مشكـلة الكتـابة بالعـربي فـي Internet Explorer

[قــبقــوبـه]

السـلام عليـكم ورحمـة الله وبــركاته

شحـالكم عـرب الواحـات
يا مرحبـا بكم

غبــار غبــار من زمـان ما حـدرت لـوول


انزيييييين يقـولكم أنا عنـدي مشكـلة عويصـه فالاب تـوب انه يـوم أبغي أكتـب بالعربي فأي موقـع سواءً في قــوقل أو فـالواحـات يظهـرلي رموز وحروف بالانجـلش

مثـال : EFJ(D*BG.AF'(DFFEJ(*D9A


حـاولت أني أنـزل internet explorer
يـديد عسب أحل المشـكله بس ما انحـلت وغيرت فالـكنترول بانـل بعـد ما نفع ويــايه حتى من الأوبشينز الي فالانترنت أكسبـلـورو

قــرموشه صـديقتـي الصـدوقـه : تقـولي وديـه محـل كمبيـوتر عسب يصلحلج إيــاه بس وانه ما بيـاخذ وقـت بس عـاد أنا قمـة الهيـازة ويين أروم أسير محل كمبيوتـر

عسب جـذه قلت ما عنـديه الا هل الواحــات يسـاعدوني (انـدووكم اللواتـه )

شو الشـور فيه أمـل اني روحي أتعبث فيه وأصلحـه ولا لازم أوديـه
شـوروا عليييــه


فمــان الله


In Advance

[بوزايد]

انتي منزله يمكن بار الياهو او الجوجل

لازم تحذفيهم وبتتصلح المشكلهــ

[الدلووووعة]

انتي يمكن منزله مال قوقل

اذا منزله ها سيري امسحيه لأنه ها اللي يخليه جي

انا كانت عندي ها المشكله بس من ويوم مسحته رد عادي

[قــبقــوبـه]

حـذفتهـم بعـد ما فـاد
وكنت منـزله البار مال الميجـا أبـلود بعـد حذفتـه وما اتغيـر شي

[بوزايد]

في حل سوي حركة استعادة النظام تعرفينها

[قــبقــوبـه]

هييه بس ما اعـرف كيف يسـوونها بس اذا سـويت جـذه ما بتنمسـح البـرامج اليـديده والأشيـاء البـاقيه من الاب تـوب ؟

[بوزايد]

امبلا خخخخ

لازم ينمسحن يمكن انزين من هالبرامج

[قــبقــوبـه]

لا حــرام قلبـي بيعـورني على البـرامج الي منزلتنهم ومنزله أفلام ومسلسـلات الدنيـا
الله يهـداك دورلـي حل ما ياكـلي فـوادي

[بوزايد]

يا ربي اعتقد اني مار بهذي المشكله قبل

بس انا ع طول ما عندي هالسوالف فوادي يعورني كله فورمات


بس ما عليج بوزايد

يابلج الحل


شوفي هنيه شرح بالصور


http://www.alfaten.com/voice/lang.html

[قــبقــوبـه]

سويـت نفـس الي محـطوط فالشـرح
والي فالكنترول بانل نفـس الشـي exactly
والبـرات ماخليـت واحـد منهم كلـهم حذفتهـم !!!

[بوزايد]

روحي لقائمة إبدأ ..
ثم إختاري "تشغيل / Run " ..
و بعدين ألصقي الكود التالي ..
كود:

rundll32.exe setupapi,InstallHinfSection DefaultInstall 132 c:\windows\inf\ie.inf


ثم اضغطي زر أنتر ..
إنتظري ثواني ..
و بعدين يطلب منج السيدي حق الوندوز .. إن كان عند أدخليه و إن كان العكس سوي "Cancel" ..
و عيدي تشغيل الجهاز ..
و بالتوفيج

[خيال الحب]

انتي منزله الريل بلير 11؟

[بوزايد]

صح خيال

اذا منزله برنامج ريل بليير حذفي كل المرفقات ماله لو ما استوت الطريقه الي قلتلج عليها


واذا ما استوى هذا كله

روحي لانترنت اوبشن

بروجرامز

وسوي ديسيبل للكل البرامج

وبعدين بيكتب عربي

وكل حين خوزي صح عن واحد وشوفي يكتب عربي ولا

لين ما تعرفي من اي برنامج الغلط وسويله ديسيبل

[قــبقــوبـه]

جربـت طريقـة الكـوود بو زايـد ما اشتغـلت
بجـرب أحـذف الريل بلايـر

[قرموشة]

الحينه لو مودتنـه عند راعي المحـل وياراسج جـان زمـانه تصلح عندج P=
شادين حيلهـم الجمـاعه و بيساااعدوونـج لوول