آخـــر الــمــواضــيــع

النتائج 1 إلى 7 من 7

الموضوع: انتــــــه وفضولك .؟؟؟ اللي يذبح

  1. #1
    عضوية الدكتوراه الصورة الرمزية الشوق
    تاريخ التسجيل
    Dec 2001
    المشاركات
    3,296
    قوة التمثيل
    435

    انتــــــه وفضولك .؟؟؟ اللي يذبح

    الـــــسلام عليكم ورحمة الله وبركـــــــــاته ....

    كيف هي حياتك وانت عايش بين ناس اتحبهم وتحترمهم .. واييك احساس انك تهتم بأناس عندهم مشاكل
    لكن احساسك الداخلي يقولك (( خلك قوي ورز بويهك وحل هذي الازمه )) شارك معاه حتى اذا لم يطلب منك ذلك ..
    لكن اذا انجلب هالفضول لحد (( التدخل اللاشعوري)) من طرفك .. والتصرف بالامور من غير ما يطلب منك ..
    وساعات هالاحساس ممكن يصيبك .. ويخليك اتفكر واتحاتي .. وتزعل يوم يكون في موقف صاير .. وهالموقف كبر وانته فاتك .. وما لحقت عليه ..
    تيلس تبحث وتسال واتدور. .. وين انا كنت .. وشو اللي صار .. وشو مستوي ... وليش صار ومحد خبرني عنه ...
    .
    .
    .
    وهذا اللي يصير من بيننا في حياتنا اليوميه .... وسوف اضرب امثله لبعض انواع الفضول ,,,

    مثــــــــــال اســــــري ,,,,::
    لما اتكون هناك مكالمه بين الزوجه وصديقتها .. واتكون الزوجه مندمجه في تفاصيل هذه المكالمه .. ما ان تهم الزوجه على الاغلاق ..
    - الزوج :- من اتكلمين
    - الزوجه:- صديقتي فلانه .
    - الزوج :- وش قالت...؟؟ وش تبى ؟؟ وليش سالتج عن ( كذا وكذا وكذا ..... )
    حتى وان كان هذا الزوج لا علاقة له بالموضوع فهو يدخل عصه في شي ما يخصه ؟؟؟
    .
    .
    .
    وهناك لمثــــــــال من الحياه ؟؟؟
    صار حادث في وسط الشارع...
    واتيمعوا الناس .... واتلموا ع الشخص اللي اندعم وبدل ما يتصلون ويحاولون ينقذون الموقف
    اتحصلونهم متيمعين حوالين الشخص اللي اندعم حتى النفس حابسينه من تجمعهم ..
    ولا بعد غير اللي اتجمعوا على الشقق ويطالعون السالفه من شققهم ..
    اتقولون يالسين في الهند مب في البلاد ..
    .
    .
    .
    فلنظربمثـــــال واحـــــــاتي
    عضو من الواحات يعاتب شخص عزيز عليه ... وزعلان منه في احد المواضيع
    وفجأه اتحصل كل اللي حدر الموضوع دخل .. ومنهم من يحاول يشد من ازره ..ومنهم من يفول الشخص على المعتوب ..
    ومنهم من يبحث عن الشخص المقصود من هالعتب ..
    ومتناسين المثل الدارج بينا يقول (( الفضول ذبح القطوة أو الفضول قتل العيوز ))

    .
    .
    .
    اذا هناك الكثير من الامور التي قد تحدث وتصير أحيانا وقد يقال انه من باب الفضول ..
    والبعض يرى انه نوع من الاهتمام ..حين يرغبون باكتشاف اسرار الناس ويفرحون لمعرفة ما يدور ويحصل ؟؟؟حتى وان لم يكونوا هم العامل المساعد في حل هذه المشكله ؟ وهناك من الفئات التي تنطبق عليهم المثل القائل (( رزة الفيس من طبايع التيس )) وانتوا اب كرامه .. بمعنى يدخاون عصهم في الشي اللي يخصهم او اللي ما يخصهم ... ويحبون يتلصصون لاخبار الناس ويترقبون اي مصيبه او اي شي بس علشان يعرفون شو اللي يدور لهالشخص او وين راح وكلم من ورابع من ويتعامل مع من ؟؟
    وكل هذي الانواع اسمــــــــيه (( الفضــــــــول ))
    .
    .
    .
    اخواني الكرام .. اعضاء واحات بن دبي
    شو هو الفضول من وجهة نظرك ...
    جد حد قالك انك انسان فضولي ..واذا كنت من النوع الفضولي .. كيف تتعامل مع الناس ؟؟
    وانت كيف اتعامل الانسان الفضولي (( من خلال تجاربك مع الاخرين )) ؟
    شو هو احساسك يوم اتحس ان هناك من يتدخل في حياتك وحاب يكشف اسرارك ..حتى لو لم تعطيه التصريح بذلك؟
    .
    .

