متابعة حالة اعصار غونو

**مايهزك ريح** · 07-06-07 ||, 01:12 PM

لا حول ولا قوة الا بالله ..

**ألـم** · 07-06-07 ||, 03:19 PM

الله يرحم اللي ماتوا ...
أبــوي كانت سفرته أمس للهند وصل المطار وردوه
وقالوله ما شيء اليوم سفره للهند ,,
وقالوله تعال باجر الظهر اللي هوه اليوم ,,
ويوم سار قالوله ما شيء سفره بعد رد الجو معتفس,,
حتى شركات الطيران غيروا مواعيد الرحلات ..

الله يعييييييين ..

**عهد الوداع** · 07-06-07 ||, 03:20 PM

لا حول ولا قوه الا بالله

الله يعينهم

**الـيـاه** · 07-06-07 ||, 03:36 PM

الله يعينهم .. بلادهم انجلبت فوق تحت - كم بيعدلون - !
وفوق هذا مب فاهمه ليــش مايبون مساعده من الامارات وباجي دول مجلس التعاون

**وحي القلم** · 10-06-07 ||, 12:08 AM

المشاركة الأصلية كتبت بواسطة الـيـاه

الله يعينهم .. بلادهم انجلبت فوق تحت - كم بيعدلون - !
وفوق هذا مب فاهمه ليــش مايبون مساعده من الامارات وباجي دول مجلس التعاون

هيه و الله !!

أيام التسونامي كم البلدان اللى طرشوا مساعدات لدول شرق آسيا

لكن هالمره ما سمعنا انه حد طرش شي لعمان !!

مع انه الامارات أعلنت أنها مجهزه قوات

في حال احتاجوا لأي مساعده في المناطق الشرقيه فالدوله ولا في عمان !!

..

**مــهــابه** · 07-06-07 ||, 03:40 PM

ع فـكرة
اللـي يحـطونه فـالـتلفـزيون شـي والواقـع شي ثـاني

اربيعتيه عمانيه ، توها واصلـه اصحار ، واتخـبرها عن الأوضـاع
تـقول حـالـتهم وايد صـعبـه

مب كل اللي يحتاجونه متوفـر لهم ، وايد وايد يـعانون

بس بـعضهم رجعـوا ابيـوتـهم

الله يـعينهم والله

**دمعة شوق** · 07-06-07 ||, 03:41 PM

كلـكلوش
الـشـارجـه ماقـصـرت ؛ بس المفروض يعطونـا كمن خبـر
بس يالله الاعصـار عدى للحيـنـه والحمدالله
؛؛

الله يعيــن هل عمان صدق من الخاطر
كيـف كانت مسـقـط وكيـف استـوت
ادمـرت وبالقـو الله يعينهم ويسر أمورهـم

**مجموعة إنسان** · 09-06-07 ||, 07:48 PM

عجبني واحد اتصل بتلفزيون عمان
يقول ليش هذا التكتم على الخبر
وليش ما اطلعون صور من مناطق ثانية مثل صور
لان مسقط العاصمة اطلعون صورها
والمناطق الثانية بيوتهم من طين ما اطلعونها