
كانت فرحة ما توصف والله يعيد الفرح عليها كل سنة وكل حول ان شالله
..................
هزايم (): رأيي بالوصل هـالموسم جدا تغير عن الأيام الماضية.. صحيح اني اتابع مباريات لكن عمري ما حفظت اسامي لاعبين "1" .. ولا شجعت نادي اماراتي "2"..
الموسم اللي طاف الوصل كان على وشك انه ينزل درجه ثانية .. لكن هــالموسم كشر على أنيابه و ضرب أقوالي الجديمة عرض الحائط
الوصل نهض وانتعش وحضن الكاس و الدرع
فــأكيد نحيييه
يقولون سبب الفوز الفلوس اللي رويت النفوس .. اسولف " اشاعة ياناس ولا تصدقون كل ما يقال"
سبب الفوز بالثنائية :
- قيادة أصحاب السمو للنادي .. وخاصة انضمام فئة الشباب لها اظني كان له الدور في انتعاش النادي
- الادارة المتعاونة مع اللاعبين فهم المحرك للنادي
- الطيحة اللي طاحوا بها العام الماضي صحتهم
- الجمهور الوفي
- الحارس =)
- التعاون ما بين اللعيبة
و اللاعبين الأجانب لهم دور بالنادي أكيد " دافعين لهم على ماميش لووولز" بس اكيد لولا تعاون عيال البلاد
ماكان بنجوف اقوال اوليفيرا و اندرسون
" وييييو حافظة اساميهم من رقصتهم لووولز .. من اقوالهم يا اخوان"
و المدرب .. تركييز تفكيير تكتييك تطبييق وفرحة تعم الجميع
اكثر المباريات اللي عيبتني
العين و الوصل .. الوحدة و الوصل .. ودبي والوصل
واكثر مباراة نرفزتني
مباراة دبي والوصل يوم هدف دبي بالدقيقة الثانية
احتفلت بالفوز في البيت مع الأبو "رغم انه أهلاوي يفشلني وييو"اهداني هديه"لوولز يتحراني لاعب من اللعيبه"
والأم وربيعتها"لأنهم كانوا بالبيت يوم المباراه النهائيه"
لووولز حبيتهم يوم باركولي حسيت عمري كانه ام يوزت ولدها وخخخ
اممم ومن الواقف اللي مرت وياي هــ الموسم
بالجامعه يوم اتلاقى مع ربيعتي الوصلاويه ننسى عمارنا ونتحمس واتينا إللي تشتغل بالمكتبه وتحرج وييو
وامسات ربيعتي تمت تقرصني جدام هالإنسانه عسب مااصارخ وتسألني :الموسم الياي ويا من؟اقولها ويا الحكم خلاص مانبغي الوصل ما الأول وهي معصبه وانا متعوره من قرصتها
.......
عديم الشوق :
والله الوصلاويه ما عليهم كلام
ما اتوقعتهم بيبون الكاس و الدوري مع بعض
بس الحمدلله بفضل الله ثم بفضل اللعيبه اللي بذلو جهدهم
يابو الكاس و الدوري
واللي ساعد اللعيبه 100% الجماهير وحلييلهم ^__^
و من ناحية الأجانب اكثر واحد يعيبني من حيث اللعب (أولي فيرا)
و من ثم اندرسون (ما يعيبني واايد)
المدرب ما شاء الله علييه وحشخخخخخخخ
والله وااااايد اوكي الصراحه حسيت إنه أحسن مدرب يابوه للوصل
اكثر امباراه عيبتني اخر مباراة مع الوحده ^_^ اكثر مباراة اثارت
اعصابي مع الشعب (يوم فازو علينا 5 شي جي )
واحتفلنه بالفوز باقامة مسيرة حول الممزر'
...............
و مازلنا مستميرين مع باقي الجماهي
رد مع اقتباس
): قالو وحداوي قلت من قده 
لول
مواقع النشر (المفضلة)