متابعة حالة اعصار غونو

[دمعة شوق]

الـسـلام عليـكم

الله يـحـفـظ كـل المسـلميـن من كـل شـر ومكـروه
الله يـسـر أمورهـم ويعيـنـهــم على ماابـتـلاهــم

؛؛

غـدوه وبأذن الله تعـالـى اعــصار مع ريـاح وأمـطـار رعـديـة شـديـدة سيـصـيب سـلطنـة عمـان وضـواحيـهـا وبيـوصـل ليـن البـريـمـي
ويمـتـد لـراس مسـنـدم ؛
والدنيـا محتشـره والـنـاس اللي على الـسـاحل بدوا بأخـلاء ديـارهـم
وبيسـتـمر ثـلاثـة أيـام
؛؛
الله يعيـن أهــل الـفـجيـرة ورأس الخيمــة والعيــن
لأنـهــم عـلى الحـدود
؛؛

الله يـسـلمهــم يـاربيـه ؛ انا ختـيـه إمره على حدود راس الخيمـة
وبيون ورا بـاكــر الله يعيـنـهـم ويحميــهـم
||

دعــواتـكم ألهــم
وااللي يبـا يتـأكــد يسـير يجابل التلفـزيـون ويحـط عمــان

[كـلـكـلـووش]

الله المستعان .. و ان شاء الله الله بيرأف بعباده ..

ربي يعين كل المسلمين اللي هناك ..

[دمعة شوق]

الله يسمـع منـك يـاخـوي

[ذنـيـنـي]

يقولون انه بيصيب ساحل الخليج العربي بعد
تحملوا على اعماركم يا جماعه

[دمعة شوق]

ربــي يحــفــظــكم مــن كــل شـر

[قرموشة]

بيوصـل هنه ! جـدا النخي سيتي ؟

[نجمة دبي]

نحن باجر كنا بنسير عمان لكن اليوم كنسلنا
وحده من الاهل ساكنه جريب البحر .. وامخبرينهم يطلعون من البيت

والشرطه والجيش عندهم طواري

الله يعينهم والله
وربي يحفظ جميع المسلمين يارب

[دمعة شوق]

قـريـميـش
للحينه ماادري بس على الحـدود هذا اللي أعرفه وسمعت بعد انه على ساحل الخليج العـربي
؛

الله يحفـظكـم

[ألـم]

من صدقكم ترمسوووووووون ..
ورأس الخيمه والفجيره بيستويبهم شيء ..؟؟


أممممممممم جان أزيغ
..

[إسهر معي ليله]

الله يعينهم.. ويستر علينا

وان شالله كل شي يعدي على خير

[بوزايد]

انا اقول ليش ما يخلون الجيش يوقف الاعصار



استهبال صح



ادري



انزين

المهم




الله يعين ان شاء الله اهل عمان واهل الامارات والمسلمين كلهم

وان شاء الله محد يصيبه شي يا رب


بس انا شفت الاخبار توني ع عمان محد طرى الامارات بس قالوا عمان محد طرى لا العين ولا الفجيره ولا غيرها


وتسلمين

[دمعة شوق]

ألم
يخويتـي مادرينا بس انا اقول لانهن على الحدود
؛؛
بوزايد
ياخوي تراه بيوصل للبريمـي والبريـمـي الا في العـين يعني ماشـي بعـد كيـلو ولا شـي
والـفجيـرة وراس الخيمه لانهن ع الحـدود
وإن شاءالله مايصيبهن شــي

[بحر الموده]

السلالالالام عليكم

دمعة شوق شكراً على الخبر والله يعين الجميع يارب

اللهم اجعلها امطار خير وبركة يارب
اللهم حوالينا ولاعلينا .. اللهم على الآكامِ والظرابِ وبُطون الأودية .. ومنابت الشجر

عسى خير ان شاء الله

هاى خريطة عن الاعصار القادم القوى الى السلطنه وكنا بيضرب صلاله وبيروح صوب حضرموت بس



آسيا غاطه من الامطار وهذا ياى من صوب الهند لانه قبل فتره فى الهند ميتين فوق العشر اشخاص مساكين
شكله طوالى على جزر الحلانيات ومصيره وراس الحد والصور ومن ثم قريات وبدبد ومسقط وبيعم ارجاء ساحل الباطنه وبتكون سرعته عاليه جداً

وترى العلم عند الله سبحانه وتعالى وهذا والله اعلم

[بوزايد]

اللهم حوالينا ولاعلينا ..

ان شاء الله مب علينا ولا ع الي حوالينا يا رب

[الـيـاه]

أميييي بسم الله !
الله يسلمهم ويسلمنا ..