1_ هل انت تفعل ما تقوله هنا بالمنتدى ؟
نعم .. كما فهمت السؤال ..
بالعكس وجه إلي انتقاد بإني آخذ راحتي زياده عن اللزوم بطبيعتي !
2_ اعتذار تريد ان تقدمه لمن ؟
لكل من زعل أو تضايق من قول ولا فعل صدر عني من غير قصد ..
فلا يمكن أن أقصد أذية أحد بالطبع .. + لكل من لم أستطع تنفيذ طلب له .. !
3_ ما ردة فعلك عندما يقول لك حبيبك : أحبك نعم أتزوجك لا ؟
بالعاده بحكم مجتمعنا ودينا فالحبيب بنظري لا يكون إلا بعد الزواج .. ويكون هو نفسه زوجها ..
تتعلم ان تحبه لاختياره لها .. ومابه من من طيب دفعته لقبوله .. !
4_ ماذا ستكتب لنا لتعبر عن حياتك التي عشتها الى الان في كلمات قليله ؟
حياة مليئة بتجارب عدة .. فوق مايتصور البعض ..
علمتني كيف أهتم بنفس الشخص دون الالتهاء بكساء ساتر وواقي يحمله ..
ويمكن لذلك .. أجد الكم الذي يشغل فكري من مقتطفات اقتنيتها من اعماق غيري .. هائلة .. !
5_ اذا اردت ان تبكي الان , فعلى من تبكي ؟
على نفسي .. !
6_ من ستختار ليمسح دموعك ؟
خاطري ..
وان حدث وبكيت أمام أحدهم فأحب أن تكون صديقتي ..
لأنها بالنسبة لي ذاتي نفسه .. !
7_ لو خيروك بين حبيبك وبين اعز صديق فمن تختار ؟
لن يكون حبيبي إن لم يكن أعز أصدقائي .. قرين دائم لي .. ذاتي نفسه ..
ولن أكون ممن يتخلى عن صديقه ( صديقتي ) أيضا ..
فلن أضع نفسي بهذا المحل أبدا .. ولا أريد تخيل الموقف .. !
8_ ماهو تقييمك لهذا المنتدى بصراحه ؟
مميز بما يضم من نفوس طيبة .. ولن أجامل بقول أنه كامل ..
والكامل الله .. !
9_ من يسكن قلبك؟
حاليا .. كل من أفادني سواء بفعل حسن ولا شين ..
فبكلاهما الفائده ولن أنسى من أفادني بيوم .. +
أخص بذلك صديقاتي ..
فهن عندي فوق .. بقدر مايعلم به غير خالقي .. !
10_ هل تعتقد ان حظك سيئ ؟
لا أؤمن بمسمى الحظ أبدا .. فلن انال من الدنيا سوى ماكتبه الخارق لي .. جل شانه ..
ولكون علم بني آدم قاصر .. ولا نلعم الخير من الشر بدنيانا ..
وما يراه البعض حظا عاثرا وأمرا سيئا قد يكون سببا لخير كثير قادم بأجل مسمى ..
وربنا الرحمن الرحيم .. !
11_ هل تدخل الشات ، لماذا ؟
دخلته مره بالسابق كفضول ..
ورأيته كما وصفه البعض ..
هدفه الاول والأخير = تضييع الوقت .. !
12_ هل هزمك حزنك في يوما من الايام ؟
نعم .. والله يبعد عنا الحزن .. !
13_ ((مستحيل انساك)) لمن تقولها ؟
لكل نفس طيبه وأخص صديقاتي + بابا اسماعيل (( بحسبة أبوي الله يرحمه ))
+ كل من عمل لي فعل طيب من قلبه .. + س !
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
سؤال غريب .. بس مب قادره أحدد ..
امممم .. يعني أي فعل خاطيء بدر مني + موقف قافط + والله مب قادره أحدد ..
يعني وايد أشيا ممكن يندم عليها الواحد .. !
15_ (( انت كل شيء بحياتي )) لمن تقولها ؟
حاليا لهلي + صديقاتي .. !
16_ متى اخر مره بكيت ؟
لمن قريت طرح أخوي عايش وهم بساحة الفضفصة (( تيه هذيان )) .. من يومين أظن ..
