مكســــــاتكم

[أنامل قلب]

أمبيه من صدقها عموه .. !!
انزين انزين بحطهم .. حشى ماصارت عمه تغربل خشم سابع يد ابليسنا ..

بس نطري علي ليمن أرد البيت وأدزهم لج ..
لأني الحين بالجامعه والصور مو عندي باللاب >_< ..

والله يعينا .. مافينا تزعل علينا عموه وحنا إلا كم من ساعه وبندخل ابـ رمضان ..

... !!

[عمة العيم]

يقولون البنات حابسينهم في الجامعه لي الفير اليوم مابيردون البيت

[أنامل قلب]

..

بل ..
لحظه لحظه عموه بقولج شغله بالأول ..
لمن ييت قريت ردج قبل شوي قعدت أقول (( هذي عموه اشدراها بجامعتنا ..
وبعدين ماوصلني خبر ان البنات حابسينهم ولا مادري وشو ليـ الفير ..
شوفي الغباء ..
ماستوعبت السالفه إلا لمن رديت قريت الرد للمره الثالثه .. صدق إني بهالفتره مفتقره للتركيز .. >_<

انزين أقول عمووووه ..
مع اني رديت من الجامعه من وقت (( 3 )) بس مادري انشغلت ونسيت الموضوع ..
واصلا النت كان معلق يعني نحاسة ..

وكاهي الرسوم .. >>

+

توني ألأاحظ ان ظلي ظاهر .. وانا أقول ليش هالسواد الفاتح اللي ظاهر عويه البنوته .. !!

اممم .. انننزين أقول ..
وانا قاعده أحمل الروابط قلت خلني أرسم لها كم من فيس عالسريع أراضيها شوي ..
بما إن قلم الرصاص والورقة البيضا حذاي ..
بس أتحداج جان فهمتي العبارات .. شرات وحده من خواتي .. تقولي شو هالخط شو كاتبه ..
قتلها هزا مال شغل سريء بابا .. مافي أكتر من تنين مينيت .. !

تذكرت أيام المدرج والمدرسه ..
عكل جمله كنت أرسملي شي من هالفيسس ..

وبس ..
السمووووحه عالتأخير + البهدله لول ..

ولج منا كل احترام ..

...

[جنون امرأة]

المحاق المشتعل ..


شكرا ..


موضوع جدا رائع ..


بس للحين ما تشجعت احط خرابيطي ! ! !

[المحاق المشتعل]

عمة العيم + انامل قلب



بسكم ضرايب غربلات ابليسكم

كل عام وانتو بألف خير على الشهر الكريم

ولأعضاءنا الاحباء نفس التهنئه من القلب




اهلاويه للأبد

هلا بطلت حضورج في موضوعج وموضوع كل الطيبين

الموضوع حق كل شي مب للخرابيط بس ... حطي إلي في خاطرج

انا سويت هالموضوع لأنه اعرف انه في ناس يرسمون بس ما يبون يحطون رسماتهم

والسبب الخوف من الاحراج .. باختصار هالموضوع امسواي خاص حق هاي الاعمال

ويستوي حق كل الاعمال بس هو بالخص حق هاي الاعمال إلي يعتقدون اصحابها انها

ما تستحق العرض او شو ما كان السبب

اهلاويه

شرفني حضورج جداً

واتمنى حضور مشاركتج معانا بلوحاتج

كل عام وانتي بخير ورمضان كريم

محاق

[جنون امرأة]

المحاق المشتعل ..

اخجلت تواضعي !!

تسلم أخوي ..


بس جد بحاول !!!


..

السموحه ..

[المحاق المشتعل]

يا مرحبا فيج دايما اهلاويه


ونرجع من جديد لصلب الموضوع

يبتلكم رسمه طبعاً الرسمه ماعرف وينها بس عندي صورتها

هي رسمه قديمه وان شالله تنال اعجابكم وردة العمر

[المحاق المشتعل]

شكلي متفيج عالآخر اليوم

انزين يبتلكم 4

كلهم مال سنة 2000

طبعاً وايد اخطاء فيهن ف عادي مشوها



أول وحده كانت حق التجارب



وهاي رسمه عالسريع



هاي من افكاري ... ماشي شغل



وهاي ( عن حد يفهمني غلط )
هاي غرشة عصير تفاح وكوب من بوه




بالهنا والشفا

[عمة العيم]

عن حد يفهمك غلط هاااه

حركااات تتحرانا مانعرف سوالفك

خخخخخخخخ

اول شي

كل عام وانتوا بخير
و بلغكم صوم رمضان على تقوى منه و رضوان و عفو و عافيه و عتق من لانار
لجميع اعضاء واحتنا الحبيبه و الحلوه و الطيبه و الاموره و االرشيقه

ثانياً
انامل قلبوووه

انا ادري ان ماينفع وياج غير العيون الحمره و الفوشيـه بعد
خخخخخخ

و اشكرج على جهدج في اعادة تنزيل الرسمات (علشان خاطر عيوني طبعاً هيهيهيهي)

وانا فهمت شو كاتبه في الرسمات بس مابقولج و اخر وحده انا هههه حلوه رموشي واصله لي قمة راسي حشى مب رموش

و هييج عيبتني اللي تصيح شكلها صدق خايفه منج و من بلاويج !!!

ثالثاً

محاقنا رسمة البحر وايد حلوه و مريحه للنظر
و عيبتني رسمة الغرشه ويا القلاص
ابدعت فيها مع ان الغرشه شوي فيها انكساح ههههه

و تسلمون على هذه الجهود الطيبه
و يارب دائماً الى الامام
و الى الاحسن فالاحسن و الافضل
و نحو التميز في الابداع ان شاء الله

بغيت اخبركم ان في مسابقه للرسم يسوونها اسمها the new signatur
هذه المسابقه برعاية الشيخه منال بنت محمد آل مكتوم
و موعد تسليم الاعمال في 20-10-2007 ان شاء الله في نادي دبي للسيدات في بيت المواهب
و لا تخافون بيدخلون الرجال لان المشاركه للذكور و الاناث
و من هم تحت الـ 30 سنه
و العمل لازم يكون غير معروض من قبل في مكان
و يكون يديد...و من عمل الشخص نفسه مايوز لناس ثانيين

اظني لازم افتح موضوع ثاني لهالسالفه صح؟ ههههههه

مادري
اتمنى هالمعلومات تفيدكم

شكراً
(^_^)
...

[أنا فقط]

دايما آخر وحدة !


يايتنكم

[أنا فقط]

ألا ليت الرصاص يعود يوما

فأخبره بما فعل الباستيل

[المحاق المشتعل]

يا سلام هي والله بما فعل الباستيل

شغلج عجيب قطرة

يسلمو عالابداع

[أنا فقط]

هذا رصاص مب باستيل

[أنامل قلب]

عموه ..

صكتي صكتي عني ..
بس ذكريني المره اليايه مالتفت لعنونج الحمر ..
ودي ..

:

عمي المحاق المشتعل ..

ما شاء الله ..
راسم بعض العناصر باسلوب جدا مميز ..
والبحر حبيته ..

تبارك الرحمن ..

:

ربي يعينكم ويحفظكم من العين جميعا ..
والسموحه ..

[عمة العيم]

هي صح بنشوف

:\