وداعآ تيري هنري !

[ألم ترى]

بسم الله الرحمن الرحيم



أكمل المهاجم الفرنسي تيري هنري صفقة انتقاله الرسمية الى نادي برشلونة وصيف بطل دوري الإسباني
قادما من ارسنال الانجليزي مقابل 24 مليون يورو (32.29 مليون دولار) لمدة اربعة اعوام
لـ الأمانه تم نقل المحتوى من موقع الرياضة الى الأبد

[كـلـكـلـووش]

بـــل أهلا تيري هنري في النيوكامب .. يا سلام على البارسا السنه اليايه ..

اخبار ايضا تتحدث عن انتقال ديكو و الاتسغناء عن خدماته ..

يا ويلك يا الريال السنه اليايه خخخخ

[كـلـكـلـووش]

[كـلـكـلـووش]

جذه بيخيطهم السنه اليايه لوول

[كـلـكـلـووش]

شوفو عدد الجماهير اللي اليايه بس تستقبل تيري هنري ..

30 ألــف شخص ..



رقم ما يوصل عندنا في الدوله حتى لو كانت قمه بين فريقين كبيرين .. و هناك يوصل هالرقم فقط لأستقبال لاعب ..

استقبال اكثر من رائع لتيري هنري .. اعتقد بيقابله مردود كبير من اللاعب ..

[تنينه]

هيي والله شرات ما قال كلكلووش أهلااً بـ هنري وو بـعد لول ؛


ويستاهل هنريي هالاستقبال الكبيير واتوقع انه بيتميز وبيعطي الكثير للبرشلوونـه

[المنصوري]

هب الريال (( الملكي )) اللي يخاف من (( مريض )) عرق النســـااااااااا

عن نفسي أحب اللاعب تيري هنــري واعتبره افضل مهاجم في العالم مع الاوكراني شيفو

بس ما اتمنى له التوفيق

شكراً ألم تــرى

ومبروك على البارسا توريه (( يحيى او يايا توريه ))

وفي انتظار صفات الريـــااااال

..

[كـلـكـلـووش]

المنصوري .. رونالدينهو و ايتو كانو مخوفين الريال (( الملكي )) فـ ما بالك اذا الاثنين صارو ثلاثه ! ..

آخر خبر سمعته عن الانتقالات في الريال ان كاكا يفكر ينتقل للريال .. و ريال مدريد مهتم بتيفيز المهاجم الارجنتيني ..

[المنصوري]

الشي اللي يضحكني هو الكلام اللي قاله رئيس نادي برشلونه ( لابورتــا ) السنة اللي طافت

تيري هنري رفض انه ينتقل للبارســا وقال وقتها الرئيس : بيندم هنري وما راح نقدم له طلب مرة ثانيـــة .. والحينه اشوفه طار الحلج جنــبـــه

..

اخويه كلكلوش

انت لحالك قلت كــااانواااا ( هب النيجيري ) ..
اذا فيه لاعب يستحق الاحترام ( لمستواه ) في برشلونه فهو الأرجنتيــني (( ميســـي ))

على فكرة ,,
أتمنى اتكون تعاقدات البارسا قوية والأندية الإسبانية الأخرى أقوى .. نبى انشوف دوري أحلى من السنــة هذي ,,

..

الريال

كاكا شكله بيودي الريال في ستين جهنم
يقولون ابو كاكا يشتغل مع برلوسكوني
وامه مع فريق سلة ايطالي
وهو مستانس مع حرمتـــه
انتقاله (( جداً جداً )) صعــب
بس شكله ( كالديرون ) فيه عرق صعيدي


كنت أتمنى أشوف ( ريبيري ) في الريال
والحينه على أمل اني أشوف ( ناصري ) بلبس الملكي

شكراً صاحب الموضوع ألم ترى

..

[كـلـكـلـووش]

اخوي هذي كرة قدم ! و اذا الموضوع فيه مصلحه للفريق تراه بيقدم طلب .. و تدري .. في الادارات اللي في اوروبا رئيس النادي مش الوحيد اللي يملك الكلمه .. ترى في اعضاء مجلس اداره ولهم راي ايضا و غير الاسبونسر اللي يدفع للنادي مقابل انضمام نجوم كبار للفريق ..

و عن المستوى .. مستوى اي لاعب ممكن يكون في تذبذب .. مره فوق و مره تحت .. و ميسي لاعب صغير .. بعكس رونالدينهو و ايتو .. و اللاعب الصغير دايما يبرز لإنه فيه حيويه و يقدر يعطي اكثر .. خصوصا اذا كان عنده موهبه مثل ميسي ..

و ريبري خلاص انتقل لبايرن ميونيخ .. والله يوفقكم مع ناصري ..

[مجموعة إنسان]

يااااااااااااااااااااكم هنريييييييييييييييييييييي ييييي

[كـلـكـلـووش]

و جديد البارسا ..



يحيى توريه .. لاعب محور ,, و كان يلعب في موناكو الفرنسي .. 24 سنه

--------------------------------------



هنري يداعب الكرة امام 30 الف مشجع برشلوني

[ألم ترى]

اف ماشيء مدريدي يوقف وياي !
يلا ماعلينا ههههه

المنصوري و كلكلوش
شكرآ من القلب ع تواصلكم

[جنون امرأة]

شي خطير الصراحه .. راحوا فيها الجماعه ..

ثلاثي برشلونه العنيف .. منو بيوقف يدامهم هذيل ؟؟؟