الفائزين بالمراكز الأولى بمسابقة واحات بن دبي للرسم

[عمة العيم]

تستاهلون الفوز والله

الصراحه احترنا منو نختار للمركز الاول لأن ماشاء الله كل رسمه فيها شي جميل و حلو و متقن

وانا ابداً ما توقعت بعض المشاركين يكونون على هذا المستوى الجميل في الاتقان و التظليل

وهالشي يخلينا نتشجع و نتحمس نسوي مسابقات وايده

و ان شاء الله في المرات اليايه بنراعي الوقت لأن هالمسابقه كانت قبل فترة الامتحانات و خسرنا مشاركات كثيره لانهم ماراموا يرسمون ....

محاقنــــــــا...لك جزيل الشكر على المجهود و الاهتمام...الصراحه انا كنت ايرك وانت تيرني....هههههه لي ما انتهت المسابقه و اخترنا المراكز الاولى...

الحمد لله على كل حال....و الحمد لله ان المسابقه تمت على خير...

و الف مبروك للفنانه (قطرة ندى)
و الف مبروك للفنانه (أمطار)
و الف مبروك للفنانه (همس الشفايف)

و الــــف مبروك للمشاركين كلهم لان مجرد انهم اشتركوا ويانا هم فاز

و اتمنى من الفايزات و المشاركين جميعاً انهم يستمرون في هذا الفن الراقي و كل شخص يتبع اسلوبه في الرسم عشان دائماً تكونون متميزين و فنانين...

مثل ما قلت لكم في الرسم

انسوا شي اسمه خــــــــــــــــوف

لو ماخفتوا هذا معناته بديتوا تـــبـدعــــــــــون


(^_^)
...

[الشوق]

ياويلي انا
هيههي اختارواالرقم اللي رشحتـــــــــــه
سبحان الله كان عندي احساس ان هذي الرسمه لقطرة ندى
بس اللي فاجأتني اب صراحه (( امطــــــــار )) هيههي مااتوقعتج هالكثر فنانه ..
وانتي تدرين يالسه اقووول ياربي ليش كوبها يلمع عن باقي الاكواب .. هيههي
ممكن اتخبريني عن الســـــــــر
..
همس الشفايف .. مبروك يالغاليه .. اول مره اشووف مشاركه فنيه لج واتمنى انها ما اتكون الاخيره ..
ابصراحه ابدعتوا .. وابدع الكثيرين في هذي المسابقه
جد فرحت على هالتنافس الحلو .. على هالابداع الجميل . على هاللوحات الحلوه اللي شهدناها في هالمسابقه ..
جد فرحت على الروح الطيبه .. والتفاعل الجميل اللي لمسته من المشاركين ..
احلى مسابقه .. واحلى تفاعل .. واحلى مجموعه شاركتها .. كجميع المسابقات هذي
.
.
.

لالا لا اتخافون .. هذي دموع الفرح ..
فرحتي بيكم اب صراحه تستاهلون والف الف مبروك
.
.
.
اوووه نسيت ... محاقنا .. نبي انتقادك على كل اللوحات رجاء مثل ما وعدتنا ...
نحن ما نوقف عن نقطة الخساره لان بنجاح اخوانا .. هذا يعتبر اكبر فوز لنا لانهم صدق يستاهلون ..
.
.
.
ونسيت ابلغ الاخوات الثلاث من بعد اذن اخوي الكريم محاق المشتعل
يرسلون بريدهم الالكتروني عبر رسايل الشوق الخاصه
وتسلمون
الشوق
12-06-2007

[المحاق المشتعل]

تست تست



احب ابلغكم ان الهديه طارت من عندي ومتوجهه لعمة العيم

وان شالله من عمة العيم باتطير لقطرة ندى بإذن الله تعالى





الشوق

جزيل الشكر على ردج الطيب

انا عن نفسي بانتقد بس انا اشوف اني انتقد إلي يباني انتقد لوحته في الرسايل الخاصه

أفضل عشان ما نحرج إلي ما يحبون النقد فإلي يبا نقد حاضرين للطيبين لكن راسلوني في

الخاص

[الـيـاه]

سلاااااااام !!



قـــطرة نــدى
أمـطـــار
همس الشفايف


مبروووووووووووك ع الـفــوز
كلكم تستاهلووووون والله .. وماشاء الله رسماتكم كلها حلوه
ليش غايبين عن هالواحه دامكم مبدعين



عـمـة العـيـم
المـحـاق المشتعل


ماقصررررررتو والله
وكل الشكر لكم ع المجهود اللي بذلتوه
يعطيكم ألف عافيه


.
.
.

[عديم الشوق]

مبروووووووووووووووووكيييي ييييييين

تستاهلوووووووون والله

^_____^

ما شاء الله عليكم

[همس الشفايف]

عمة العيم
محاقنا
يعطيكم العافيه على هالمسابقه
المسابقه عطتني دافع كبير للرسم
و ان شاء الله ما بتكون اخر رسماتي

قطرة ندى
ألف ألف مبروووووووووووووك
تستاهلين كل خير
و رسمتج تستاهل المركز الاول لانج فعلا ابدعتي

أمطار و باقي المشاركات فالمسابقه
الكل ابدع و كفايه جو التنافس و الحماس اللي شفناه فالمسابقه
انا كنت متحمسه واااايد بس حماسي كان "خلف الكواليس"
ان شاء الله نجتمع شرات هالجمعه فمسابقات ثانيه

عموووه و محاقنا نتريا المسابقه اليايه

[زهرة الوادي]

السلام عليكم ورحمة الله وبركاته

بداية أشكر القائمين على هذه المسابقة الرائعه حقاً

وأبارك للموهوبين المتألقين الفائزين والمشاركين في المسابقه

وأهنئي غاليتي قطرة ندى على ابداعها

حفظكِ الله ورعاكِ

وان شاءالله اجوف معرض لرسوماتج عن قريب

لكِ مني أرق واندى تحيّه

محبتكِ

زهرة الوادي

[طير الغرام]

ألـف مبــروووك للفايزين

:

كان ودي أجحل اعيوني بإبــدااعهــم
بس للأسف الصور ما ظهرتليه !

[المحاق المشتعل]

طير الغرام

تقدرين اتشوفين الرسمات احينه =)

[طير الحب]

تستاهلون والف مبروووك