أول نثر يطرحه أحد بالواحات يخليني أصيح بهذي الطريقة ..
حتى إني ماقدرت أرد عطرحه إلى الآن .. !
17_ اي الدول تتمنى ان تزورها ؟
سبق وزرت السعودية للعمره .. (( تحديدا مكه + المدينه ))
يكفيني بس القعده بالحرم وشوفة الكعبه ..
إحساس لا يعدله إحساس .. راحة مو طبيعية .. !
18_ هل لديك الجرأه ان تقول عمرك أمامنا ؟
إي ليش لاء .. 18 سنة ونص تقريبا .. !
21 ـ 11 ـ 1988
بعد تامروني بشي .. ^_^ ..
19_ هل انت راضي عن نفسك ؟
لا .. أبدا .. !
20_ بماذا تقر وتعترف أمامنا الان ؟
بأني عاطفية زياده عن اللزوم (( أذكر وحده الله يسامحها من صديقاتي الصدوقات قالتلي :
أنامل قلب الحب عندج شي مقدس والله يعينج ويعين تعيس الحظ معاج لول )) >> يبالها طق من الخاطر .. !
+ عنيده جدا.. + ماأحب أحد يلزم علي إني أسو شي بمعنى إني أحب التفاهم والكلام الطيب..
+ وايد اشيا بس الله العالم بمقصد السؤال .. !
21_ اغمض عينيك دقيقه لو سمحت, ماذا خطر على بالك وانت مغمض العينين ؟
موج البحر يتخلل سحاب فكري .. ونسائمه تداعب أنفاسي ..
البحر .. صوته .. ريحته ..
كأني أشمه : ( .. بموت بس أبي أحد يتفيجلي ويوديني البحر ..
الله يسامحكم .. !
22_ هل تؤيد الزواج العاطفي ام الزواج التقليدي ؟ ولماذا ؟
كلاهما إن كانا ضمن حدود الشرع .. !
23_ ايهما اهم شهادتك الجامعيه أم الزواج ممن تحب ؟
كلاهما .. !!
يعني واحد منهم يتم بعد الثاني .. !!
24_ هل من الممكن ان تتحول الصداقه الى حب ؟
كيف الواحد يضمن روحه ما بينتقل بعلاقته مع وحده يرتاحلها ويحبها (( ضمن معاني إطار الصداقه )) ..
للعتبة التالية .. بمفهوم الحب وأهله .. !
وبعدين ربنا أعلم بخلقه .. ماحرم شيء إلا لخيره ..
25_ هل تعترف بشيء اسمه الصداقه بين الرجل والمرأة ؟
نعم إن كانت بين الأهل (( المحارم ))
كالفتاة وعمها أو خالها والخ .. لكون صلة القرابة بتشكل لهم حاجز فطري لعدم التمادي بالعلاقه ..
لكن غيره فلا طبعا ..
والزماله اللي يوم عن يوم تسبب بتر الحواجز والحدود اللي امبين كلا الجنسين فمانباها ..
مب ناقصين .. شرات الاوضاع اللي قمنا نشوفها .. عيني عينك ..
البنية تكلم الريال وبينها وبينه سانتي .. !
26_ هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
ان شاء الله لاء .. !
27_ هل انت مدمن تفكير؟
اممم .. على حسب وأحيانا ..
مش كإدمان والحالات المربكة اللي يوصل ابها بعض الناس .. !
28_ من هو اكثر شخص تفكر فيه ؟
اممم .. مادري والله .. هم بعد على حسب .. !
(( احليلي تعبت ومخي سكر >_< ))
29_ اذا تم تعيينك ملكا لجميع البلاد العربيه فما اول قرار ستتخذه ؟
اميه بسم الله .. مادري ماحب أفكر بهالأشيا ..
لمجرد إن الواحد يفكر بمدى المسؤولية وكيف بيتحاسب على كل فرد ..
بس لو لو لو لو غصبوني عالمنصب لول ..
فباخذ قرار بعدم مسمى الفقر ..
(( لما يقعد الواحد يفكر بإنه متهني وغيره مب لاقي شربة ماي .. صدق دنيا .. !! ))
30_ هل تكره شخص بشده في حياتك ؟
لا لا لا لا .. ما يخصني ..
منو أنا عشان أكرهلي فلانـ/ـه ولا غيرهـ/ـا ..
