مكســــــاتكم

[المحاق المشتعل]

ياسلام عليج ... والله كشخه سويتيه

هيهيهي لو انا منج باكتب تحته جالس لحالي ولحاي

واخيراً حد شارك بعد طول انتظار

سامحوني هاي الفترة مب املحق ارسم شي لضيق الوقت عندي

ان شالله بنكون متواصلين

بنت الدلع

بالعكس يا مبدعه

انا بتبنى موهبتج هاي بس استمري فيها

ولا تستهينين فيها ابداً ترى هذا فن وهذا استايلج الخاص

بالتوفيق ان شالله

[دانة حتا]

فكرة واااااااايد حلوه شفت اشيااااا صدق كوووووووول

الله يعطيكم العاافيه

[المحاق المشتعل]

دانة حتا

شكراً لج على كلمتج الطيبه اختي

وان شالله تنال مواضيعنا القليل كل اعجابكم

محاق

[أنامل قلب]

السلام عليكم ورحمة الله وبركاته ..
اممم .. مساء النور والنوير يا جماعة الخير ..
كيف حالكم .. عساكم طيوبين وبنعمه وعافيه .. ^_^ ..

اممم .. أول شي قرت عينكم برجعتي لول .. >> أسولف .. !
اننننزين .. أقول ..
وانا أقلب بفايلاتي القديمه .. لقيت لي جم من رسمه واللي امبينهم كانت رسمه ميهوده لوحده تشبه شخصية ويلي (( يمجلة فتيات )) ..
والله أيام ..
طبعا خطر عـ بالي موضوع أستاذنا الطيب المحاق المشتعل (( جان تعرفونه احم )) بواحة الرسم بعنوان مكساتكم ..
(( + )) تذكرت بإني صرت غاوية فضايح .. وجان بنفضح بالرسمه ..
خلني بالمره أصور لهم معاها الرسمه اللي دزيتها مره للمجله .. لمن اشتركت ورسمت لهم ليلى الصغيره ..
يعني للعلم يعني يعني .. امم .. للعلم يعني ..
الرسوم جديمه .. ولولا ان المجله ذكرت عمري جان ماتذكرته .. 15 سنه ..
احم .. وطبعا لازم أتفنن بالتصوير المشوه ابـ مبايلي ..
فاسمحولي يعني الصور مو واضحه كلش ..

وكاهو خمام إختكم الكريمه ..
بس عن اعجابكم المفرط بالرسمتين يسببلكم حاله نفسية عويصه نتيجه اعجازكم عن وصف وناستكم ابهم .. !!
يعني ماله داعي لتسطير تعليقات وحجي حلو ووالخ ..
اعجابكم تراه واصل واصل ..
وكاهي الرسوم السنعه >>>
>>
>







امممم .. الأولى ماعندي تعليق عليها ..
بس الثانيه مادري كيف وليش دق براسي أرسملهم الشخصية اللي طلبوها وأدزها ..

وأخيرا ..
قبل لا تقولون بلاها هالبنت وايد تهذر .. ماتقدر تحط الرسوم وتنطم ..
بقوم بروحي وبنحاش بكرامتي ..

:

ربي لكم حافظ .. ^_^ ..
والسموحه عالقصور ..

احترامي ..
إختكم ..

[المحاق المشتعل]

ماشالله عليج

عيني علييج بارده فنانتنا

وأخيرا طلع المستخبا هيهيهيهي



ماشالله عليج غاويه رسماتج

وصح هذره فاضيه مالها معنى

عيل تعتبرينهم خمام

والله ابجد وايد حلوة

والرسمه الثانيه وايد عيبتني

واي مجله هاي ؟؟

انا كنت بعرض رسمات لي رسمتها في مجله بعد

بس ما صار نصيب

ان شالله اذا اتفيجت بشاركج العرض

انامل هاي آخر مرة اتقللين من قيمة لوحاتج

ترى بعصب عليج

وصدقيني ايييد عمة العيم ماشالله ( إيد خبازيين ) يا وييلج منها



بالتوفيق فنانتنا ولا تحرمينا جديدج

محاق

[ايه احبك]

أنامل ايخبلوووون ويا ربي عالدموووع
انا مشكلتي يوم استخدم الرصاص ما اتقن السيز ولا الخط ايكون عدل وايد اتأرف
المحاق وينك يا عمي مختفي ؟؟ّّّ!!!!