    هالموضوع حطيته علشان خاطر بنوتاتي الحلوات ... هم عارفين عمارهم بس صدق طلعن فضوليات
    واكيد سمعن بالاغنيه اللي اتقول:-
    (( وانا الست حشوره.. بحشر حالي في كل شي ..
    وين ما بسمع خبريه بركض اول شي ..
    بحب اعرف شو صار .. شو اللي عم بيصير
    وانا الست حشوره .. بحشر حالي في كل شي
    ))
    .
    .
    وحقوق الطبع محفوظه وفقط في واحات بن دبي
    تحياتي :- اختكم/ الشوق
    11-06-2007
    التعديل الأخير تم بواسطة الشوق ; 11-06-07 || الساعة 09:54 PM

  2. #2
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    509

    رد: انتــــــه وفضولك .؟؟؟ اللي يذبح

    السلام عليكم

    الفضول ....ظاهره متفشيه وااااايد بهالزمن !

    ومثل ما قالت الشوق ... الفضول أنواع ودرجات ...

    - فضول ناتج عن اهتمام بالشخص الآخر ....والغرض منه مساعدة انسانيه بحته ناتجه عن الاهتمام بهالشخص ...أب - أخ - أم -اخت- صديق- صديقه

    كمثال بسيط : الأخ داخل البيت امعصب وفاير .... الأم امويمه ....الإخت سرحانه .....

    الفضول بهالحاله اهتمام يفرض نفسه بطرح الأسئله على هالأشخاص لمعرفة السبب ! يعني فضول طبيعي

    - فضول ناتج عن حشريه زايده ! ويا كثرهم هالحشورين - الله يستر عليهم - بس هالحشورين قسمين:
    1- حشورين طيبين هدفهم نشر المحبه والخير بين الناس ( تعرفينهم أكيد يا الشوق)
    ومنهم فئة العيايز ( عند العيايز كل شيء يايز) وهالناس محد يزعل منهم لأنه فضولهم خفيف عالقلب

    2- حشورين ما ينشهون وثجال عالقلب والخاطر ( يدخلون عمرهم بشيء ما يخصهم)
    وهالفئه منتشره انتشار فضيع ....في المدارس وفي الشغل وحتى المنتديات ما خلت منهم

    مثال واقعي لفضول جاركم الله منه ...

    فلانه امشاركه بالواحات ( حلم ) .... وداخلتنها عكمبيوتر المدرسه ...أكيد شيء عادي !

    بس إلي مب عادي ومب مهضوم وثجيل عالقلب ....إنه فلانه العاقله المرموقة المستوى اتشيك عقبي عالكمبيوتر وادور عالنك نيم مالي ....عشان تعرف حلم أكثر ! ( أونه عاد)

    هالفضول مرض .... يعني صدق فيه انتهاك لخصوصية الناس ....مالج خص فيني

    3- ناس فضوليين هدفهم التنبيش بالماضي ! والتنغيز ! ( كبرنا يا ناس ...دع الخلق للخالق ...ربك بياخذ حقك )

    الشوق ....بصراحه وبدون مجامله ....موضوعج عيبني وااااااااااااايد

    وبرد أكييييد

    لأنه كما يقال عند البعض (قلبي متروووسه)

  3. #3
    أحسن عضو الصورة الرمزية بوزايد
    تاريخ التسجيل
    Dec 2005
    المشاركات
    1,779
    قوة التمثيل
    311

    رد: انتــــــه وفضولك .؟؟؟ اللي يذبح

    في كل شخص في الوجود فيه فضول الي هو حب الاستطلاع

    تسلمين ع الموضوع الشوق

  4. #4
    عضوية الدكتوراه الصورة الرمزية الشوق
    تاريخ التسجيل
    Dec 2001
    المشاركات
    3,296
    قوة التمثيل
    435