ممكن أكره فعل ولا تصرف .. لكن ماكره شخص .. لكونه أكيد أكيد يضم بقعة طيبة بنفسه ..
ولكل منا عيوبه وزلاته .. ^_^ ..
وبعدين ماحب أدنس قلبي بهالهاجس الكريه ..
وان شاء الله اتم كذلك .. !
31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
مش اقتراح .. ولكن سمه المفروض يضمها كل الأعضاء ..
وللأسف اغلبهم مفتقرين لها ..
وممكن اكون منهم أيضا .. !
32_ هل ملابس الشخص امامك تؤثر فيك لتأخذ عنه انطباع ؟؟
آخذ عنه انطباع لكن غير مبالغ فيه .. يعني بشكل طبيعي .
بمعنى آخر .. ماعتمد عليه كأساس لأخذ فكره عنه ترسخ بذهني أبدا .. !
33_ ماالذي يلفت انتباهك بسرعه في الشخص لكي تعجب به ؟
اسلوبه .. ابتسامته .. نظراته .. وطبيعته .. بطيبته ..
وما يملك من شخص يضمه (( بعض الصفات اللي أحبها وأميل إليها جدا )) .. >>
>> مب جني خذت فيس بزياده لول
34_ اذا احببت شخصا في الوقت الخطأ وفي المكان الخطأ فماذا تفعل ؟؟
ماهذا السؤال .. اللي كله على بعضه خطأ بخطأ .. ^_^ ..
اممم .. ان شاء الله ماجرب هالاحساس ولا أمر بهالموقف ..
لكني بستغفر ربي كتفريج لهذا الهم .. وتكفير للخطأ .. !
35_ حكمة تؤمن بها جدا ؟؟
اممم .. وايد حكم ومب حاطة ابـ بالي شي الحين ..
(( يمكن لأن الطرح وايد قصير وأبدا ماطولت فيه ^_^ .. ))
بالاضافة إلى ماذكره الاعضاء من حكم ..
أضيف >>
>> عامل الناس كما تحب أن تعامل .. !
36_ عاده تفعلها دائما تتمنى ان تتركها ؟
اممم .. أدري إن وايد أشيا .. بس عكثر ما عصرت مخي .. ماعرفت شو أكتب .. !
(( الله يسامحج اختي .. شكلي دوخت ههه ))
37_ ماهو اجمل اسم لولد واجمل اسم لبنت من وجهة نظرك؟
اممم .. هم بعد وايد ..
ولد : عبدالرحمن .. عمر .. وغيره بس لو عددتهم صدقوني ما بوقف لول
بنت : منى .. + بعد شرات ماقلت قبل .. في غيره بس تعبت من الكتابة .. >_< !
38_ ماذا تفعل اول شيء اذا ربحت ملايينا او مليونا عشان مانكون طماعين ؟
مابقول .. >> شكلها تتهرب من شي اسمه كتابه .. !
39_ هل انت من لديهم رغبة حب التملك واذا تملك الشيء اصابه الملل منه ؟
مادري ماستوعبت السؤال عدل .. بس أظن لا .. + أظن على حسب لول
بس سالفة إني اتملل منه غريبة شوي .. >> انتِ فهمي السؤال بالاول .. !
40 _ مارأيك في هذا الموضوع بصراحه ، وصاحبه ؟
أخيـــــــــــــــــــرا خلصت ..
مالي شغل أبي أحد إيبب لي .. ^_____^ ..
موضوع فله وكيوت وخفيف الدم ..
بس من جد طويل ..
وصاحبة الموضوع شكلها كيوت وطيوبة ..
وطرحج حلو حتى بطوله .. ^_^ ..
وتسلميلي اختي ..
حفظج ربي .. برحمته ..
:
والسموحه منكم .. !
ماتصور عمري احب
..
/ الي صحت عليه صحت عليه افحزتها لول .. ماعندي شي يستاهل اصيح عليه الحين ( ليش الي كاتب الاسئله وايد مؤساوي و سلبي .. توهه اذا قالك حبيبك ماباخذك والحين تصيح .. اخاف بعد شوي يقول اختار شكل مراسم دفانك لول
)
مب شخص .. ألله !
رد مع اقتباس
مواقع النشر (المفضلة)