بتحسنون الظن ولا .. !!

[أنامل قلب]

عدنا مع اختنا الطيبه وحي القلم ..

[ كلامج مقنع

لانه أكيد إذا رديتي (( إساءة غيرج بالإحسان ))

بيكون لتصرفج هذا أثر كبير في نفسه

و لو رد غلط عليج مره ثانيه

مستحيل يكون مرتاح (( في قرارة نفسه )) و راضي 100% .. و لو ما بين لج هالشي

نعم .. وهذا هو القمقصود .. ^_^ ..

.
.

بس بعد هذا ما يمنع انج تنتبهين له أكثر فالمرات اللى عقب

يعني لو حتى كنتي تحسنين الظن فيه لازم تكونين حذره .. بدون ما تحسسينه طبعا

اممم .. مثل ما سبق وقلت بردي الطويل العريض على اختنا العزيزه هزايم .. ومثل ماقلت لأخونا الكريم الثعلب الرمادي .. !!

الأشخاص الذين لديهم حسن ظن كامل دون أي تحفظات أو شك ليسوا أكثر من أطفال كبار

في دوامة الحياة و هم عرضة للاستغلال طوال الوقت.

التحفظات موجوده أكان بمفهوم حسن الظن أم غيره ..
والشك أمر لا بد منه ان كان القلب مكترثا محبا لغيره ..
ومهما كان .. فلا بد من عقل منفتح مدبر .. وقلب صافي محكم ..
وإن كان المظهر طفوليا للعيان .. !!

مو يعني إن نحن نحسن الظن بالناس بنكون غافلين ولا من الصنف الساذج كما يصف البعض ..
ولكن احيانا يكون العقل أكبر من إن يفكر بإساءة الظن ..
والحذر أمر مطلوب بكل شي مب إلا اهني ..
فاهمه قصدج اختي ..
وأوافقج عليه لو كان القصد والغايه والمعنى اللي وصلني نفسه اللي احتواه فكرج اختي .. !!

.
.

مب مشكله ردي على اللى ردوا قبلي .. أنا بتريا دوري

كاني رديت على اللي ردو قبل .. ولو إن ردي كان متأخر ..
بس ماعليه عذروني لأني مشغوله هالأيام .. !!

حياج الرحمن بأي وقت اختي الطيبة ..
وسعدت جدا بهذا النقاش الهاديء معك ..
امتناني .. والسموحه .. !! ]

[أنامل قلب]

ما شاء الله .. اختنا الكريمه عنود الريف شرفت بمتصفحي المتواضع ..
أسعدتني بمرورك ولقائي الأول بك بهذا الطرح .. أسعد الرحمن قلبك .. ^_^ ..

[ اختي الغاليه ..
انا اقرى الموضوع وعقلي اشتغل أفكار وموااقف واسئلة
حسيييييت ان عقلي كله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ علامات استفهام
ما جد فكرت هل انا احسن الظن والا لاا
مرات احسن الظن من دون ما احط في بالي اني احسنت الظن بهالشخص
ومرات اسيء الظن واتلوم ولكن ما اربط الاشياء ببعضها
بس موضووووووووعج خلاااني افكر الحين .. واحس الحين كل ما يمر عليه موقف فيه ظن بربطه بالموضوع وبحسن الظن في البداايه طبعا...
احس انج وعيتي شي في داخلي عن شي يمكن كان راقد والا ميت ما ادري في داخلي
اشكرج الغاليه ]

مثل ماقلت لاختي الطيبه هزايم ..
آنا اللي يفترض بي إني أشكركم مب العكس .. لأن انتو من ساعد بالنقاش ولولاكم لما كان هناك نقاش من الأساس ..
وعن مفهوم حسن الظن .. فلو مريتي عنقاشي مع الاعضاء عشان يوصل المعنى + القصد + الغايه ..
يكون أحسن وأفيد .. ^_^ ..

:

أدري ان كثر من يعارضني بكثير من المحال ..
وأدري ان كلامي مو سهل وحسن الظن سمه طيبه مو أي أحد يملكها بالشكل الكامل والمطلوب ..
لكن بغيت أخلي الموضوع كالدفعه لي ولكل من مر وبيمر على هذا المتصفح ..
والأمر مو مقصور على حسن الظن وحسب ..
بل هو مرتبط بمدى صفاء قلب الشخص نفسه .. مدى ادراكه ووعيه وثقل عقله ..
يعلم بعواقب الأمور .. ومعنى كل رد فعل يملكه .. قبل أن يطلقه ..
وما إن كان بإطلاقه سيفيد أم العكس .. والخ من مفاهيم ومصطلحات ومفاهيم وأفكار تندرج هنا ..

ولكل منا وجهة نظره واسلوبه بالتعامل وما يراه صحيحا والعكس ..
ويظل الرحمن وما أنزل علينا من الكتاب والحكمة ..
وسنة حبيبنا المصطفة عليه الصلاة والسلام ..
مرجع لا يعدله مرجع .. !!

:

احترامي وتقديري الخالصين لشخصك الطيب ..
كما أكرر شكري لهذا المرور الحسن ..

والسموحه .. !!