عموووه خلف الكواليـس (^_^)

[عمة العيم]

السلام عليكم و رحمة الله و بركاته

طبعاً حجتني يدي قلت ابغي ارسم الصوره خخخخ



و شان شيزي شان زين

و شااان شينو اقولكم شااان رسمت




تتحدون التوقيع اونه قوقل عموتي


(^_^)
...

[العجيبة]

ههههههه

لا وين نتحدى عمووه

عموه مسكته الشعوووب لوول ..

واااايد حلوووو يا عمووتهم خخخ

[أنامل قلب]

صدق التظليل عندج شيـــــــــــــــــــــ ـ ـ ^_^ـ ـ

ما شاء الله عليج عموه ..
جدا جدا جدا لفتني التظليل الطيب بالصحن
وهم بعد الكوب ماقصرتي فيه ما شاء الله ..

:

أقول عموه ..
صراحتن صراحتن صراحتن صراحتن
من زود ما شفت هالكوب والقلاص قمت أحس بلوعة جبد

خخخ
صدق والله ماجد جابلت صورة كثر ماجابلت هذي

:

وعن رسمتج يام الشان شينو وشان شيزي
أكيد ما عليها كلام ..

وسلمتي خيتو .. ^_^ ..

[مايهزك ريح]

يا خطيرة انتي .. تسلم الأنامل ...

[قرموشة]

مااطلعت لي الصووره عموووووووووووووووه

[المحاق المشتعل]

السلام عليكم ورحمة الله وبركاته

هلا والله ابعموت الفن

طبعاً انا خقاق شفت اللوحة قبل الكل

وقلت حق عمو لا تحطينها في موضوع المسابقه في البدايه لأنج

لو حطيتيها نص الاعضاء اخاف يجيسهم احباط وما بيرسمون

ماشالله عليها عمو

فنانه بمعنى الكلمة بحق

ودام انه الموضوع انفتح اهني

خلوني اشويه انتقد لوحات الاعضاء ولوحة عمو

عشان أوصلكم لنقطه لو اتعيرونها اشوية انتباه

بيطلع الكوب اكثر واقعيه

في الحقيقه لاحظت انه كل لوحات المشاركين من الاعضاء

فيها نقطة ضعف في شي واحد

وهو رسم قاعدة الكوب وتظليلها

وبالأخص التظليل

في كل اللوحات لو تلاحظون

باتشوفون ان الكوب ما يبين انه واقف بشكل متقن 100% على الصحن

يبين جنه اشويه مرتفع عنه

والسبب يرجع لتظليل الصحن نفسه

لازم يكون في تظليل اغمق في وسط الصحن ( مثل الحفرة )

عشان يبين الكوب بإتقان واضح انه متمركز على الصحن في هاي الدائرة الصغيرة للصحن

عمو لوحتج أشهد لها بالابداع المتقن

وعندي ملاحظه

ركزي على النقطه إلي قلتها اذا سويتيها بتطلع الرسمه اكثر واقعيه

والشي الثاني

حاولي اتخففين نسبة الإضاءة في الصحن من الامام عشان تتزن اللوحة بدرجاتها اللونيه

يعني من يمين الصحن زيدي تظليلي الرصاص بشكل خفيف ان الإضاءة اتم لكن

مب بصورة قويه وسوي هالشي لين نص الصحن وعقب شوفي كيف بيكون

شكل الصحن ويا الكوب

عمو انا اول ما شفت رسمتج في الرسايل وايد انبهرت بجمالها والله

ربي يديم لج هاي الموهبه الجميله

ويعطيج ألف عافيه على هالفن

......

السموحة من الاعضاء إلي مانتقدنا لوحاتهم في مسابقة الرسم

انا ما بنتقدها في اي موضوع إلي حاب انتقد عمله

يرسلي عالخاص عشان انراعي مشاعر الفنانين إلي ما يعيبهم الانتقاد امام العامه

وشكر خاص لعمو وللجميع على كل ابداع

محاق

[الشوق]

اخوي المحاق .. اختي عمة العيـــــــــــم
في انتظار انتقادتكم لرسمتى ...
ادري اني حصلت صعوبه في رسم اللوحه بس الا اعرف اخطائي لاني ما بتعلم ..
ودام اني اتشجعت ورسمت معاكم علشان اشارك في المسابقه .. لازم مااخاف ولا استحي في تقبل الانتقاد ...
.
.
.
في انتظار انتقاداتكم الطيبه
والسموحه اختكم/ الشوق

[المحاق المشتعل]

