مكســــــاتكم

[مزن هتان]

أهلا

أنامل قلب ما شاء الله حبيت الرسمتين حلوات
المحاق الاول مهموم * و الثاني كووول

انا ماعندي خربطان بحاول ادور منه و مناك وبرد لكم بإذن الله

اي صح بخصوص عدم مشاركتي بالمسابقه تدري حبيت
اعطيهم مجال، ما بغيت اكل عليهم الجو

[المحاق المشتعل]

ايه احبك

اعوذ بالله من شيطانج انتي الثانيه من وين طلعتي انتي بعد هي هي هي

يبالي اهد عليكم عمة العيم عشان تستلمكم اشويه

ماما عمو شوووفيييهم

[المحاق المشتعل]

خلي عنج هالكلام عمو عورو قلبج ؟؟

أخاف ميته من الضحك عليهم ههههه

وييين رسماتج هاه

[أنامل قلب]

أميه بسم الله ..
شو ها أستاذنا ..
حرام عليك ..

صدق صدق صدق يغمضون .. أحسهم شالين هم .. مادري ليش .. !
هذا إذا كانو شخصين .. (( احسهم يشابهون مادري كنت اعتقد انهم واحد نفر ومب اثنين نفر لول ))
بس الردود بينتلي العكس .. !

:

الله يكون بعونهم ويحفظهم من كل سوء ..
ويفرج عنهم ما يهمهم .. !!!! >>> من جد أحس فيهم حزن غريب ..

وموفق بطرحك وتحفيزك أخي دائما ..
ونقدر لك هذه الجهود الطيبة ..

....................

خيتو مزن هتان .. العضوة اللي انحشت من المسابقه .. ^_^ ..
عنونج الاحلى .. وربي لج حافظ عزيزتي ..

[المحاق المشتعل]

مزن هتان

شكراً وايد عالرد الحلو وذوقج الحلو

هو في الواقع اثنينتهم مهمومين كانو وانا كنت وياهم بعد

بس كنت ازيح الهم بالرسم وهم يحاولون يزيحونه بالتأمل لكل جديدي


بالنسبة للمسابقه ... ماعليه ان شالله بتشاركينا اذا كان وقتج فري في مسابقه

يايه بإذن الله والمشاركه اذا بتكون ان شالله بتكون من خاطرج

موفقه دايماً ان شالله

وننتظر كل جديد منج بإذن الله تعالى

[المحاق المشتعل]

هلا والله بفنانة الخواطر الجميله

الصراحه كلهم يغمضون وعندي كانت وايد لوحات مثلها بقلم الحبر العادي لكن

ماذكر وين حطيتها

ايام عصيبه كانت وفي نفس الوقت ممتعه

لكن فترة وعدت والكل مرتاح احينه

راهيين احينه منو قدهم هههههههه

واثنينتهم مب نفس الشي ولا يتشابهون اصلاً

يلا وييييين يديدج شو ها باردين باردين

[أنامل قلب]

السلام عليكم والرحمه اخواني وخواتي ..
اليوم بطرح لكم شي شنيع ومنقع ..

صراحة مالي ويه حتى أتكلم برد عارفه شو بيضم من فشيلة لي

ثنيناتهم مال خمس دقايق ومشي حالك مثل مايقولون ..
يعني مال سريع سريع بابا .. !!





والرسمه الثانية





>> بسم الله الرحمن الرحيم .. شو ها .. !

:

اممم .. ترى مالي شغل خخخ
الباشا المحاق المشتعل قال حطو خمام يعني شي من هذا القبيل ..
بعد الرسمه الأولى ممكن نعديها ..
بس الثانيه اسمحولي .. سالفتها سالفه ..
اممم .. طلبو مني أرسم شي رمزي بسييييـــــــــــــــــــ ــط يدل على من إييب دوا ما يخصه بالداء ..
وماخطر عـ بالي غير رسم قدم عليه علامات الضرر من تورم والخ .. مصحوب بنظاره ..
واهني ( النظاره ) علاج مايخصه بالداء والمصاب ( الورم ) ..

وبس .. نطرت ردود يديده ومالقيت ..
فقلت شكلهم يبون كبش فداء كدفعه لهم لاكمال الموضوع لول .. !!
واليايات أكثر جان ربنا راد .. ^_^ ..

................
ملاحظة : ترددت وايد قبل لا أحط الرسمه الثانيه .. يعني مادري كيف ان رسمة قدم .. أحسه غير لائق وجي ..
وعقولة اختي يوم خذت برايها تقولي انتي تستحين تحطين فيس مظهر لسانه واتيين من الصوب الثاني تحطين لهم ها للي مادري شو اسمه ..

بس بعدين قلت إلا هو شي رمزي .. ولازم نجازف ..
والسموحه منكم من الخاطر ..

