اسأل وفكر بصوت عالي !

[خيال الحب]

اختي دموع قلم..

انا انصحج لو بتدخلين هندسه خذي يا ميكانيكيه او كيميائيه

وحلووه دراستها الهندسه الكيميائيه

.. طبعا مافي شي يعتمد ع الحفظ.. وكله فيزيا ورياضيات .. ومعاشج يوم بتتخرجين بيكون وايد حلووو ..

وعن البرتش كاونسل..
هاييلا حركات
احيد بالصيف الي طاف يوم اتصل اخوي قالوله تعال اخر 8 ونحن كنا متصلين اول سبعه..

وبنت عمي دقت لهم قالولها تعالي بعد يومين.. فانا طرشت اخوي وياها ودخلوه

يمكن دفع 200 درهم حق الامتحان وصورة من الجواز

احشريهم بالتيلفون .. قوليلهم انا اباه ضروري وجي...

والله يوفقج ^__^

[خيال الحب]

انزين يالعجيبه ^__^

.. نحن الشباب حالهم نفس حالنا..

بس انا اقول اسكني ويا وحده تعرفينها.. بتونسج.. فليـــــل وبتسولف وياج..

والغرف الخاصه حق المراض..

واول سنه يسكنونكم بسكن المستجدات على ماعتقد.. نفس الطلاب..

وليش ما تروحين جامعة زايد..

او التقنيه..

شو تبينها العين>>>>جان احبط معنوياتج

ولو عندج واسطه يمكن يخلونج بغرفه روحج..

[وحي القلم]

خيال الحب .. امتحان الايلتس بـ 750 في البرتش كاونسل

[وحي القلم]

وعن البرتش كاونسل..
هاييلا حركات
احيد بالصيف الي طاف يوم اتصل اخوي قالوله تعال اخر 8 ونحن كنا متصلين اول سبعه..

وبنت عمي دقت لهم قالولها تعالي بعد يومين.. فانا طرشت اخوي وياها ودخلوه

دموع قلم

صح اللى قاله خيال

اتذكرت اني يوم اتصلت بهم قالتلي الحرمه انه أجرب موعد للامتحان عقب شهر

لكني يوم سرت عشان أسجل الموظف اللى هناك قال شي امتحان ثاني قبل اللى كنت بسجل فيه

مع اني كنت قايله لهاذيج انه ما عندي وقت

عالعموم انتي لا تعتمدين عالتيلفون.. سيري لهم أحسن

[الوحيدة]

إحمــ إحمــ ..

أنا ييييت !

زين والله حصلت حد في جامعة الشارجة ..

والله أنا كنت حاطة في بالي أدرس مختبرات طبية بس عقب غيرت رايي وناوية أدرس طب أسنان إن شاء الله .. إمممم ,, أبا حد يعطيني نبذة عنه بشكل بسيط ..

والسموحة لو ثجلت عليكم !

[الوحيدة]

هييه بعد أبا أسأل عن السكن ؟

هل هو مريح ولا يخوف شرات ما يقولون ؟

[قرموشة]

نصيحـتــي .. اذا بتدخــلون هنــدســه عليــكم بـ
1- كهربــائيــه ( اتصـلاات أو الكتروونـيــات )
2- كيمـياائيــه
3- كمبيوتـر

غـير عـن جـي بصـراحـه ما أشجــع !
لانـه
1- المدنيـه ( شغـل ريــاييل )
2- المعمـاريـه هـم نـفس الشي ( أربع وعشرين ساعه مخططاات )
ومحد غامضني في الجـامعه غير بنات الآركتكجر وحليلهــم شاليين على جتووفــهم اللوحـات والمســـاطـر والمجسمات لوول ..



بس في المقــابــل .. أصعـب أنواع الهنــدســه
1- الكهربــائيـه
2- الكمبيوتـر
لانها تحتااج لتمخميييخ

بس المعماريه والمدنيـه دراستهم سهــله

[دمعة شوق]

ام خمـاسـو
لا علني فـداج عــادي ؛ ماحـطيـت في خاطريـه ولا شـي
( ماشي يـرزا )

؛
انزين امممم مادري محــتـاره وايـد وماعـرف لعمريـه الحيـنـه .؟!

الله يعيـنـي
||


أولا ً : انـزيـن بغيـت أتخبـركم اممم شو الأحسـن نمتـحـن التـوفـل ولا الآيـلس .؟!