    رد: انتــــــه وفضولك .؟؟؟ اللي يذبح

    هلا بالفضول كله ...
    هلا بحلـــــــم الطفـــوله ...
    هيههيه عيبني تصنيفج لفضول العيايز ؟؟ لانهم ناس يدخلون القلب ...
    رغم ان تدخلهم بعض الاحيان يقهــــــر لكن والله انهم من خوفهم هالاهتمام وهالتدخل ..
    واتحصلون يعرفون الشي الزين لج .. وما يحبون لج الا الخير
    .
    .\
    الفضول يكون مرض لما اتحسين .. ان الست حشوره تدخل في مشاكلج
    او في خصوصياتج من دون احم ولا دستور . .
    والمشكله مب اهني .. مشكلة الست حشوووره يوم انها تبي اتعرف المشكله اللي صايرتلج
    ولا بعد ... تنشر مشكلتج لكل شخص .. يعني بدل ما تستر لهالمشكله اتحصلين انها انتشرت والسبه
    الســـــــــــت حشـــــــــوره ..
    .
    .
    .
    والله يعينا من هالفئات لان جد الواحد ما يحب يتعامل معاهم
    تسلمين يالغلا كله ع هالتواجد المميز
    ودمتي - وفي انتظار عودتج
    بس ها لا اتطولين علينا وايد
    اختج/الشوق

  5. #5
    أحسن عضو الصورة الرمزية أمرين
    تاريخ التسجيل
    Feb 2005
    المشاركات
    1,595
    قوة التمثيل
    312

    رد: انتــــــه وفضولك .؟؟؟ اللي يذبح

    لوووووووووووول

    عجبني اسلووووب سرد سوالف الفضووول والفضولييين

    تسلمين الشوق
    .
    .

    [grade="00BFFF 4169E1 0000FF"]مـا معاكمـ خبر زيـن يا رسـول السلامـه .. بسئلك عن البحرين كيف أهل المنامـه عادهم يذكرونـي ؟؟!! [/grade]

  6. #6
    عضو فعال الصورة الرمزية رويان
    تاريخ التسجيل
    Apr 2002
    المشاركات
    335
    قوة التمثيل
    284

    Question رد: انتــــــه وفضولك .؟؟؟ اللي يذبح

    ما أحب الزوجة اللي تكلم صديقتها في حضور زوجها..!!
    الزوج له احترامه.. شو ما كان !

    السؤال اللي يدور في بالي.. شو دخل هالموضوع في واحة المرأة والمجتمع
    موضوع مفتوح اكثر منه يعالج موضوع يخص المرأة أو المجتمع.. :-/
    فضول




  7. #7
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: انتــــــه وفضولك .؟؟؟ اللي يذبح

    شو هو الفضول من وجهة نظرك ...

    يوم تتدخل في شي مايعنيك وفي نفس الوقت تبغي تعرف كل شي عن الناس بسبب وبدون سبب
    جد حد قالك انك انسان فضولي ..واذا كنت من النوع الفضولي .. كيف تتعامل مع الناس ؟؟

    الحمدلله لين يومي محد قال عني هالكلام .

    وانت كيف اتعامل الانسان الفضولي (( من خلال تجاربك مع الاخرين )) ؟

    أحاول قد ماقدر اكون حذر وياه، وفي نفس الوقت ما افتح وياه مواضيع معينه

    لأنه اعرف إنه بيسأل بفضول منه.

    شو هو احساسك يوم اتحس ان هناك من يتدخل في حياتك وحاب يكشف اسرارك ..حتى لو لم تعطيه التصريح بذلك؟


    احساسي بالقهر بس احاول اطول بالي واحاسب عمري وكيف بتصرف وياه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. دمعـــــــــــــــــــــــ أمـل ـــــــــــــــــة
    بواسطة بن دبي في المنتدى واحة القصص و الحكايات
    مشاركات: 390
    آخر مشاركة: 31-07-08 ||, 06:00 AM
  2. نظـــرة حــــب
    بواسطة الشوق في المنتدى واحة القصص و الحكايات
    مشاركات: 34
    آخر مشاركة: 19-08-06 ||, 09:28 PM
  3. غربــــــــــة الأيـــــــــــام
    بواسطة عين الدماني في المنتدى واحة القصص و الحكايات
    مشاركات: 174
    آخر مشاركة: 22-01-04 ||, 12:12 PM
  4. ولد العم..
    بواسطة الأميره عناده في المنتدى واحة القصص و الحكايات
    مشاركات: 31
    آخر مشاركة: 12-10-03 ||, 05:29 PM
  5. وللايام قراار اخر     (اخيرة)
    بواسطة بن دبي في المنتدى واحة القصص و الحكايات
    مشاركات: 15
    آخر مشاركة: 01-09-03 ||, 12:55 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •