الســـــــلام عليكم ورحمة الله وبركاته و
عدت اليكم مع موضوع جديد واتمنى ان ينال اعجابكم .. بس ها لازم اشوف مشاركاتكم ..
.
.
.
موضوعي راح يكون عباره عن ((يـــــــوميـــــات موظـــــــــــف ))
واي حد من الاعضاء عنده يوميه من هاليوميات او حاب يعلق على اي يوميه ( فليدلو بدلوه )
.
.
موظفــــــ/ ـه
صارلها فترة طويله تشتغل .. وحق السوالف رقم 1 .. يوم اتشووف الشياب والعيايز ..
اتعاملهم احسن معامله .. وتحسن اليهم .. وبتطلع نص اسرار بيتها لهم ..لكن يوم بتشوف الفقارى والهنود ... اتجز منهم ... والمعامله اللي المفروض اتخلص في خمس دقايق بتخليه امخلص في ربع ساعه ... شو السر يا ترى ؟؟
.
.
.
موظفــــــ/ ـه
ياي علشان يثبت نفسه اب نفسه ... وفجأه يشووف نفسه بين خمس موظفات وهو المغلوب على امره .. زميلاته بنات .. ومسؤوولته بنت .. ومديرته بنت .. يقووول بينه وبين نفسه . حظي حلو يا ترى اني بين كل هالوروود .. والا بس راح اكون في ورطه لما اتشووف هي نفسها علي ... يا ترى كيف اتعامل وياها ..
.
.
.
موظفــــــ/ ـه
عميل جدامها ... والسماعات في اذنها .. ويقولون انها في قسم خدمة العملاء ... اتعين العميل ..
لكن مخها مع الطرف الثاني اللي معاها في التيلفون .. اتخلص ابسرعه .. لكن يا ناس .. كيف الواحد يروم يشتغل ويدق سوالف في نفس الوقت .. وكيف بتكون الخدمه حلوه دام ان هناك من يجعلك تستمع لنصف مكالمته دون استئذان ...
.
.
(( أكيد شفتوا مواقف كثيره من موظفين اتعاملتوا وياهم .. عشتوا معاهم .. خلونا انعيش هالمواقف واتخبرونا كيف راح تتصرفون .. واي حد عنده موقف .. فليدلو بدلوه ... يمكن نعطيكم حلول ونسمع لكم
تحياتي / ولي عوده مع يوميات موظفــــــ/ ـه.. اخرى
اختكم/ الشوق
10-06-2007
رد مع اقتباس
تخيلوا!!! جان اقولها يزاج الله خير و طلعت و قررت اربي في ويلكير..!! 
شكله الموضوع ما عيب البعض
! ..
مواقع النشر (المفضلة)