.:. ]|[ دموع الـورد ]|[ .:.

**طير الغرام** · 30-06-07 ||, 03:22 AM

لمست الورد بيديني ،، رحمته من كثـر نوحـه

بغيت امسّح دموعه وصار الكف منه اجـروح

حزينه لمسة الورده ودمع(ن) مايبي روحه
حتى الشوك بغصونه يشاكيها بكثر النوح

رحت أواسي وردتي وأنا لي روح مجروحه
وتشاكينا هموم ازمان أمسى حزنها مسموح

وين الورد بألوانـه ؟ وينـه عطـره و فوحـه ؟

وغدى همي أنا و وردتي على عين الملا مشروح

:

**تنينه** · 30-06-07 ||, 03:30 AM

يا صباااح الوووورد والفل والبـحر

؛؛

اشحالج طيير شخبارج شو مـسهرنـج الين الحيين لول

اتذكررت الصيف اللي طاف لوول

أحلى شيئين في الوجود الـبحر والورد

؛؛ صوور حلوووه والكلمات والترتيب بعد ؛؛

سلمتي يالغلاا وما ننحرم من افكارج الحلواه

**طير الغرام** · 30-06-07 ||, 03:40 AM

تنينه

يا صباح الليل
حي الله تنينووه
الحمدالله انا بخير ونعمه ،، انتي اشحالج !
وهيه والله ايااام الصيف اللي فات

:

أشكرج والله ع ردج السريع و الحلوو
لا عدمنــاج ^_^

**مجموعة إنسان** · 30-06-07 ||, 03:46 AM

مممم
الصور حلوة ..
بس أضن تقدرين تبدعين أكثر طير
..
حسيتها عادية ..
يعني المبتدأين ..
وانتي مبدعه طير

**بنت الدلع** · 30-06-07 ||, 03:53 AM

^ عشت قصتج ويا الورده
وكل كلمه حزن فيها
حبيت الفكره
والصوره الاولى وايد عيبتني
سلمتي

**طير الغرام** · 30-06-07 ||, 03:56 AM

مجموعة إنسان

فكره يت فـ بالي بدون تخطيط مسبق
حبيت اطبقهـا وعقب ما رديت البيت يت أفكار ثانيه

وانا مجرد هاويه لا غير وماوصلت لمستوى الإبداع
أحاول إني إوصـل لـ هالمستوى !

**طير الغرام** · 30-06-07 ||, 03:59 AM

بنت الدلع

امبوني كنت بحط الصوره الأولى بس لنه أوضح وحده وأحسن وحده
بس غمضني باقي الصور

إلا وأرزهن ههه
لنه واااايد امصوره وهذيلا مجرد صويرات >> اونه تصغير

وأشكرج ع ردج الطيب والحلوو
حيــاج

**مجموعة إنسان** · 30-06-07 ||, 03:59 AM

بس من الصور اللي شايفنها لج .. انج مبدعه ..
وأعتذر
وجهة نظر لا غير ..

السموحه يا طير

**طير الغرام** · 30-06-07 ||, 04:05 AM

مجموعة إنسان

تسلم أخويه
ورايك أحترمه =)

بس شكلي ما اعترف بـ هالشي أو اتريا انجاز معين يخليني أعترف بـ هالشي
>> باختصار ما ابا امدح عمريه واقول مبدعه

**ايه احبك** · 30-06-07 ||, 05:03 AM

wo0o0o0o0o0o0o0o0o0w very nice O_O
perfectoo ya bant
mashaallah el words wayah e9owr ayjnooon
well done ^_^

**الـيـاه** · 30-06-07 ||, 07:16 AM

عيبتني أول صوره .. بس ليش الماي طلع شي لونه ( لو كان أزرق بيطلع احلى ) ..
يمكن العتب ع الوقت .. مادري ..

وسلمتي حبوبــــه
نتريا منج اللي احلى من جي ..

**دموع قلم** · 30-06-07 ||, 07:35 AM

وعليـكم السـلام ورحمـة الله وبركـاته

صبــاحج وردة ..
عـزيزتـي طيـر الغـرام ..

يـــاااهــ .. مـا شـاء الله ..
اشحـلاة الوردة .. مع ميـاه البحـر ..!

مـاعـرف شو أقـولج .. من جـد روووعـة ..!
عجبتنـي الصـور واااااايــد ..

عسـانا مـا ننحـرم من هالتميـز الراقـي ..

^_^