بتحسنون الظن ولا .. !!

[أنامل قلب]

اسمحولي برد على اختي وحي القلم قبل ..
لأن تعقيبها الثاني مجرد استفسار سريع ..
وعقب بكمل عباقي الردود السابقه ..

.

يعني انتي تشوفين انه كل الناس يستاهلون حسن الظن و لو حتى (( ردوا الإحسان بالإساءة ؟؟ ))

ما فهمت هالنقطه ممكن توضحينها أكثر .. لو سمحتي يعني

أول شي شطوره احم .. !

أحب اللي يحطون استفسار لأي شي ماقتنعو فيه ولا مافهموه ..

مب يسايرون الطرف الثاني ومن الصوب الثاني طنش تعش .. ^_^ ..

اممم .. حبابة ..
بكتفي بعرض آية .. وان شاء الله توصلج الاجابة بشكل اوضح من خلالها ..

قال الرحمن جل شانه ..
(( ولا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم )) .. فصلت

:

اختي احسانج للي أساء لج أقوى رد ممكن تواجهين به هذا الصنف من الناس ..
وردج الطيب اهني بيكون سبب كافي لجعل من أساء لج يحس بوخز فعله ..
واحتمال كبير جدا انه يحس بخطئه .. ويصطلب بطيبة قلب ..

ربنا تعالى وصانا بهالشي بكتابه ..
وصفاء القلب شغله نحتاجها .. سواء لذاتنا ولا لغيرنا ..

وبعدين بالكفة الثانية لو فكرتي فيها من منطلق ثاني ..
اذا قابلتي المعني بسوء ظن واساءة (( بعد مارد احسانج باساءة )) .. شو بيكون رده غير اساءة اكبر واقتناع أعمق بفعله ..
فيكون فعلج اهني سبب في زيادة الطين بله كما بقال ..
والعكس اذا قابلتي (( من رد الاحسان بإساءة )) برد فعل طيب وصادق منج .. ما بتخسرين شي أبد ..
بالعكس طبعا .. بتكسبين احترام ذاتج لنفسج وغيرج لج ..
واحتمال كبير انج تكونين سبب في صلاح حال غيرج .. !

مادري اذا وصلج المعنى .. ان شاء الله ..
وتراني أنطر منج أي استفسار عن أي شي ماستوعبتيه .. ولا لقيتيه خاطيء ..
يمكن يكون رايج أسلم بمحل ما ..
وتقنعيني بشي ماكنت حاطته ابـ بالي ..
وحياج الله بأي وقت .. ^_^ ..

احترامي الدائم لشخصج ..
وودي الدائم لكيانج ..

:

لي عوده للردود السابقه ..
والمعذرة عالقصور والتأخر بالرد .. !