و عليكم السلام و رحمة الله و بركاته..

اتصدقين.. في لحظة شكيت انج تكتبين عن قسمي (خدمة العملاء) لأنه الثلاث حالات اللي ذكرتيهم تصير عندنا لووول

اتذكرت موقف صارلي في العيادة اللي في منطقتنا... كنت سايرتلهم عسب يعطوني موعد حق مستشفى الوصل قبل لا أربي و خيستني ربع ساعة جدام الكاونتر (هذا و انا حامل في الشهر السابع).. آخر شي شو تتوقعون تقولي؟؟

اونه : اختي هذا رقم قسم الأشعة في المستشفى اتصليبهم و خذي موعد يمكن يردون عليج لأني اتصل من الصبح و لابسيني!!!!! تخيلوا!!! جان اقولها يزاج الله خير و طلعت و قررت اربي في ويلكير..!!

لو افترضنا انها فعلا كانت تتصل و ما يردون عليها,, المفروض انها أولا ما اتخيسني جدامها و تيلسني لين ما تخلص معاملتي و ثانيا ما اتشوه سمعة الجهة اللي تشتغل فيها و تقول انهم ما ايردون ع المكالمات!!! ابسط شي اتسويه انها تاخذ رقمي و تتصل فيني اول ما تأكد الموعد معاهم و هالشي نسويه نحن بشكل شبه يومي في القسم عندنا في البنك...

الحمدالله ع كل حال