باجـــــــ امتحان الايلس ـــــــــــــــــــر

**بنوتة جميرا** · 08-06-07 ||, 12:16 PM

السلام عليكم ورحمه الله وبركاته

اشحاااالكم؟؟

الله يسلمكم باجر بنمتحن الايلس

والله حاسه بتوتر من الحينه

احس اني مب جاهزة للامتحان

كانت نفسيتي عال العال
بس من كثر رمسه البنات
فلانه اتقول صعب والثانيه اتقول مستحيل ننجح

شكيت في قدراتي

هوو صح له رهبه كأي امتحان
بس الايلس امتحان تحديد مصير

يا ننجح يا نرسب ونبقى مكاننا ونعيد اللي خذناه

حرااااام

بغيت اسأل في حد منكم امتحن الايلس؟؟
كيف كان الامتحان؟؟واااايد صعب؟؟
وبشو تنصحون اللي بيمتحنون الايلس؟؟

دعواتكم لنا بالنجاح

اختكم.. بنوتة جميرا ..

**دموع قلم** · 08-06-07 ||, 12:46 PM

وعليـكم السـلام ورحمـة الله وبركـاته

عـزيزتـي بنـوتـة جميـرا ..
امممم للأسف ليـن الحيـن ما امتحـنت هالامتحـان .. بـس من اللي سمعتـه ان الامتحـان سهـل دامج
تعـرفين اللغـة الإنجليـزي في الأصل .. يعنـي أهم شي تعـرفين أسـاسيـاتهـا وذاكـرتي لهالامتحـان بعـد..

عسـى الرحمـن يـوفقج ويسهـل لج إن شاء الله ..
لا تحـاتين ولا تتـوتـرين .. وركـزي بالامتحـان ..
وسمـي بسم الله ووكلـي أمـرج له ..

^_^

**ذنـيـنـي** · 08-06-07 ||, 01:26 PM

لول

نفس الرمسه الي كنا نسمعها
بس ما عليج من هالرمسه

انا امتحنته و كان عادي
حاله حال اي امتحان ثاني

ما بقول انه سهل
لكنه مب صعب مثل ما الناس يقولون عنه
توكلي على الله و سيري و انتي واثقة من قدراتج
و لا ترتبكين و ركزي في الامتحان
ولا تنسين تدعين ربج انه يوفقج

ان شاء الله تتيسر امورج في الامتحان و يكون سهل و اتيبين فوق الـ 6

**مجموعة إنسان** · 08-06-07 ||, 02:13 PM

انا امتحنت الأيلس ..

ركزي على اللسنج والسبيجنج لان بتحصلين منهم درجات
والريدنج لا تفكرين تقرينه كامل
بس سوي سكان من السؤال
لان ماشي وقت في الريدنج
والرايتنج حاولي ما تحصلين اغلاط جرامر ..

المهم
الأمتحان مب صعب ولا سهل
بس يبيله تركيزونصيييييحة
لا تسهرين قبل الأمتحان لان بتتعبين حزة الأمتحان من التركيز

**مــهــابه** · 08-06-07 ||, 02:24 PM

اللـه يـوفـقج يـا بنـوته جميـرا

لاتسمعـين كلاام البنات ، تـراهـن وايد يـرمســن

تـوكلي علـى الله

وأهم شي الـتركيــز

ومثل ماقـال اخويه هواجيس مشـتاق ، الليسنغ والسبيكنغ ، تـقدريـن تجمعـين فيهم
وحـتى الرايـتنغ

**بنوتة جميرا** · 08-06-07 ||, 04:37 PM

دموع قلم
الله يسمع منج يارب
والنعم بالله عزيزتي
مشكوره ع النصايح الحلوووة

**بنوتة جميرا** · 08-06-07 ||, 04:39 PM

ذنيني
ان شاء الله يكون سهل
وننجح فيه و انيب 5
هالدرجه اللي يبونها
مشكور اخوي ع النصيحه

**بوزايد** · 08-06-07 ||, 04:40 PM

سهلــــــــــ ما في شي

بس لو كنتي طبعا محضره له

واظن انج محضره لهــ

الله يوفقج ويسهل عليجـــ يا رب

**بنوتة جميرا** · 08-06-07 ||, 04:42 PM

هواجيس مشتاق
انا ماحاتي الرايتنق واللسنق
الاسبيكنق سوينا ويا المس براكتس صدق كنت متنرفزة
الله يعين
والريدنق اغسل ايدي منه
المس اتقول لي انا الريدنق صعب كيف لكم انتوا
الله يستر بس
بنسوي اللي علينا والباقي على رب العالمين

اليوم من الساعه 9 برقد عسب ما اكون كسلانه ونعسانه حزه الامتحان
شكرا اخوي ع النصيحه

**بنوتة جميرا** · 08-06-07 ||, 04:43 PM

مهابه
امين يالغاليه
مشكوره فديتج

**بنوتة جميرا** · 08-06-07 ||, 04:44 PM

بو زايد
اميييييين
مشكور ياخوي

**ذنـيـنـي** · 08-06-07 ||, 05:12 PM

الريدينق صعب !!

الريدينج انا خلصته في اربعين دقيقة
و في العشرين الدقيقة الباقيات تميت اراجع و ارسم على الطاولة

ما عليج من كلام المس
سهل الامتحان، اهم شي انج ما تتنرفزين ولا تتوترين