(::~~ الــحــب أســمــى عــاطــفــة ~~::)

**مايهزك ريح** · 19-06-07 ||, 10:32 AM

تصميم يديد .. ومحاولة يديده لدمج صورتين ..

بس المشكله يوم احول من صيغة لصيغة ( jpg >> BMP ) يسوي نويز على الخط بس ..

شو الراي ..

**شوق القلوب** · 19-06-07 ||, 10:42 AM

الســـلام عليـــكم...

مــاشـــاء الله .. جداً رومانسيــه

..

عندي تعليق ع التنفيذ..

ليش ما خليت صورة البجع في اطار.. ع اساس اتبين كأنها صوره و منثور عليها ورد..
صح هي هذي فكرتك.. بس اتوقع لو فيه اطار بسيط بتطلع احلى ..

**مايهزك ريح** · 19-06-07 ||, 11:14 AM

وعليكم السلام .. حياالله شوق القلوب ..

اولا مشكورة على الرد ..
ثانيا .. بالنسبة للإطار انا دامج صورة الورد ويا البجع .. احس انه صعب اسويلها اطار !!!

**بنت الدلع** · 19-06-07 ||, 12:20 PM

وايد عيبتني الفكره
وتنفيذك طلع مرتب
حلو ان الصوره تكون داخل الورود
وجيه كأن الورود منثوره فوقها
حبيتها
تنفع تكون بطاقة دعوه
جيه بسيطه ومرتبه

شكلك ناسي تحط توقيعك عالصوره ^^

عندي سؤال
انته يوم تبدأ تصمم كيف تبدأ
تفتح صفحة BMP ولا كيف؟

**مايهزك ريح** · 19-06-07 ||, 12:48 PM

اشكرك اختي بنت الدلع على الرد ..

توني انتبهت اني ما حطيت توقيعي على التصميم ..

انا يوم ابتدي اتكون jpg بس يوم اظيف layers لازم اخر شي اسويلها flat image ..

وبعدين اسوي save as الصيغة اللي اباها .. بس يوم تتسيف على صيغة bmp اتكون واضحة ..
ويوم اسيف على صيغة jpg الخط يخترب ..

هل عندج حل للمشكله .. لأنه هالسالفة مطفرتني

**قرموشة** · 19-06-07 ||, 01:10 PM

ليييش تسـسوي جـي !؟!
افتـحهــا على صيغـه jpe عاادي واشتغـل علييهــا عاااادي .. ونزل الليرات اللي تبااهـــا ..
وبعـدين يــوم تخـلص احفظـها على هيئه jpg
وما يحتاي تغير من صيغه لـ صيغـه !
ولا تسـوي flat image موول اشتغل على الليرات عادي ويوم بتحفظ التصميم خله ليرات وسو save as واختار jpg
مب لازم تحطه bmp
والتصمـيم وايـد حـلوو .. عيبتني الحركـــه وايــد .. بس الخــط =S

**بنت الدلع** · 19-06-07 ||, 01:30 PM

ليش flat image

ماله داعي
المسأله بسيطه جدا
لو عندك 20 لاير
عاااااااااااااااااااااااد ي
لاتسولهم سالفه وتسوي فلات اميج
وجان تبا تدمجهم ويا بعض سو Merge layers

وبعد ماله داعي

سوالف الميرج اكثر شي تستخدم يوم تكون الصوره animated
وتبا تحولها للـ image ready

**مايهزك ريح** · 19-06-07 ||, 01:41 PM

مرحبا خواتي ..

قرموشة .. وبنت الدلع ..
مشكورين على الرد ..

وجان اكتشف ليش ..

السبب طلع اني يوم اسيفها jpg يطلب مني الـquality للصورة .. وانا ما انتبه احطه Low
يوم حطيته medium أو high اتكون واضحة
واسمحولي صدعتكم

برد احط الصورة مرة ثانيه

**بوزايد** · 19-06-07 ||, 02:53 PM

انا ما يخصني بالتصميم ابدا

بس اشوف

ما اعرف اتفلسف واوضح خخ

تسلم ع التصميم

شكلنا بنشل شي منهم عادي صح

ادري

شكرا

**مايهزك ريح** · 19-06-07 ||, 03:05 PM

حيالله بوزايد ..
تسلم على الرد .. وشل اللي يعيبك .. مرخوص شيخي

**بنوتة جميرا** · 19-06-07 ||, 04:54 PM

حلوووو
الاحمر= الرومانسيه
شكلي بصرق التصميم..خخخخ
يعطيك العافيه...

**مايهزك ريح** · 19-06-07 ||, 05:52 PM

حيالله ينوتة جميرا .. اشكرك على الرد ..

**طير الغرام** · 20-06-07 ||, 08:01 PM

تصميم رائـــع

:

وشكلكـ من العيله نسيت اتحط توقيعكـ

**مايهزك ريح** · 20-06-07 ||, 09:19 PM

اشكرك اختي طير الغرام على الرد ..
شفتي عاد.. كنت وايد مستانس .. ابا انزله ابسرعه .. فحطيته بدون توقيع ..

**ذنـيـنـي** · 27-06-07 ||, 04:01 AM

اييييييه انتوا

عن شو ترمسووووون
احس انه سوالفكم تفوق قدراتي العقلية لول

انا أعرف اسوي شيئين في الفوتوشوب
نمبر ون هو تعديل الالوان و معالجتها
و نمبر تو هو اني اسوي كروب للصور لول

و طبعا اعرف اسوي اطار للصور و بس،، ما اعرف اسوي ايييييييي شييييييييي غير هالشيئين

آخـــر الــمــواضــيــع

الموضوع: (:: الــحــب أســمــى عــاطــفــة ::)

أدوات الموضوع

عرض

Hybrid View