ما هي فكرتك عن مفهوم حسن الظن .. وأخذ الحيطه والبعد عن الوقوع ببركة السذاجة .. وأين محلك من الاعراب به ..

أتصور أنه حسن الظن شي أساسي تعتمد عليه علاقتي ابـ باجي الناس

لانه اللى يتصف بهالصفه يكسب احترام اللى يتعامل وياهم

بس المشكله إذا كنتي بتحسنين الظن بناس ما يقدرونج

و عن وحي القلم .. صادفتني وايد مواقف حسيت عقبها أني كنت غلطانه يوم ((أحسنت الظن بهالاشخاص))

لانه شي منهم يمكن يعتبرونها سذاجه و يستغلونج من هالناحيه (( للأسف ))

.
.

أفعلا يجب تقديمه دائما (( حسن الظن )) أم الأمر عندكم وكما يقال (( على حسب )) .. ووضح رأيك ..

المفروض (( نقدم حسن الظن دائما ً ))

لين ما نشوف شي يخلينا نغير هالنظره

لانه إذا كنا بنسيء الظن فالناس

بنخسر احترام اللى انظلموا باسلوبنا

و فنفس الوقت ما أتصور انه اللى يكون هذا أسلوبه بيعيش مرتاح بدون ما يأنبه ضميره

.
.

كيف توازن بين حسن الظن بالناس .. وعدمه .. ومتى تقدم هذا على ذاك ..

عني.. أجدم حسن الظن دوم لين ما أشوف شي يخليني أغير رايي

بس مادري إذا هالشي صح ولا غلط

.
.

بنظرك .. كيف تتخيل نفس المتصف بحسن الظن .. وكيف ترى بالمقابل من نزع هذا المفهوم من قاموس حياته .. !

هذا جوابه شرات السؤال الثاني

اللى يتصف بحسن الظن يكون مرتاح أكثر عن اللى ما يتصف بهالشي

لانه ما بيحس بتأنيب الضمير يوم بيسيء الظن بالناس

لكنه إذا أحسن الظن بناس ما يستاهلون

فـ أكيد أنه بيتندم بعدين