[المحاق المشتعل]

هيهيه كاني موجود

هلا والله اب ايه احبك

وينج من زمان من زمان ما ( يــــايـيــــتينا ) هي هي هي

وليش المعاناه هاي

بالممارسه بتوصلين لأدق المستويات

اهم شي اتمارسين

[أنامل قلب]

ها .. !!
وشو ها بعد .. (( صح هذره فاضيه مالها معنى )) .. !!
انزين .. ماعليه .. مقيوله أصلا .. الشرهه مو عليك الشرهه علي آنا يبت طاري الهذره بردي .. >> عصبت عصبت لول ..

أقول عمي .. ان شاء الله .. حاضرين ..
من اليوم وساير ماني بقايله حجي يقلل من مستوى رسومي ..
بعد مافينا نعصب خلق الله علينا .. ^_^ ..
وعن إيد عموه .. فحلال عليها جان بطقني طق ودي .. كم من عمة العيم عدنا ..

فائق الاحترام والتقدير لشخصك ..
ولا حرمك ربي من السكنى بعظيم جنته يارب ..

:

اختي الطيوبه ايه أحبك ..
ردودج اللي تخبل اللي مايتخبل لول ..
وخلي الدموع عـ صوب .. ^_^ ..

عن الرصاص .. بالعكس أحس استخدامه وايد مريح وباعث لاحساس لا يوصف أثناء أدائج للوحه ..
وعن السيز فهم آنا عندي هالمشكله بزود .. لكن أحاول أضبط منها وأتفاداها قدر المستطاع ..

لا حرمنا ربي من طيب التواصل معاج ..
ورزقج الأنس والسلوان بالدارين يارب ..

ودي الدائم ..


:

إختكم أنامل قلب ..

[الا انا]

الله الله ...


ويني انا عن هالمواضيع ...



"
"
"
بس كل شي صوب والرسمات صوب ...


رهييييييييييييييييييييبه ,,
إذا هذي خمام ... عيل رسماتي شو ...؟؟

رووووووووووووووووووووعه ... خصوصا انعكاس الظل ...


"
" ابداع في ابداع....

للأمام دووووووووم ...


إحترامي للخمام الغاوي ...
... بالتوفييج ..

[المحاق المشتعل]

هلا والله بالغايبه

طولتي الغيبات

وينج من الزمان امسويه طاف حق واحة الفن

الصراحه اشتاقتلج واحتج بلوحاتها وتتريا منج رسمه يديده

الصراحه نورتينا بهالمرور ( وان شالله ما يكون في هالموضوع بس )

واشكرج عني وبالنيابه عن الجميع على ردج الجميل المعطاء هذا

ولاتحرمينا دوم انتقادج الفني

شكراً من الاعماق


محاق

[بنت الدلع]

كمن مره امسك القلم والورقه واقول يالله برسم شي

بعدين اغير رايي اقول لالا حراام اشوه الورقه واخوفها من الي بتشوفه

هالفتره مول ما اتيني افكار للرسم او للشخابيط

==
و ثانكس لرمستك في حق رسمي > البسيييط <

[المحاق المشتعل]

هالهاجس للأسف على مواسم

يوم ايي الفنان ===> يهد حيله ويخليه يكره الرسم

انا هاي الفترة نفس الشي ( ابداً مالي خاطر في الرسم )

لكن اتريا اليوم إلي اترد هاي المشاعر إلي تجرف افكاري للورق

حزتها بتشتكي الاوراق من تعذيبي

لا تفقدين الامل

موفقه دائماً ان شاء الله تعالى

محاق

[عمة العيم]

اسمحولي يعني بس انا في الحقيقه عصصصصصصصصصصصصبت

صور رسمات اناملوه مب طالعه عندي

شو هازا؟؟؟؟؟!!!!

...

[أنامل قلب]

^^

ربي لك الحمد كما ينبغي لجلال وجهك وعظيم سلطانك .. !!

[عمة العيم]

أنامل قلبوووه

يعني شو قصدج مستهبلين؟

عصصصصصصصصصصصبت تراني

:(