[المحاق المشتعل]

الصراحه انامل عن نفسي والله اشوف كل الرسمات الي عرضتيها حلوة

الرسمه الاولى حلوة

والثانيه ك كركتييير وايد عجيبه بعد

وبالعكس هالموضوع حق كل شي

انا لو افضى اشويه بحط خمام ماله اول ولا تالي

بس المشكله وقتي ضيق

وصدقتي في مقولة كبش الفداء

[بنت الدلع]

^ مادري شو يايني عالـ figure sketch

[المحاق المشتعل]

ياسلام عليج ... والله كشخه سويتيه

هيهيهي لو انا منج باكتب تحته جالس لحالي ولحاي

واخيراً حد شارك بعد طول انتظار

سامحوني هاي الفترة مب املحق ارسم شي لضيق الوقت عندي

ان شالله بنكون متواصلين

بنت الدلع

بالعكس يا مبدعه

انا بتبنى موهبتج هاي بس استمري فيها

ولا تستهينين فيها ابداً ترى هذا فن وهذا استايلج الخاص

بالتوفيق ان شالله

[دانة حتا]

فكرة واااااااايد حلوه شفت اشيااااا صدق كوووووووول

الله يعطيكم العاافيه

[المحاق المشتعل]

دانة حتا

شكراً لج على كلمتج الطيبه اختي

وان شالله تنال مواضيعنا القليل كل اعجابكم

محاق

[أنامل قلب]

السلام عليكم ورحمة الله وبركاته ..
اممم .. مساء النور والنوير يا جماعة الخير ..
كيف حالكم .. عساكم طيوبين وبنعمه وعافيه .. ^_^ ..

اممم .. أول شي قرت عينكم برجعتي لول .. >> أسولف .. !
اننننزين .. أقول ..
وانا أقلب بفايلاتي القديمه .. لقيت لي جم من رسمه واللي امبينهم كانت رسمه ميهوده لوحده تشبه شخصية ويلي (( يمجلة فتيات )) ..
والله أيام ..
طبعا خطر عـ بالي موضوع أستاذنا الطيب المحاق المشتعل (( جان تعرفونه احم )) بواحة الرسم بعنوان مكساتكم ..
(( + )) تذكرت بإني صرت غاوية فضايح .. وجان بنفضح بالرسمه ..
خلني بالمره أصور لهم معاها الرسمه اللي دزيتها مره للمجله .. لمن اشتركت ورسمت لهم ليلى الصغيره ..
يعني للعلم يعني يعني .. امم .. للعلم يعني ..
الرسوم جديمه .. ولولا ان المجله ذكرت عمري جان ماتذكرته .. 15 سنه ..
احم .. وطبعا لازم أتفنن بالتصوير المشوه ابـ مبايلي ..
فاسمحولي يعني الصور مو واضحه كلش ..

وكاهو خمام إختكم الكريمه ..
بس عن اعجابكم المفرط بالرسمتين يسببلكم حاله نفسية عويصه نتيجه اعجازكم عن وصف وناستكم ابهم .. !!
يعني ماله داعي لتسطير تعليقات وحجي حلو ووالخ ..
اعجابكم تراه واصل واصل ..
وكاهي الرسوم السنعه >>>
>>
>







امممم .. الأولى ماعندي تعليق عليها ..
بس الثانيه مادري كيف وليش دق براسي أرسملهم الشخصية اللي طلبوها وأدزها ..

وأخيرا ..
قبل لا تقولون بلاها هالبنت وايد تهذر .. ماتقدر تحط الرسوم وتنطم ..
بقوم بروحي وبنحاش بكرامتي ..

:

ربي لكم حافظ .. ^_^ ..
والسموحه عالقصور ..

احترامي ..
إختكم ..

[المحاق المشتعل]

ماشالله عليج

عيني علييج بارده فنانتنا

وأخيرا طلع المستخبا هيهيهيهي



ماشالله عليج غاويه رسماتج

وصح هذره فاضيه مالها معنى

عيل تعتبرينهم خمام

والله ابجد وايد حلوة

والرسمه الثانيه وايد عيبتني

واي مجله هاي ؟؟

انا كنت بعرض رسمات لي رسمتها في مجله بعد

بس ما صار نصيب

ان شالله اذا اتفيجت بشاركج العرض

انامل هاي آخر مرة اتقللين من قيمة لوحاتج

ترى بعصب عليج

وصدقيني ايييد عمة العيم ماشالله ( إيد خبازيين ) يا وييلج منها



بالتوفيق فنانتنا ولا تحرمينا جديدج

محاق

[ايه احبك]

أنامل ايخبلوووون ويا ربي عالدموووع
انا مشكلتي يوم استخدم الرصاص ما اتقن السيز ولا الخط ايكون عدل وايد اتأرف
المحاق وينك يا عمي مختفي ؟؟ّّّ!!!!