هلا فيج اختي الشوق

أولاً احييج وايد على مشاركتج الجميله

إلي زادت من وناسة المسابقه وانضمت إلى تلك الباقات الرائعه

بالنسبة لإنتقادي

انتي ماعندج مشكله في الوقت الحالي

يمكن تستغربين من ردي

لكن بالفعل

انتي ماعندج إلا مشكله وحده بس

الممارسة المستمرة لتثبيت الخبرة فقط

انتي تعرفين ترسمين

لكن تنقصج الخبرة الميدانيه عشان تتقنين الرسمه مثل رسمات الاوائل

لأنه لو انتقدتج وانتي تنقصج الخبرة باظلمج

الانتقاد الصائب في هالوقت

هو زيدي من نسبة الممارسة وأضيف

زيدي من نسبة التأمل والتمعن في اللوحات الأخرى وقارنيها بلوحتج

ولا اقصد التممعن العادي

ولكن التمعن الفاحص الدقيق

ومن التأمل... التأمل في مخلوقات الله تعالى وهي عبادة

فاستغليها كعباده وفي نفس الوقت كتعلم لهاي الهوايه

يمكن يكون كلامي ما يدش القلب

لكن والله الممارسه وايد تقوي الاداء ومانقدر انعلم من غير ممارسه

وهاي هي مشكلتج الوحيده في الوقت الحالي

وان شالله تبدي عمو رايها بعد

[قرموشة]

ظهـرت !
الله .. ماشاء الله عليـج عمووه .. لو شاركتـي بدون تردد بتكون في المرتبـه الأولـى ..
وايـد حلوة الرسمـه

[بنت الدلع]

الله علــــيج

رسمتج وايد متقنه ماشاءالله
وحبيت طريقتج في توزيع الظل

[خيال الحب]

ياسلااااااااااااااااااااا اااااااااااااااام

والله شي عجيب ^__^

تسلم الايادي

[بوزايد]

حلووو تسلمييين

[دموع قلم]

آآآآآهـــ ..
يــاااربـي كيـف عيبتنـــي ..!

روعـــة بجــد أختـي عمـة العـيم ..
خطـوطهـا جـدا دقيقـة ومرتبــة ..
مـا شـاء الله عليـج أبـدعتـي بالرسمــة ..!

عسـانـا ما ننحـرم من هالتميـز ..
ووومنـكم نستفيـد ونتعلـم ..

^_^

[نجمة دبي]

ما شاء الله
فعلا الرسمه حلووووووه وطبقتيها صح عموووه

الحينه عاد بنتريا رسمة المحاق ^_^ ما يخصني خخخخخ

[عمة العيم]

نجمة دبي... الله يسلمج و صدقج انا بعد كنت يايـه اطلب من المحاق يرســم...ابا انتق رسمتك مب بس تنتقد رسمتـي هههه سوالف يا فناننا

دموع قلم .... بوزايد ... خيال الحب... كلكم ذوق


الشوق... طبعاً المحاق كفى ووفى... وانا ؤئيد كلامه (صح كتبت كلمة ؤئيد صلحوا لي خخخ) و اقولج مارسي انج ترسمين الاشكال من جميع الزوايا...تخيلي ترسمين اسطوانه جدامج تخيلي ترسمين اسطوانه فوقج كيف يستوي شكلها تخيلي و هي تحتج كيف شكلها و مثـال بحط لج هالصور عاد رسمتها خصيصاً عشانج



اول شي ترسمين خط الافق...معناته اخر نقه من سطح البحر ولا الارض....عقب لو نبا نرسسم المربع فوق خط الافق نحدد النقطتين (الحمر) وبعدين نرسم خط من بداية نقطة الافق (x) لي النقط اللي حددناها
عقبها نرسم الخطوط الطوليه (الزرقه) و عقب نكمل نوصل الخطوط من خط الافق الى باقي زوايا المربع


و نفس القصه لو نبا نرسم المربع تحت خط الافق ولا نبا نرسم على خط الافق...عاده انت يو خيالج تفنني

اتمنى ان كلامي فادج



بنت الدلع... اشكرج الغاليه


المحاق... الله يسلمك ...و كلامك صحيح النقاط اللي ذكرتهم حسيت فيهن ههههه بس ماعطيت اهتمام للرسمه مال مشي حالك ...

قرموشه... اخيرن شفتيها شكرن

مايهزك ريح.... الله يسلمك طلعت خطيره!


العجيبه... انامل قلب... فديتكن تسلمون كتير كتير



(^_^)
...