مرحباااا
بسم الله نبدى

1_ هل انت تفعل ما تقوله هنا بالمنتدى ؟
الحمدلله هي

2_ اعتذار تريد ان تقدمه لمن ؟
لربيعتي

3_ ما ردة فعلك عندما يقول لك حبيبك : أحبك نعم أتزوجك لا ؟
اكيد بيكون مب قد الحب وما بحزن عليه لانه ما يستاهل
وهو عنده الحب مجرد لعب

4_ ماذا ستكتب لنا لتعبر عن حياتك التي عشتها الى الان في كلمات قليله ؟
الحمدلله حياتي حلوووة
احب هلي وربيعاتي والناس اللي حواليه
واحب رفيق الدرب ع قوله ناس

5_ اذا اردت ان تبكي الان , فعلى من تبكي ؟
ممممم ما في شخص يستاهل اني اصيح عشانه
اصيح هي بس على مواقف محزنه

6_ من ستختار ليمسح دموعك ؟
اكيد امي اقرب الناس لي
ما في حد بيكون احن عليه غيرها

7_ لو خيروك بين حبيبك وبين اعز صديق فمن تختار ؟
بختار الشخص اللي له تأثير كبير في حياتي
وهو سبب سعادتي
وما يمنع اني اختار شريك حياتي(حبيبي)
وممكن اني اختار اعز ربيعه بس بيي يوم وبتكون لها حياتها الخاصه

8_ ماهو تقييمك لهذا المنتدى بصراحه ؟
أول منتدى اشترك فيه
والصراحه ما عليه كلام
بس ساعات يخيم الملل عليه

9_ من يسكن قلبك؟
كل اللي يحبوني
هلي
ربيعاتي
شريك حياتي

10_ هل تعتقد ان حظك سيئ ؟
مرات احس ان حظي حلوو
ومرات العكس

11_ هل تدخل الشات ، لماذا ؟
كنت<<فعل ماضي
بس الحين الحمدلله ما أدخل
الشات بيئه ادمر الواحد ماتفيده

12_ هل هزمك حزنك في يوما من الايام ؟
أكيد
ساعات الحزن يغلب علينا

13_ ((مستحيل انساك)) لمن تقولها ؟
لأعز ربيعه عندي
لاني مستحيل انساها حتى لو ظهرت من الجامعه
بس اكيد اتمنى انها ترجع

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
يوم رسبت في الايلس
صح اني زعلت واتضايقت
بس ما باليد حيله

15_ (( انت كل شيء بحياتي )) لمن تقولها ؟
شريك حياتي

16_ متى اخر مره بكيت ؟
يوم عرفت اني رسبت في الايلس

17_ اي الدول تتمنى ان تزورها ؟
خاطري اسير استراليا
بس المسافه هي اللي ما تشجعني<<خخخخ وايد بعيده

18_ هل لديك الجرأه ان تقول عمرك أمامنا ؟
أكيد
يوم اليمعه بكمل 19

19_ هل انت راضي عن نفسك ؟
الحمدلله

20_ بماذا تقر وتعترف أمامنا الان ؟
ممممممم اني احبكم وايد
وماروم استغنى عن الواحات

21_ اغمض عينيك دقيقه لو سمحت, ماذا خطر على بالك وانت مغمض العينين ؟
اني اكون مخلصه دراستي ومفتكه

22_ هل تؤيد الزواج العاطفي ام الزواج التقليدي ؟ ولماذا ؟
اكيد العاطفي
لاني ضد الزواج التقليدي
ماروم اخذ واحد هلي غاصبيني عليه لانه ولد عمي وانا ماحبه
لانه عمري مابحبه ومابعيش بسعاده

والحمدلله شريك حياتي لا هو ولد عمي ولا ولد خالي مب من الاهل
وافقت عليه برضايه مب غصب مني

23_ ايهما اهم شهادتك الجامعيه أم الزواج ممن تحب ؟
الاثنين
لان شهادتي اكيد بتفيدني لو بغيت اشتغل وغيره
وزواجي من الشخص اللي احبه بعد مهم لان باقي عمري بقضيه معاه

24_ هل من الممكن ان تتحول الصداقه الى حب ؟
بالنسبه لي انا
نو وااااي
احس به غلط اني اعرف وحده واتكون ربيعتي ومره وحده اتصير حبيبتي
غلط

25_ هل تعترف بشيء اسمه الصداقه بين الرجل والمرأة ؟
أكيد لا

26_ هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
الحمدلله لا ماجد سويت شي او اني خربت على حد او بين اثنين
بس من ورايه ماعرف شو يصير

27_ هل انت مدمن تفكير؟
مرات وايد افكر
في حياتي
مستقبلي

28_ من هو اكثر شخص تفكر فيه ؟
وايد اشخاص
كل اللي يعزون عليه

29_ اذا تم تعيينك ملكا لجميع البلاد العربيه فما اول قرار ستتخذه ؟
اوحد المسلمين كلهم
واخليهم ايد وحده وصف واحد

30_ هل تكره شخص بشده في حياتك ؟
هي
في ناس اكرههم وبشده بعد
هل ابويه
حاولت احبهم بس ماش فايده
نو واااي اتوالف وياهم
اقطابنا شرات بعض تتنافر<<خخخخ حلوة هاي

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
مافي شي في بالي الحين

32_ هل ملابس الشخص امامك تؤثر فيك لتأخذ عنه انطباع ؟؟
بالنسبه لي انا هي
ملابس الشخص اللي اتكلم معاه وهيئته
تعطيني انطباع عنه
لو هو مرتب والا مبهدل في كل شي
33_ ماالذي يلفت انتباهك بسرعه في الشخص لكي تعجب به ؟
طريقه كلامه ، أسلوبه ، هيئته

34_ اذا احببت شخصا في الوقت الخطأ وفي المكان الخطأ فماذا تفعل ؟؟
........

35_ حكمة تؤمن بها جدا ؟؟
شي دوم اقوله لاي وحده حزينه من شي او اتصيح على حد
ما في حد في هالدنيا يستاهل

36_ عاده تفعلها دائما تتمنى ان تتركها ؟
يقولون اني خقاقه ومتكبره شوي
بس لا تصدقونهم<<خخخخخ

37_ ماهو اجمل اسم لولد واجمل اسم لبنت من وجهة نظرك؟
ولد: مايد - زايد
بنت:ميثا - مهره - غياثي

38_ ماذا تفعل اول شيء اذا ربحت ملايينا او مليونا عشان مانكون طماعين ؟
لو ربحتها الحين
أكيد بعطيها لابويه لانه هو ادرى كيف يتصرف فيها
لانه لو تمت عندي بلعب بالفلوس لعب<<خخخخخخ

39_ هل انت من لديهم رغبة حب التملك واذا تملك الشيء اصابه الملل منه ؟
انا اللي في خاطري اخذه
بس اتيني فتره اشبع وامل من الشي
40 _ مارأيك في هذا الموضوع بصراحه ، وصاحبه ؟
موضوع حلووو ووااااايد طويل
وصاحبته احلى ونتريى منها مواضيع ثانيه

شكراااا