ثـانيـا ً : الله يغربل جامعة الإمـارات حشـى نقـعـت التلفون عسب ايردون
آخـر المطاف سبيتهم وخليتهم ،
اممم الحينه الجامعـة الإمارات تبـا امتـحـان توفـل ؟ لان شفت في الكتيب مال الإرشـاد إن الطالب لازم يكون عنده توفـل ؟

ثـالثـا ً : اللي يكون عنـده توفـل ولا الآيـلس شو بتفـيـده في الجامـعـة ؟ اقصـد بتوفـر عليه السنة اللي بيـدرس فيـه تخصـص ؟!

[خيال الحب]

دمعوووه..


انا الي سمعته انه الي اييب لهم التوفل.. يعني انه اجتاز امتحان التوفل بدرجه معينه.. ما يدرس الانجليزي .. يطوفه كله

هالي سمعته انتي تاكدي

[دمعة شوق]

الله يخسـهـم مايردون ..

[عفاريتووو]

الوحيدة ..

طب الاسنان حلوو و دراسته مب مملة
اول سنة تاخذون فاونديشن
ومن ثاني سنة بتبدون في الاسنان و بيكون عندكم اربع مواد
و كل مادة فيها محاظرات ولاب وtutorial (نفس محاظرة بسس يكون نقاش اكثر و العدد اقل )
و و الدراسة ما بتكون جامدة يعني من كتب وجي .. لا ..من المحاظرات و مرات يعطونج كتيبات و مرات من كتب اذا حسيتي عمرج مب فاهمة ..
و من هــ السنة تبدون تشتغلون على اسنان بعض ..
ثالث سنة بيكون عندج نفس المواد .. بس اللابات بتكوون اكثر
رابع سنة .. بيكون عندج ثلاث مواد
خامس و سادس سنة .. مادتين و بيكون في المستشفى اللي يبنونه في الجامعة + جراحة


و أنصحج فيه .. دراسته حلوة ..
و اي استفسار نحن حاظرين .. ^_^

[دموع قلم]

انـزيــن ..

هنـدسـة الكمبيــوتـر .. ويـن ممكـن أدرسهـا غيـر في جامعـة الشارقــة ..؟!
وكـم سنـة حـق بـاكلريـوس ..؟!





وووخيــال الحــب ..

عن الهنـدسـة الكيميـائيـة .. شـو يـدرسـون فيهــا ..؟!
وووبأي جامعــة تنصـح ..؟! .. وكم سنـة حـق البـاكلـريـوس ..؟!



ووووالسمـوحـة ..

^_^

[الوحيدة]

الله حلوو .. ثنكس عفاريتوو شجعتيني الصراحة !

إنزين والسكــن ؟

ها إلي خايفة منه !

[الشيـــن]

الشيـــن ..
أنتـي تدرسيـن في المعهـد البتـرولي في بوظبي ولا ..؟!
وكيـف دراستـهم بشكـل عـام ..؟ وكم النسبـة المطلـوبة ..؟!

سوري ع التأخيـر ..

أصلا المعهد ماشي منه إلا فـ بوظبي .. والسنة الي طافت كانت أول دفعة بنات يقبلونها ..
دراستهـم بـ شكل عااام مابقول صعبه بس يبـالها مذاكره أول بـ أول
يعني لو كنتي طالعه من الثانويه تقولين يااااي واخيرا بفتك من الكرف
وشفتي كرف المعهد جدامج بتنصدمين صدق ..!
وبعدين الهندسه بشكل عـااام جي دراستهـا .. بس الحلـو فيه انه شي بعده يدييد وجـي ..
حاليـا توهم يبنون سكن للطالبـاات ..
والتخصصات الموجوده
هنـدســة : بترولية ، ميكانيكية ، علوم أرض جيولوجيه ، كهربائية ، كيميائية ..
ومن فترة المعهد ماخذ شهادة ماعرف شو من مادري أي جامعة فـ أمريكا بتدريس الفاونديشن جنه
وكان الأول في العالم بعد جنه ..
شي جي ماحيد بالظبط .. انطب احسن ههه
والنسبة المطلـوبه فـوق الـ70 .. وعلمي طبعـا ..

ها بشكل عام .. اذا عندج أي سؤال ثاني .. انا حاظره لج ولـ غيرج ..

جان احس اني أقوى شي .. هع يسألوني بعد هااا

[شوق القلوب]

هلا دمــــوع...

مممم... التخصص موجود في جامعه الشارجه ، و الجامعه الامريكيه في الشارجه.. و اتوقع موجود في جامعة الامارات..