شو رايكم في نوكيا N95 ؟

[نجمة دبي]

السلام عليكم

شحالكم ؟

بغيت اسألكم عن نوكيا N95



شو مواصفاته؟
مميزاته؟
سلبياته؟
سعره حاليا؟

واللي حد ميربنه .. شو رايه فيه؟

[نجمة دبي]

محد عنده فكره؟؟
^_~

[مجموعة إنسان]

والله يقولون حلو
مواصفاته حلوة
وتصويره احلى ..
اليوم شفته عند عمي يمدحه وااايد وااايد
( ترا لو ما شفت تلفون عمي ماكنت بعرف لان نحن مايخصنا في التلفونات اليديدة)

[مجموعة إنسان]

كيمرته اضن 5 ميجابكسل؟!

[بحر الموده]

وعليكم السلام ورحمة الله وبركاته

نجمة دبى .. بخير الحمدلله انتى اخبارج عساج بخير

ماشاء الله مقرره على النوكيا اليديد انا الصراحه عايبتنى كيمرته 5 ميجابكسل طر كيمرته

ثانى شىء جربت فتحت عليه النت بالويرلس سريع وممتاز مواصفاته حلوه بس يقولون اذا يكون فيه برامج وممزور صور ونغمات يعلق مرات وهاىالمشكله لى مااحبها فى النوكيا

ثالث شىء السعر يختلف فيه مكان صاك صكه وفيه تقريبا مكان ارخص شوى مثل إبتك يبونه ب 2730 ودوار ميجا مول ب 2400 مايندرى رخص ولا على هذا السعر

وان شاء الله للى عندهم المزيد من المعلومات عن هذا التيلفون يتفضل يكتب الرد هنا

والسموحه

[نجمة دبي]

والله يقولون حلو
مواصفاته حلوة
وتصويره احلى ..
اليوم شفته عند عمي يمدحه وااايد وااايد
( ترا لو ما شفت تلفون عمي ماكنت بعرف لان نحن مايخصنا في التلفونات اليديدة)

هلا اخويه هواجيس مشتاق

الصراحه انا وايد عايبني والكل يقول حلو

تسلم اخويه ويعطيك العافيه

[نجمة دبي]

وعليكم السلام ورحمة الله وبركاته

نجمة دبى .. بخير الحمدلله انتى اخبارج عساج بخير

ماشاء الله مقرره على النوكيا اليديد انا الصراحه عايبتنى كيمرته 5 ميجابكسل طر كيمرته

ثانى شىء جربت فتحت عليه النت بالويرلس سريع وممتاز مواصفاته حلوه بس يقولون اذا يكون فيه برامج وممزور صور ونغمات يعلق مرات وهاىالمشكله لى مااحبها فى النوكيا

ثالث شىء السعر يختلف فيه مكان صاك صكه وفيه تقريبا مكان ارخص شوى مثل إبتك يبونه ب 2730 ودوار ميجا مول ب 2400 مايندرى رخص ولا على هذا السعر

وان شاء الله للى عندهم المزيد من المعلومات عن هذا التيلفون يتفضل يكتب الرد هنا

والسموحه

هلا اخويه
بخير ربي يخليك

بخصوص كيمرته .. وايد مدحوه لي
وايرلس !! يا عيني .. هذا اللي اباه
وبخصوص انه يعلق .. اعتقد هالشي طبيعي لكثر البرامج والصور والفيديو اللي ينحط فيه

اشكرك اخويه عالمعلومات الحلوه

و اللي حد مريبنه يخبرنا

[بوزايد]

مب شي يعلق وايد ويبند بروحه شرات المينون خخخ ولا تيلفوني خربان ما اظن يديد

[نجمة دبي]

بوزايد خخخخخخخخخ
حتى انا قالوا لي يعلق وايد ويشكل على كيفه

[مخاوية الامل]

اخــتي وردة الحب مأخذتنه واايد حــلو...

[وردة الحب]

لالالا انصــحج خذيه والله حــــــــــــــــــلووو ...

احلى ما فيه كمرته .. وتبين سعر انا ماخذتنه من ثلاث اسابيع تقريبا كان سعره 1800 شي جي ..

بس والله حــلو .. وما يعلق بالعكس .. >>> بو زايد ها فونك مخرف خخخ

فديته فوني ..

[العجيبة]

وردة الحب من وين بـ 1800 ؟

[ذنـيـنـي]

وايد يمدحونه
اهم شي انه بين كل فترة و فتره تنزلون له update من النت
ربيعي يقولي انه مع كل update يستوي احسن

[بوزايد]

وردة الحب

ماخذه صيني شكلج تاكدي من الصنع خوزي البطاريه وشوفي من وين ميد

[قرموشة]

بعـد شهرين بينزلـون شي يديد لووول
نوكـيـا عليه X من بعـد ما يربت السـوني